ಬೆಂಗಳೂರು : ಕೊರೊನಾ ವೈರಸ್ ಹಿನ್ನೆಲೆ ಲಾಕ್ಡೌನ್ ಮಾಡಿರುವ ಪರಿಣಾಮ ಬೆಂಗಳೂರಿನ ಗಾಳಿಯ ಗುಣಮಟ್ಟ ಗಣನೀಯವಾಗಿ ಸುಧಾರಿಸಿದೆ. ತೃಪ್ತಿದಾಯಕ ಮಟ್ಟದಿಂದ ಉತ್ತಮ ಮಟ್ಟಕ್ಕೆ ತಲುಪಿದೆ ಎಂದು ರಾಜ್ಯದ ಮಾಲಿನ್ಯ ನಿಯಂತ್ರಣ ಮಂಡಳಿಯ ಹಿರಿಯ ಅಧಿಕಾರಿಯೊಬ್ಬರು ಭಾನುವಾರ ತಿಳಿಸಿದ್ದಾರೆ.
'ಲಾಕ್ಡೌನ್ ಸಮಯದಲ್ಲಿ, ನಾವು ತೃಪ್ತಿದಾಯಕದಿಂದ ಉತ್ತಮ ಸ್ಥಾನ ತಲುಪಿದ್ದೇವೆ. ಇದು ಈಗ ಶೂನ್ಯದಿಂದ 50 ಎಕ್ಯೂಐ (ವಾಯು ಗುಣಮಟ್ಟ ಸೂಚ್ಯಂಕ)ದ ನಡುವೆ ಇದೆ. ನಮ್ಮಲ್ಲಿ ಉತ್ತಮ ಗುಣಮಟ್ಟದ ಗಾಳಿ ಇದೆ' ಎಂದು ಕರ್ನಾಟಕ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿಯ ಸದಸ್ಯ ಕಾರ್ಯದರ್ಶಿ ಬಸವರಾಜ್ ಪಾಟೀಲ್ ಹೇಳಿದರು.
"ಎಕ್ಯೂಐ ಶೂನ್ಯದಿಂದ 50 ರಷ್ಟಿದ್ದರೆ ಅದು ಒಳ್ಳೆಯದು. ಅದು 50 ರಿಂದ 100 ಆಗಿದ್ದರೆ ಅದು ತೃಪ್ತಿಕರವಾಗಿದೆ. 101 ರಿಂದ 150 ಮಧ್ಯಮ ಮತ್ತು 151 ರಿಂದ 200 ಆಗಿದ್ದರೆ ಅದು ಕಳಪೆ. ಲಭ್ಯವಿರುವ ಪುನರಾವರ್ತನೆಗಳ ಪ್ರಕಾರ, ಲಾಕ್ಡೌನ್ ಸಮಯದಲ್ಲಿ ಮಾಲಿನ್ಯದಲ್ಲಿ ಶೇ. 60 ರಿಂದ 65ರಷ್ಟು ಕಡಿಮೆಯಾಗಿದೆ ಎಂದು ಪಾಟೀಲ್ ಹೇಳಿದರು.
ನಗರ ರೈಲ್ವೆ ನಿಲ್ದಾಣ ಮತ್ತು ಪೀಣ್ಯ ಕೈಗಾರಿಕಾ ಪ್ರದೇಶವು ಅತಿ ಹೆಚ್ಚು ಎಕ್ಯೂಐ ಹೊಂದಿರುವ ಪ್ರದೇಶಗಳಲ್ಲಿ ಒಂದಾಗಿವೆ. ಇವುಗಳ ಕಾರ್ಯ ಸ್ಥಗಿತವಾಗಿರುವುದರಿಂದ ಮಾಲಿನ್ಯದ ಮಟ್ಟವು ಗಮನಾರ್ಹವಾಗಿ ಕಡಿಮೆಯಾಗಿದೆ. ಸುಧಾರಿತ ಗಾಳಿಯ ಗುಣಮಟ್ಟವು ಜನರ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ ಎಂದು ಪಾಟೀಲ್ ಅಭಿಪ್ರಾಯಪಟ್ಟರು.
ಲಾಕ್‌ಡೌನ್‌ನಿಂದ ಪಾಠಗಳನ್ನು ಕಲಿಯಲು ಮತ್ತು ನಂತರ ಸಾರ್ವಜನಿಕ ಸಾರಿಗೆ, ವಾಕಿಂಗ್ ಮತ್ತು ಸೈಕ್ಲಿಂಗ್‌ನಂತಹ ಸುಸ್ಥಿರ ಸಾರಿಗೆ ವಿಧಾನಗಳಿಗೆ ಬದಲಾಯಿಸುವಂತೆ ಅವರು ಸಾರ್ವಜನಿಕರನ್ನು ಕೇಳಿಕೊಂಡರು.
