ಬೆಂಗಳೂರು: ವರ್ಗಾವಣೆಯಿಂದ ತಪ್ಪಿಸಿಕೊಳ್ಳಲು ಕೆಪಿಟಿಸಿಎಲ್ ಉದ್ಯೋಗಿಯೊಬ್ಬ ಸಿಎಂ ಕಚೇರಿ ಹೆಸರಲ್ಲಿ ನಕಲಿ ಕರೆ ಮಾಡಿಸಿದ್ದಾನೆ.
ಕೆಪಿಟಿಸಿಎಲ್ನ ಕಾರ್ಯನಿರ್ವಾಹಕ ಇಂಜಿನಿಯರ್ ಬಿ.ಎಲ್.ನರಸಿಹಂಮೂರ್ತಿ ಎಂಬ ಅಧಿಕಾರಿ ಈ ರೀತಿ ಸುಳ್ಳು ಕರೆ ಮಾಡಿ ತಮ್ಮ ವರ್ಗಾವಣೆ ಆದೇಶವನ್ನು ಮಾರ್ಪಾಡು ಮಾಡಲು ಯತ್ನಿಸಿದ್ದಾರೆ.
ಅಕ್ಟೋಬರ್ 23 ರಂದು ವರ್ಗಾವಣೆ ಆದೇಶ ಹೊರಡಿಸಲಾಗಿತ್ತು. ಆದರೆ ವರ್ಗಾವಣೆಗೆ ಒಲ್ಲದ ನರಸಿಂಹಮೂರ್ತಿ ಈ ಹಿಂದಿನ ಜಾಗದಲ್ಲಿಯೇ ಮುಂದುವರೆಸುವ ನಿಟ್ಟಿನಲ್ಲಿ ಸುಳ್ಳು ಕರೆ ಮಾಡಿದ್ದಾರೆ.
ಕೆಂಗೇರಿಯ ಬೆಸ್ಕಾಂ ಕಾರ್ಯಪಾಲನ ವಿಭಾಗದಲ್ಲಿ ಮುಂದುವರಿಯುವ ಸಲುವಾಗಿ ಮಾರ್ಪಾಡು ಆದೇಶ ಪಡೆಯಲು ಸಿಎಂ ಕಚೇರಿ ಹೆಸರಲ್ಲಿ ಸುಳ್ಳು ಕರೆ ಮಾಡಿಸಿದ್ದಾರೆ. ಈ ಸುಳ್ಳು ಕರೆಯ ವಿಚಾರ ಗೊತ್ತಾಗಿ ಕೆಪಿಟಿಸಿಎಲ್ ನಿರ್ದೇಶಕರು ವಾರ್ಗಾವಣೆ ಮಾಡಿರುವ ಕೆಪಿಟಿಸಿಎಲ್ ಕಚೇರಿಯಲ್ಲಿ ವರದಿ ಮಾಡಿಕೊಳ್ಳುವಂತೆ ನರಸಿಂಹಮೂರ್ತಿಗೆ ಸೂಚನೆ ನೀಡಿ ಆದೇಶ ಹೊರಡಿಸಿದ್ದಾರೆ.
