ಬೆಂಗಳೂರು: ಡಿಜೆ ಹಳ್ಳಿ ಗಲಭೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮಾಜಿ ಕಾರ್ಪೊರೇಟರ್ ಒಬ್ಬರ ಪುತ್ರನನ್ನು ಡಿ.ಜಿ.ಹಳ್ಳಿ ಪೊಲೀಸರು ಬಂಧಿಸಿದ್ದಾರೆ.
ಡಿಜಿ ಹಳ್ಳಿ ನಿವಾಸಿ ಹಾಗೂ ಜೆಡಿಎಸ್ ಮುಖಂಡ ಖಾಲೀದ್ ಬಂಧಿತ ಆರೋಪಿ. ಈತನ ತಂದೆ ಸಯ್ಯದ್ ಆರೀಫ್ ಡಿ.ಜಿ.ಹಳ್ಳಿ ಮಾಜಿ ಕಾರ್ಪೊರೇಟರ್ ಆಗಿದ್ದರು. ಫೇಸ್ಬುಕ್ನಲ್ಲಿ ನವೀನ್ ಪೋಸ್ಟ್ ಹಾಕಿದ್ದ ವಿಚಾರಕ್ಕಾಗಿ ಆಗಸ್ಟ್ 11 ರಂದು ನವೀನ್ ಗುಂಪಿನೊಂದಿಗೆ ದೂರು ನೀಡಲು ಡಿ.ಜಿ.ಹಳ್ಳಿ ಠಾಣೆಗೆ ಖಲೀದ್ ಬಂದಿದ್ದ. ಜನರ ಕೂಟವನ್ನು ಕರೆತಂದು ಗಲಭೆಗೆ ಪ್ರಚೋದನೆ ನೀಡಿದ್ದ ಎಂಬ ಆರೋಪದಡಿ ಬಂಧಿಸಲಾಗಿದೆ.
BMP ಅವಧಿಯಲ್ಲಿ ಸಯ್ಯದ್ ಆರೀಫ್ ಆಗ ಡಿಜೆ ಹಳ್ಳಿ ವಾರ್ಡ್ ಕಾರ್ಪೊರೇಟರ್ ಆಗಿದ್ದರು. ಅಧಿಕಾರದಲ್ಲಿದ್ದಾಗಲೇ ಅನಾರೋಗ್ಯದಿಂದ ಮೃತ ಪಟ್ಟಿದ್ದರು. ಸದ್ಯ ಪೊಲೀಸರು ಆರೀಫ್ ಮಗನನ್ನು ಬಂಧಿಸಿ ವಿಚಾರಣೆಗೆ ಒಳಪಡಿಸಿದ್ದಾರೆ.
