ಬೆಂಗಳೂರು: 73ನೇ ಸ್ವಾತಂತ್ರ್ಯ ದಿನಾಚರಣೆಯಾದ ಇಂದು ಪೊಲೀಸ್ ಇಲಾಖೆಯಲ್ಲಿ ಸಾಧನೆ ಮಾಡಿದವರಿಗೆ ಒಂದೆಡೆ ಪದಕ ಪ್ರಧಾನ ಮಾಡಿದರೆ, ಮತ್ತೊಂದೆಡೆ ಉತ್ತರ ವಿಭಾಗ ಡಿಸಿಪಿ ಶಶಿಕುಮಾರ್ ಅವರು ಸಾಧನೆ ಮಾಡಿದ ಪೊಲೀಸರಿಗೆ ಸನ್ಮಾನ ಮಾಡಿ ಭೇಷ್ ಎಂದಿದ್ದಾರೆ.
ಇಂದು ಯಶವಂತಪುರ ವ್ಯಾಪ್ತಿಯ ಬಳಿ ಇರುವ ಉತ್ತರ ವಿಭಾಗದ ಡಿಸಿಪಿ ಕಚೇರಿಯಲ್ಲಿ ಸ್ವಾತಂತ್ರ್ಯ ದಿನಾಚರಣೆಯನ್ನ ಡಿಸಿಪಿ, ಶಶಿಕುಮಾರ್, ಎಸಿಪಿ ,ಸಿಬ್ಬಂದಿಗಳು ಸೇರಿದಂತೆ ವಿನೂತನವಾಗಿ ಆಚರಣೆ ಮಾಡಲಾಯಿತು. ಈ ವೇಳೆ ಉತ್ತರ ವಿಭಾಗದ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಜುಲೈ2019ರಲ್ಲಿ ಉತ್ತಮ ಕರ್ತವ್ಯ ನಿರ್ವಹಿಸುರುವ
ಲೋಹಿತ್, ಪಿಎಸ್ಐ ನಂದಿನೀಲೇಔಟ್ ಪೊಲೀಸ್ ಠಾಣೆ, ರೂಪ ಕೆ ಎಸ್, ಸಬ್ ಇನ್ಸ್ಪೆಕ್ಟರ್ ಸಂಜಯನಗರ, ಮಂಜುಕುಮಾರ್ ಸುಬ್ರಮಣ್ಯ ನಗರ ಪೊಲೀಸ್ ಠಾಣೆ, ಮಂಜಣ್ಣ ಹೆಚ್ ಸಿ ಸಂಜಯನಗರ ಪೊಲೀಸ್ ಠಾಣೆ, ಯಲ್ಲಮ್ಮ ಸೋಲದೇವನಹಳ್ಳಿ ಪೊಲಿಸ್ ಠಾಣೆ, ರಾಜಶೇಖರಯ್ಯ ಹೆಬ್ಬಾಳ ಪೊಲೀಸ್ ಠಾಣೆ ಇಷ್ಟು ಮಂದಿಗೆ ಡಿಸಿಪಿ ಶಶಿಕುಮಾರ್ ಸನ್ಮಾನಿಸಿದರು.
ಈ ಕಾರ್ಯಕ್ಕೆ ಸಾರ್ವಜನಿಕರಿಂದ ಮೆಚ್ಚುಗೆ ವ್ಯಕ್ತವಾಗಿದ್ದು, ಇದೀಗ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ಕತ್ ವೈರಲ್ ಆಗ್ತಿದೆ.
