ಬೆಂಗಳೂರು: ನಗರದ ಆಸ್ಪತ್ರೆಗಳಲ್ಲಿ ಬೆಡ್ ಸಿಗದೆ, ಆಕ್ಸಿಜನ್ ದೊರಕದೆ ದಿನೇ ದಿನೆ ಕೋವಿಡ್ ರೋಗಿಗಳ ಸಾವಿನ ಸಂಖ್ಯೆ ಹೆಚ್ಚಾಗುತ್ತಿದೆ. ರೋಗಿಗಳು ಸಹ ಆ್ಯಂಬುಲೆನ್ಸ್ ನಲ್ಲೇ ಹಾಗೂ ನಡುಬೀದಿ ಹೀಗೆ ಎಲ್ಲೆಂದರಲ್ಲಿ ಪ್ರಾಣ ಬಿಡುತ್ತಿರುವ ದೃಶ್ಯಗಳು ಕಂಡುಬರುತ್ತಿವೆ. ಈ ಮಧ್ಯೆ ನಗರದ ಅಪಾರ್ಟ್ಮೆಂಟ್ ನಿವಾಸಿಗಳು ತಮಗೂ ಇದೇ ರೀತಿ ಸಮಸ್ಯೆ ಎದುರಾಗಬಾರದು ಎಂದು ಒಂದೊಳ್ಳೆ ಐಡಿಯಾ ಮಾಡಿದ್ದಾರೆ.
ಆಕ್ಸಿಜನ್ ಹಾಗೂ ಬೆಡ್ ಗಾಗಿ ಕಾದು ಕುಳಿತರೆ ಪ್ರಾಣಪಕ್ಷಿ ಹಾರಿ ಹೋಗುವ ಆತಂಕದಿಂದ ಇಲ್ಲಿನ ಅಪಾರ್ಟ್ ವೊಂದರಲ್ಲಿ ಮಿನಿ ಕೊರೊನಾ ಕೇರ್ ಸೆಂಟರ್ ಆರಂಭಿಸಲಾಗಿದೆ. ಯಶವಂತಪುರದ ಗೋಲ್ಡನ್ ಗ್ರ್ಯಾಂಡ್ ಅಪಾರ್ಟ್ಮೆಂಟ್ ನಿವಾಸಿಗಳು ಒಗ್ಗೂಡಿ ಮನೆಯಂಗಳದಲ್ಲಿ ಐದು ಬೆಡ್ ಹಾಗೂ ಆಕ್ಸಿಜನ್ ಸೌಲಭ್ಯವಿರುವ ಕೋವಿಡ್ ಕೇರ್ ಸೆಂಟರ್ ನಿರ್ಮಿಸಿದ್ದಾರೆ.
ಈ ಅಪಾರ್ಟ್ಮೆಂಟ್ನಲ್ಲಿ ಒಟ್ಟು 520 ಫ್ಲ್ಯಾಟ್ ಗಳಿದ್ದು, 20 ಪ್ಲಾಟ್ ಗಳಲ್ಲಿ ಕೊರೊನಾ ಕಾಣಿಸಿಕೊಂಡಿದೆ. ಹೀಗಾಗಿ ಆಸ್ಪತ್ರೆಯಲ್ಲಿ ಬೆಡ್ ಸಿಗಲಿದೆ ಎಂದು ಕಾಯದೆ ಕೇರ್ ಸೆಂಟರ್ ತೆರೆಯಲಾಗಿದೆ. ಅಪಾರ್ಟ್ ಮೆಂಟ್ ನಲ್ಲಿ 40ಕ್ಕೂ ಹೆಚ್ಚು ವೈದ್ಯರಿದ್ದಾರೆ. ಪ್ರತಿನಿತ್ಯ ಒಬ್ಬರಂತೆ ಕೋವಿಡ್ ಕೇರ್ ಸೆಂಟರ್ ಮೇಲ್ವಿಚಾರಣೆ ನಡೆಸುತ್ತಿದ್ದಾರೆ.
ಸೋಂಕಿತರ ಪೈಕಿ ಕೆಲವರಿಗೆ ವಯೋಸಹಜ ಕಾಯಿಲೆಯಿದೆ. ಈ ಹಿನ್ನೆಲೆಯಲ್ಲಿ ಅಪಾರ್ಟ್ಮೆಂಟ್ನ ಕ್ಲಬ್ ಏರಿಯಾದಲ್ಲಿ ಕೇರ್ ಸೆಂಟರ್ ತೆರೆಯಲಾಗಿದೆ.
ಇದನ್ನೂ ಓದಿ- ಬೆಂಗಳೂರಿನ ಆಸ್ಪತ್ರೆಗಳು ಫುಲ್: ಬೆಡ್ ಸಿಗದೆ ಜೀವ ಬಿಡುತ್ತಿರುವ ಕೋವಿಡ್ ಸೋಂಕಿತರು!
