ಬೆಂಗಳೂರು: ರಾಜಧಾನಿಯಲ್ಲಿ ನಿನ್ನೆ ಸುರಿದ ಭಾರೀ ಮಳೆಗೆ ಜನಜೀವನ ಅಸ್ತವ್ಯಸ್ತವಾಗಿತ್ತು. ಮಳೆಯಿಂದಾಗಿ ಜನತೆ ಪಡಬಾರದ ಕಷ್ಟ ಪಟ್ಟಿದ್ದಾರೆ. ನಿನ್ನೆ ಬೆಂಗಳೂರಲ್ಲಿ ನಿರಂತರವಾಗಿ 2 ಗಂಟೆ ಕಾಲ ಮಳೆ ಸುರಿದಿದ್ದರೆ, ಅದರ ಪ್ರಮಾಣ ಮಾತ್ರ ಹೆಚ್ಚಾಗಿತ್ತು. ಅದರಲ್ಲೂ ಬೆಂಗಳೂರು ದಕ್ಷಿಣ ಹಾಗೂ ಆರ್.ಆರ್ ನಗರ ವ್ಯಾಪ್ತಿಯಲ್ಲಿ ಹೆಚ್ಚು ಮಳೆಯಾಗಿದ್ದು, ಕೆಲ ಪ್ರದೇಶಗಳಲ್ಲಿ 100 ಮಿ.ಮೀ.ಗೂ ಹೆಚ್ಚು ಮಳೆಯಾಗಿರುವ ವರದಿಯಾಗಿದೆ.
ಮಳೆಯಿಂದಾಗಿ ನಗರದ ಹಲವೆಡೆ ನುಗ್ಗಿದ ನೀರು
ಎಲ್ಲೆಲ್ಲಿ ಎಷ್ಟೆಷ್ಟು ಮಳೆಯಾಗಿದೆ ಎಂದು ನೋಡುವುದಾದರೆ..
- ಆರ್.ಆರ್ ನಗರ: 109 ಮಿ.ಮೀ.
- ಹೆಮ್ಮಿಗೆಪುರ: 107 ಮಿ.ಮೀ.
- ಕೆಂಗೇರಿ: 109 ಮಿ.ಮೀ.
- ಉಲ್ಲಾಳ: 105 ಮಿ.ಮೀ.
- ವಿದ್ಯಾಪೀಠ: 97 ಮಿ.ಮೀ.
- ಹೊಸಕೆರೆಹಳ್ಳಿ: 96.5 ಮಿ.ಮೀ.
- ಉತ್ತರಹಳ್ಳಿ: 90 ಮಿ.ಮೀ.
- ಕೋಣನಕುಂಟೆ: 85 ಮಿ.ಮೀ.
- ಬಸವನಗುಡಿ, ಗವಿಗಂಗಾಧರೇಶ್ವರ ದೇವಸ್ಥಾನ: 81.5 ಮಿ.ಮೀ.
- ಶಾಖಾಂಬರಿ ನಗರ: 81 ಮಿ.ಮೀ.
- ಕುಮಾರಸ್ವಾಮಿ ಲೇಔಟ್: 81 ಮಿ.ಮೀ.
- ಜಯನಗರ: 72 ಮಿ.ಮೀ. ಮಳೆಯಾಗಿದೆ.
