ಕೊರೊನಾದಿಂದ ಸಂಕಷ್ಟ : ಬಡಕುಟುಂಬದ ನೆರವಿಗೆ ನಿಂತ ಬಾಗಲಕೋಟೆ ಜಿಲ್ಲಾಡಳಿತ

ಮನೆಯಲ್ಲಿ ವಿಶೇಷಚೇತನ ವ್ಯಕ್ತಿ ಇರುವ ಹಿನ್ನೆಲೆ ಆತನ ಆಧಾರ್​ ಕಾರ್ಡ್​ ಪಡೆದು ಪ್ರತಿ ತಿಂಗಳು ಮಾಶಾಸನ ಸಿಗುವಂತೆ ಅಧಿಕಾರಿಗಳು ಅನುಕೂಲ ಮಾಡುತ್ತಿದ್ದಾರೆ. ಯಜಮಾನ ನಾಪತ್ತೆ ಆಗಿರುವ ಹಿನ್ನೆಲೆ, ಆತನ ಹೆಂಡತಿ, ಮೂವರು ಚಿಕ್ಕ ಮಕ್ಕಳು, ವಿಕಲಾಂಗ ಅಣ್ಣ ಬೀದಿಪಾಲು ಆಗಿರುವ ಬಗ್ಗೆ ವರದಿ ಮಾಡಲಾಗಿತ್ತು..

ಬಾಗಲಕೋಟೆ : ಬಡ ಕುಟುಂಬಕ್ಕೆ ಕೊರೊನಾ ಕಂಟಕವಾಗಿದೆ. ದುಡಿಯಲಿಕ್ಕೆ ಹೋದ ಮನೆಯೊಡೆಯ ಅಬ್ದುಲ್ ಮುನಾಫ್ ಎಂಬಾತ ನಾಪತ್ತೆಯಾಗಿದ್ದಾನೆ. ಈ ಹಿನ್ನೆಲೆ ಜಿಲ್ಲಾಡಳಿತವು ಬಡ ಕುಟುಂಬದ ನೆರವಿಗೆ ನಿಂತಿದೆ.

ಉಪ ವಿಭಾಗಾಧಿಕಾರಿ ಗಂಗಪ್ಪ ಹಾಗೂ ಶಿರಸ್ತೇದಾರ್ ಕುಲಕರ್ಣಿ ನೇತೃತ್ವದಲ್ಲಿ 25 ಕೆಜಿ ಅಕ್ಕಿ,10 ಕೆಜಿ ಗೋಧಿ ವಿತರಿಸಿದ್ದಾರೆ. ಇದರ ಜೊತೆಗೆ ಮನೆಯ ಯಜಮಾನ ನಾಪತ್ತೆ ಆಗಿರುವ ಹಿನ್ನೆಲೆ ಡಿವೈಎಸ್​ಪಿ ಅವರಿಗೆ ಪತ್ತೆಹಚ್ಚಿ ಎಂದು ಜಿಲ್ಲಾಧಿಕಾರಿ ಸೂಚನೆ ನೀಡಿದ್ದಾರೆ.

ಇನ್ನು, ಮನೆಯಲ್ಲಿ ವಿಶೇಷಚೇತನ ವ್ಯಕ್ತಿ ಇರುವ ಹಿನ್ನೆಲೆ ಆತನ ಆಧಾರ್​ ಕಾರ್ಡ್​ ಪಡೆದು ಪ್ರತಿ ತಿಂಗಳು ಮಾಶಾಸನ ಸಿಗುವಂತೆ ಅಧಿಕಾರಿಗಳು ಅನುಕೂಲ ಮಾಡುತ್ತಿದ್ದಾರೆ. ಯಜಮಾನ ನಾಪತ್ತೆ ಆಗಿರುವ ಹಿನ್ನೆಲೆ, ಆತನ ಹೆಂಡತಿ, ಮೂವರು ಚಿಕ್ಕ ಮಕ್ಕಳು, ವಿಕಲಾಂಗ ಅಣ್ಣ ಬೀದಿಪಾಲು ಆಗಿರುವ ಬಗ್ಗೆ ವರದಿ ಮಾಡಲಾಗಿತ್ತು. ಇದನ್ನು ಗಮನಿಸಿದ ಜಿಲ್ಲಾಡಳಿತ ಸಹಾಯ ಹಸ್ತ ಚಾಚಿದೆ.