ಟೋಕಿಯೋ (ಜಪಾನ್): ಪ್ಯಾರಾಲಿಂಪಿಕ್ನ ಪುರುಷರ ಸಿಂಗಲ್ಸ್ ವಿಭಾಗದ ಬ್ಯಾಡ್ಮಿಂಟನ್ ಸ್ಪರ್ಧೆಯಲ್ಲಿ ನಿನ್ನೆ ಫೈನಲ್ ಪ್ರವೇಶಿಸಿದ್ದ ಕೃಷ್ಣ ನಗರ್ ಚಿನ್ನಕ್ಕೆ ಮುತ್ತಿಟ್ಟಿದ್ದಾರೆ. ಹಾಂಕ್ಕಾಂಗ್ ವಿರುದ್ಧದ ಪಂದ್ಯದಲ್ಲಿ 21-17, 16-21 ಹಾಗೂ 21- 17 ಸೆಟ್ಗಳಿಂದ ಜಯ ದಾಖಲಿಸಿ ಭಾರತಕ್ಕೆ ಮತ್ತೊಂದು ಪದಕ ತಂದುಕೊಟ್ಟಿದ್ದಾರೆ.
ಈ ಮೂಲಕ ಪದಕ ಸಾಲಿನಲ್ಲಿ ಭಾರತ ಒಟ್ಟು 19 ಪದಕಗಳಿಸಿ 24ನೇ ಸ್ಥಾನಕ್ಕೆ ಏರಿಕೆಕಂಡಿದೆ. ಇದರಲ್ಲಿ ಭಾರತ ಒಟ್ಟು 5 ಚಿನ್ನದ ಪದಕ ಗೆದ್ದಂತಾಗಿದೆ. ನಿನ್ನೆ ನಡೆದ ಸೆಮಿಫೈನಲ್ ಪಂದ್ಯದಲ್ಲಿ ಗ್ರೇಟ್ ಬ್ರಿಟನ್ ಆಟಗಾರ ಕ್ರಿಸ್ಟನ್ ಕೂಂಬ್ಸ್ ವಿರುದ್ಧ 21-10, 21-11ರ ಸೆಟ್ನಲ್ಲಿ ಜಯಗಳಿಸಿ ಫೈನಲ್ಗೆ ಕೃಷ್ಣ ನಗರ್ ಲಗ್ಗೆ ಇಟ್ಟಿದ್ದರು.
