ನ್ಯೂಯಾರ್ಕ್‌: 310 ವಾರಗಳ ಕಾಲ ನಂಬರ್ ಒನ್ ಪಟ್ಟದಲ್ಲಿ ಇರುವ ಮೂಲಕ ವಿಶ್ವದಾಖಲೆ ಬರೆದಿದ್ದ ರೋಜರ್ ಫೆಡರರ್ ದಾಖಲೆಯನ್ನ ಇದೀಗ ನೊವಾಕ್ ಜಾಕೊವಿಕ್ ಸರಿಗಟ್ಟಿದ್ದಾರೆ. ಇನ್ನೊಂದು ವಾರದಲ್ಲಿ ಫೆಡರರ್ ದಾಖಲೆಯನ್ನು ಮುರಿಯುತ್ತೇನೆ ಎಂದು ನೊವಾಕ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ನೊವಾಕ್ ಜಾಕೊವಿಕ್
ಈ ಹಿಂದೆ ಪೀಟ್ ಸಾಂಪ್ರಾಸ್ ಅವರು 286 ವಾರಗಳ ಕಾಲ ನಂಬರ್ ಒನ್ ಸ್ಥಾನದಲ್ಲಿ ಇರುವ ಮೂಲಕ ದಾಖಲೆ ಬರೆದಿದ್ದರು. ಈ ದಾಖಲೆಯನ್ನ ಫೆಡರರ್ ಮುರಿದಿದ್ದರು. ಜೊಕೊವಿಕ್ ಈ ಬಾರಿಯ ಆಸ್ಟ್ರೇಲಿಯನ್ ಓಪನ್ ಟೆನಿಸ್ ಪಂದ್ಯ ಗೆಲ್ಲುವ ಮೂಲಕ 18ನೇ ಗ್ರಾಂಡ್ ಸ್ಲಾಮ್ ಸಿಂಗಲ್ಸ್ ತಮ್ಮ ಮುಡಿಗೇರಿಸಿಕೊಂಡಿದ್ದಾರೆ. ಈಗಾಗಲೇ ನಡಾಲ್ ಹಾಗೂ ಫೆಡರರ್ ತಲಾ 20 ಗ್ರಾಂಡ್ ಸ್ಲಾಮ್ ಗೆಲ್ಲುವ ಮೂಲಕ ಅಗ್ರಸ್ಥಾನದಲ್ಲಿದ್ದಾರೆ. ಈ ಇಬ್ಬರ ದಾಖಲೆ ಸರಿಗಟ್ಟಲು ಜೊಕೊವಿಕ್ಗೆ ಕೇವಲ 2 ಗ್ರಾಂಡ್ ಸ್ಲಾಮ್ ಗೆಲ್ಲ ಬೇಕಿದೆ.
