ಲಂಡನ್: 8ನೇ ಬಾರಿ ಆಸ್ಟ್ರೇಲಿಯಾ ಓಪನ್ ಪ್ರಶಸ್ತಿ ಗೆದ್ದ ಸರ್ಬಿಯಾದ ನೊವಾಕ್ ಜೊಕೊವಿಕ್ 3 ತಿಂಗಳ ಬಳಿಕ ಮತ್ತೆ ನಂಬರ ಒನ್ ಸ್ಥಾನಕ್ಕೇರಿದ್ದಾರೆ.
ಜೊಕೊವಿಕ್ ಕಳೆದ ವಾರ ಮುಕ್ತಾಯವಾದ ಆಸ್ಟ್ರೇಲಿಯಾ ಓಪನ್ನಲ್ಲಿ ಆಸ್ಟ್ರೀಯಾದ ಡೊಮಿನಿಕ್ ಥೀಮ್ ಅವರನ್ನು ಮಣಿಸಿ ತಮ್ಮ 8 ನೇ ಆಸ್ಟ್ರೇಲಿಯನ್ ಓಪನ್ ಹಾಗೂ 17ನೇ ಗ್ರ್ಯಾಂಡ್ಸ್ಲಾಮ್ ಗೆದ್ದುಕೊಂಡಿದ್ದರು. ಇದೀಗ 3 ತಿಂಗಳ ಬಳಿಕ ಮತ್ತೆ ಶ್ರೇಯಾಂಕದಲ್ಲಿ ಮೊದಲ ಸ್ಥಾನಕ್ಕೆ ಬಡ್ತಿ ಪಡೆದಿದ್ದಾರೆ.
ಜೊಕೊವಿಕ್ ಕಳೆದ 10 ಸೀಸನ್ಗಳಲ್ಲಿ (2011-16, 2018-2-) 9 ಆವೃತ್ತಿಗಳಲ್ಲಿ ಮೊದಲ ಸ್ಥಾನದಲ್ಲೇ ಇದ್ದಂತಾಗಿದೆ. ಈ ಮೂಲಕ ವೃತ್ತಿ ಜೀವನದಲ್ಲಿ 276ನೇ ವಾರ ನಂಬರ್ ಒನ್ ಆಟಗಾರನಾಗಿರಲಿದ್ದಾರೆ. ಸ್ವಿಟ್ಜರ್ಲೆಂಡ್ನ ರೋಜರ್ ಫೆಡರರ್ 310 ವಾರಗಳ ಕಾಲ ನಂಬರ 1ನೇ ಶ್ರೇಯಾಂಕದಲ್ಲಿ ಕಳೆದಿರುವ ದಾಖಲೆ ಹೊಂದಿದ್ದಾರೆ.
ಜೊಕೊವಿಕ್ 2011ರಲ್ಲಿ ಜೂನ್ 24 ರಂದು ಮೊದಲ ಬಾರಿಗೆ ನಂಬರ್ 1 ರ್‍ಯಾಂಕ್ ಪಡೆದಿದ್ದರು. ನಂತರ 2012ರಲ್ಲಿ 54 ವಾರಗಳು, 2013ರಲ್ಲಿ 48 ವಾರಗಳು, 2014-2016ರವರೆಗೆ ಬರೋಬ್ಬರಿ 122 ವಾರಗಳು, 2018-19ರಲ್ಲಿ 52 ವಾರಗಳ ಕಾಳ ನಂಬರ್ 1 ಆಟಗಾರನಾಗಿದ್ದಾರೆ. ಕಳೆದ ನವೆಂಬರ್ನಲ್ಲಿ ನಡಾಲ್ ಜೊಕೊವಿಕ್ ಹಿಂದಿಕ್ಕಿ ನಂಬರ್ ಒನ್ ಸ್ಥಾನ ಪಡೆದಿದ್ದರು. ಇದೀಗ ಆಸ್ಟ್ರೇಲಿಯಾ ಓಪನ್ ಚಾಂಪಿಯನ್ ಆಗುವ ಮೂಲಕ ಟೆನ್ನಿಸ್ನಲ್ಲಿ ತಮ್ಮ ಅಧಿಪತ್ಯ ಮುಂದುವರಿಸಿದ್ದಾರೆ.
