ಪ್ಯಾರಿಸ್: ಆವೆ ಮಣ್ಣಿನಂಕಣದ ದೊರೆ ನಡಾಲ್ ಹಾಗೂ ವಿಶ್ವ ರ‍್ಯಾಂಕಿಂಗ್‌ನಲ್ಲಿ ಮೊದಲ ಸ್ಥಾನದಲ್ಲಿರುವ ನೊವಾಕ್ ಜೋಕೊವಿಕ್ ನಡುವಿನ ಫೈನಲ್ ಪಂದ್ಯಕ್ಕೆ ಆತಿಥ್ಯ ನೀಡಲು ರೋಲೆಂಡ್ ಗ್ಯಾರೋಸ್‌ನ ಫಿಲಿಪ್ ಚಾಟ್ರಿಯರ್ ಅಂಗಣ ಸಿದ್ಧವಾಗಿದೆ.
ಇಂದಿನ ಫೈನಲ್ ಪಂದ್ಯ ನಡಾಲ್ಗೆ ಮಹತ್ವದಾಗಿದ್ದು, ಇಲ್ಲಿ ಗೆದ್ದರೆ ಅತಿ ಹೆಚ್ಚು ಗ್ರ್ಯಾಂಡ್ ಸ್ಲಾಮ್ ಗೆದ್ದ ವಿಶ್ವದಾಖಲೆಯನ್ನು ಸರಿಗಟ್ಟಲಿದ್ದಾರೆ. ಒಂದು ವೇಳೆ ಜೋಕೊವಿಕ್ ಗೆದ್ದರೆ 18ನೇ ಗ್ರ್ಯಾಂಡ್ ಸ್ಲಾಮ್ ಪ್ರಶಸ್ತಿ ಮುಡಿಗೇರಿಸಿಕೊಳ್ಳಲಿದ್ದಾರೆ. ನಂತರ ಫೆಡರರ್-ನಡಾಲ್- ಜೋಕೊವಿಕ್ ನಡುವಿನ ಗ್ರ್ಯಾಂಡ್ಸ್ಲಾಮ್ ಪ್ರಶಸ್ತಿಗಳ ಅಂತರ ಕ್ರಮವಾಗಿ 18-19-20 ಆಗಲಿದೆ.
ನಡಾಲ್ ಈಗಾಗಲೇ 12 ಬಾರಿ ಪ್ರಶಸ್ತಿ ಜಯಿಸಿ ಅತಿ ಹೆಚ್ಚು ಫ್ರೆಂಚ್ ಓಪನ್ ಗೆದ್ದ ಆಟಗಾರ ಎನಿಸಿಕೊಂಡಿದ್ದಾರೆ. ಇದು ಅವರ 13ನೇ ಪ್ರಶಸ್ತಿಯಾಗಲಿದೆ. ಒಂದು ವೇಳೆ ಜೋಕೊವಿಕ್ ಗೆದ್ದರೆ, ಎಲ್ಲಾ ಪ್ರಶಸ್ತಿಗಳನ್ನು 2 ಬಾರಿ ಗೆದ್ದ ಅಪರೂಪದ ದಾಖಲೆಗೆ ಪಾತ್ರರಾಗಲಿದ್ದಾರೆ.
ಆಸ್ಟ್ರೇಲಿಯಾದ ರಾಯ್ ಎಮಿರ್ಸನ್ (1961-67) ಹಾಗೂ ರಾಡ್ ಲೇವರ್ (1960-1969) ಮಾತ್ರ ಇದುವರೆಗೂ ಎರಡು ಗ್ರ್ಯಾಂಡ್ ಸ್ಲಾಮ್ ಪ್ರಶಸ್ತಿಗಳನ್ನು ಗೆದ್ದ ದಾಖಲೆ ಹೊಂದಿದ್ದಾರೆ. ಇದೀಗ ಆ ಅದ್ಭುತ ಅವಕಾಶ ಜೋಕೊವಿಕ್ ಪಾಲಿಗೆ ಸಿಗಲಿದೆಯೇ ಎಂದು ಕಾದು ನೋಡಬೇಕಿದೆ. 20 ಗ್ರ್ಯಾಂಡ್ ಸ್ಲಾಮ್ ಗೆದ್ದಿರುವ ಫೆಡರರ್ ಫ್ರೆಂಚ್ ಓಪನ್ನಲ್ಲಿ ಹಾಗೂ 19 ಗ್ರ್ಯಾಂಡ್ ಸ್ಲಾಮ್ ಪ್ರಶಸ್ತಿ ಗೆದ್ದಿರುವ ನಡಾಲ್ ಆಸ್ಟ್ರೇಲಿಯಾ ಓಪನ್ನಲ್ಲಿ ಕೇವಲ ಒಮ್ಮೆ ಮಾತ್ರ ಜಯಿಸಿದ್ದಾರೆ. ಜೋಕೊವಿಕ್ 2017ರಲ್ಲಿ ಫ್ರೆಂಚ್ ಓಪನ್ ಜಯಿಸಿದ್ದರು.
| ಆಸ್ಟ್ರೇಲಿಯಾ ಓಪನ್ | ಫ್ರೆಂಚ್ ಓಪನ್ | ವಿಂಬಲ್ಡನ್ | ಯುಎಸ್ | |
| ಫೆಡರರ್ | 6 | 1 | 8 | 5 |
| ನಡಾಲ್ | 1 | 12 | 2 | 4 |
| ಜೋಕೊವಿಕ್ | 8 | 1 | 5 | 3 |
