ಸಿಂಗಾಪುರ ಓಪನ್​: ಚೀನಾದ ವಾಂಗ್ ಸೋಲಿಸಿದ ಪಿ.ವಿ.ಸಿಂಧು ಚಾಂಪಿಯನ್

ಸಿಂಗಾಪುರ ಓಪನ್​ ಬ್ಯಾಡ್ಮಿಂಟನ್​ ಟೂರ್ನಿಯಲ್ಲಿ ಭಾರತದ ಮಹಿಳಾ ಶಟ್ಲರ್​ ಪಿ.ವಿ.ಸಿಂಧು ಚಾಂಪಿಯನ್​ ಆಗಿ ಹೊರಹೊಮ್ಮಿದ್ದಾರೆ. ಪ್ರಶಸ್ತಿ ಸುತ್ತಿನಲ್ಲಿ ಚೀನಾದ ವಾಂಗ್​ ಝಿ ಯಿ ಅವರನ್ನು ಸಿಂಧು ಸೋಲಿಸಿದರು.

ಸಿಂಗಾಪುರ: ಎರಡು ಬಾರಿಯ ಒಲಿಂಪಿಕ್ಸ್​ ಪದಕ ವಿಜೇತೆ, ಭಾರತದ ತಾರಾ ಶಟ್ಲರ್​ ಪಿ.ವಿ.ಸಿಂಧು ಸಿಂಗಾಪುರ ಓಪನ್​ ಬ್ಯಾಡ್ಮಿಂಟನ್​ ಚಾಂಪಿಯನ್​ಶಿಪ್​ನ ಮಹಿಳಾ ಸಿಂಗಲ್ಸ್​ ಫೈನಲ್​ನಲ್ಲಿ 21-9, 11-21, 21-15 ಸೆಟ್‌​​ಗಳಿಂದ ಚೀನಾದ ವಾಂಗ್​ ಝಿ ಯಿ ವಿರುದ್ಧ ಜಯಿಸಿ ಚಾಂಪಿಯನ್​ ಪಟ್ಟ ಅಲಂಕರಿಸಿದರು.

ಈ ಮೂಲಕ ಮೊದಲ ಬಾರಿಗೆ ಸೂಪರ್​ 500 ಟ್ರೋಫಿ ಜಯಿಸುವಲ್ಲಿ ಸಫಲರಾದರು. ಅಲ್ಲದೇ, ಈ ವರ್ಷದ ಸಯ್ಯದ್​ ಮೋದಿ ಅಂತಾರಾಷ್ಟ್ರೀಯ ಟ್ರೋಫಿ, ಸ್ವಿಸ್​ ಓಪನ್​ ಪ್ರಶಸ್ತಿ ಜಯಿಸಿದ್ದ ಸಿಂಧು ಇದೀಗ ಸಿಂಗಾಪುರ ಓಪನ್​ ಮೂಲಕ 3ನೇ ಪ್ರಶಸ್ತಿಗೆ ಮುತ್ತಿಟ್ಟರು.

• All Hail the CHAMPION!! @Pvsindhu1 🇮🇳 ✨#Sindhu 🇮🇳 clinches her 1️⃣st ever #SingaporeOpen title! 🏆 after putting a brilliant performance in the deciding 3rd game 21-9, 11-21, 21-15 to defeat #WangZhi 🇨🇳
  
  Absolutely amazing 💯 for Sindhu as this marks her 3️⃣rd Title in 2022🤩 pic.twitter.com/n97YElTGPO

  — SAI Media (@Media_SAI) July 17, 2022 " class="align-text-top noRightClick twitterSection" data="

  All Hail the CHAMPION!! @Pvsindhu1 🇮🇳 ✨#Sindhu 🇮🇳 clinches her 1️⃣st ever #SingaporeOpen title! 🏆 after putting a brilliant performance in the deciding 3rd game 21-9, 11-21, 21-15 to defeat #WangZhi 🇨🇳
  
  Absolutely amazing 💯 for Sindhu as this marks her 3️⃣rd Title in 2022🤩 pic.twitter.com/n97YElTGPO

  — SAI Media (@Media_SAI) July 17, 2022

  ">

  All Hail the CHAMPION!! @Pvsindhu1 🇮🇳 ✨#Sindhu 🇮🇳 clinches her 1️⃣st ever #SingaporeOpen title! 🏆 after putting a brilliant performance in the deciding 3rd game 21-9, 11-21, 21-15 to defeat #WangZhi 🇨🇳
  
  Absolutely amazing 💯 for Sindhu as this marks her 3️⃣rd Title in 2022🤩 pic.twitter.com/n97YElTGPO

  — SAI Media (@Media_SAI) July 17, 2022

ಮೊದಲ ಗೇಮ್​ನಲ್ಲಿ ಆಕ್ರಮಣಕಾರಿ ಆಟವಾಡಿದ ಸಿಂಧು 21-9 ರಲ್ಲಿ ಗೆಲುವು ಪಡೆದರು. ಬಳಿಕ 2ನೇ ಸೆಟ್​​ನಲ್ಲಿ ಭಾರತೀಯ ಆಟಗಾರ್ತಿಗೆ ಸವಾಲೊಡ್ಡಿದ ವಾಂಗ್​ ಝಿ ಯಿ 21-11 ರಲ್ಲಿ ವಶಪಡಿಸಿಕೊಂಡರು. 3ನೇ ಮತ್ತು ನಿರ್ಣಾಯಕ ಗೇಮ್​ನಲ್ಲಿ ಎಚ್ಚರಿಕೆಯಿಂದ ಆಟವಾಡಿದ ಸಿಂಧು ಚೀನಾ ಆಟಗಾರ್ತಿಯನ್ನು 21-15 ರಲ್ಲಿ ಸೋಲಿಸಿ ಪ್ರಶಸ್ತಿಯನ್ನು ಜಯಿಸಿದರು. ಈ ಪಂದ್ಯ 1 ಗಂಟೆ 2 ನಿಮಿಷಗಳ ಕಾಲ ನಡೆಯಿತು.

ಸೈನಾ ಬಳಿಕ ಸಾಧನೆ: ಚೊಚ್ಚಲ ಬಾರಿಗೆ ಸಿಂಗಾಪುರ ಓಪನ್​ ಗೆದ್ದ ಪಿ.ವಿ.ಸಿಂಧು, ಪ್ರಶಸ್ತಿ ಗೆದ್ದ ಭಾರತದ 2ನೇ ಮಹಿಳಾ ಶಟ್ಲರ್​ ಆಗಿದ್ದಾರೆ. ಇದಕ್ಕೂ ಮೊದಲು ಹಿರಿಯ ಶಟ್ಲರ್​ ಸೈನಾ ನೆಹ್ವಾಲ್​ 2010 ರಲ್ಲಿ ಪ್ರಶಸ್ತಿಯನ್ನು ಗೆದ್ದಿದ್ದರು. ಪುರುಷರ ವಿಭಾಗದಲ್ಲಿ ಸಾಯಿ ಪ್ರಣೀತ್​ 2017 ರಲ್ಲಿ ಚಾಂಪಿಯನ್​ ಆಗಿದ್ದರು.

ಕಾಮನ್​ವೆಲ್ತ್​ ಚಿನ್ನದ ಗುರಿ: ಈ ವರ್ಷ ಮೂರು ಪ್ರಶಸ್ತಿ ಗೆಲ್ಲುವ ಮೂಲಕ ಅದ್ಭುತ ಲಯದಲ್ಲಿರುವ ಭಾರತದ ತಾರಾ ಶಟ್ಲರ್​ ಮುಂದೆ ನಡೆಯವ ಕಾಮನ್​ವೆಲ್ತ್​ ಗೇಮ್ಸ್​​​​ನಲ್ಲಿ ಚಿನ್ನ ಗೆಲ್ಲುವ ಗುರಿ ಹೊಂದಿದ್ದಾರೆ.

ಇದನ್ನೂ ಓದಿ: ವರ್ಲ್ಡ್ ಬಾಕ್ಸಿಂಗ್​ ಚಾಂಪಿಯನ್‌ ಶಿಪ್‌ : ಬೆಳ್ಳಿಗೆದ್ದ ಬೆಣ್ಣೆ ನಗರಿಯ ಅರ್ಜುನ್ ಹಲಕುರ್ಕಿ