ಬೆಂಗಳೂರು ಗೂಳಿಗಳ ಹೂಂಕಾರಕ್ಕೆ ಬೆದರಿದ ಗುಜರಾತ್​.. ಸೆಮಿಫೈನಲ್​​ ಪ್ರವೇಶಿಸಿದ ಪವನ್​ ಶೆರಾವತ್​ ಬಳಗ

ಸೆಮಿಫೈನಲ್​ ಪ್ರವೇಶಿಸುವ ಹುಮ್ಮಸ್ಸಿನಿಂದ ಕಣಕ್ಕಿಳಿದಿದ್ದ ಬುಲ್ಸ್​ ಸಂಪೂರ್ಣ ತಂಡವಾಗಿ ಅತ್ಯುತ್ತಮ ಪ್ರದರ್ಶನ ತೋರಿತು. ಮೊದಲಾರ್ಧದ ಕೆಲವು ನಿಮಿಷಗಳಲ್ಲಿ ಚಂದ್ರನ್ ರಂಜಿತ್ ಉತ್ತಮ ರೈಡಿಂಗ್ ಮಾಡಿ ಅಂಕಗಳನ್ನು ಕಲೆ ಹಾಕಿದರೆ, ನಂತರ ದಾಳಿಗಿಳಿದ ಪವನ್​ ಗುಜರಾತ್​ ಡಿಫೆಂಡರ್​ಗಳನ್ನು ಧ್ವಂಸಗೊಳಿಸಿದರು. ಕೊನೆಯ ನಿಮಿಷಗಳಲ್ಲಿ ರೈಡಿಂಗ್ ಮಾಡಿದ ಯುವ ರೈಡರ್​ ಭರತ್ ಕೂಡ 6 ಅಂಕಗಳಿಸಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.

ಬೆಂಗಳೂರು: ಗುಜರಾತ್​ ಜೈಂಟ್ಸ್​ ವಿರುದ್ಧ ಸಂಘಟಿತ ಪ್ರದರ್ಶನ ತೋರಿದ ಬೆಂಗಳೂರು ಬುಲ್ಸ್​ ತಂಡ ಎಲಿಮಿನೇಟರ್​ ಪಂದ್ಯದಲ್ಲಿ ಗುಜರಾತ್ ಜೈಂಟ್ಸ್​ ವಿರುದ್ಧ 49 - 29ರ ಬೃಹತ್ ಅಂತರದಲ್ಲಿ ಗೆಲುವು ಸಾಧಿಸಿ ಪ್ರೊ ಕಬಡ್ಡಿ ಲೀಗ್​ನಲ್ಲಿ ಸತತ 3ನೇ ಬಾರಿ ಬಾರಿಗೆ ಸೆಮಿಫೈನಲ್​ ಪ್ರವೇಶಿಸಿದೆ.

ಸೆಮಿಫೈನಲ್​ ಪ್ರವೇಶಿಸುವ ಹುಮ್ಮಸ್ಸಿನಿಂದ ಕಣಕ್ಕಿಳಿದಿದ್ದ ಬುಲ್ಸ್​ ಸಂಪೂರ್ಣ ತಂಡವಾಗಿ ಅತ್ಯುತ್ತಮ ಪ್ರದರ್ಶನ ತೋರಿತು. ಮೊದಲಾರ್ಧದ ಕೆಲವು ನಿಮಿಷಗಳಲ್ಲಿ ಚಂದ್ರನ್ ರಂಜಿತ್ ಉತ್ತಮ ರೈಡಿಂಗ್ ಮಾಡಿ ಅಂಕಗಳನ್ನು ಕಲೆ ಹಾಕಿದರೆ, ನಂತರ ದಾಳಿಗಿಳಿದ ಪವನ್​ ಗುಜರಾತ್​ ಡಿಫೆಂಡರ್​ಗಳನ್ನು ಧ್ವಂಸಗೊಳಿಸಿದರು. ಕೊನೆಯ ನಿಮಿಷಗಳಲ್ಲಿ ರೈಡಿಂಗ್ ಮಾಡಿದ ಯುವ ರೈಡರ್​ ಭರತ್ ಕೂಡ 6 ಅಂಕಗಳಿಸಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.

ಮೊದಲಾರ್ಧದಲ್ಲಿ 24-17ರಲ್ಲಿ ಮುನ್ನಡೆ ಪಡೆದುಕೊಂಡಿತ್ತು. ತಂಡದಲ್ಲಿ ಕೇವಲ 3 ಆಟಗಾರರು ಉಳಿದುಕೊಂಡಿದ್ದರು. ಆದರೆ, ಆಲೌಟ್ ಬಿಟ್ಟಕೊಡದ ಬುಲ್ಸ್​ ಸತತವಾಗಿ 2 ಸೂಪರ್ ಟ್ಯಾಕಲ್​ಗಳನ್ನು ಮಾಡುವಲ್ಲಿ ಮಹೇಂದರ್​ ಸಿಂಗ್ ಯಶಸ್ವಿಯಾದರು. ದ್ವಿತೀಯಾರ್ಧದ ಆರಂಭದಲ್ಲಿ 2ನೇ ಬಾರಿಗೆ ಗುಜರಾತ್​ ಜೈಂಟ್ಸ್​ ಆಲೌಟ್​ ಮಾಡುವಲ್ಲಿ ಪವನ್​ ಪಡೆ ಸಫಲವಾಯಿತು.

• Hi-Flyer & co. have taken the last 💺 in the semi-finals and how! 😎#GGvBLR #SuperhitPanga #VIVOProKabaddi pic.twitter.com/OMnoMe1DSB

  — ProKabaddi (@ProKabaddi) February 21, 2022 " class="align-text-top noRightClick twitterSection" data="

  Hi-Flyer & co. have taken the last 💺 in the semi-finals and how! 😎#GGvBLR #SuperhitPanga #VIVOProKabaddi pic.twitter.com/OMnoMe1DSB

  — ProKabaddi (@ProKabaddi) February 21, 2022

  ">

  Hi-Flyer & co. have taken the last 💺 in the semi-finals and how! 😎#GGvBLR #SuperhitPanga #VIVOProKabaddi pic.twitter.com/OMnoMe1DSB

  — ProKabaddi (@ProKabaddi) February 21, 2022

ಕೊನೆಯ 10 ನಿಮಿಷಗಳ ಆಟದ ವೇಳೆ 14 ಅಂಕಗಳ ಮುನ್ನಡೆ ಪಡೆದುಕೊಂಡಿದ್ದ ಬೆಂಗಳೂರು ಬುಲ್ಸ್​ ಜಾಣ್ಮೆಯ ಆಟ ಪ್ರದರ್ಶಿಸಿ ಸಮಯ ವ್ಯರ್ಥ ಮಾಡಿ ಪಂದ್ಯವನ್ನು ತನ್ನದಾಗಿಸಿಕೊಂಡಿತು. ಅದಾಗಿಯೂ ಕೊನೆಯ ನಿಮಿಷದಲ್ಲಿ 3ನೇ ಬಾರಿ ಜೈಂಟ್ಸ್ ತಂಡವನ್ನು ಆಲೌಟ್ ಮಾಡಿ 20 ಅಂಕಗಳಿಂದ ಗೆದ್ದು ಬೀಗಿತು. ಪವನ್ ಶೆರಾವತ್​ 13, ಚಂದ್ರನ್ ರಂಜಿತ್ 7, ಭರತ್​ 6 ಅಂಕ ಪಡೆದರೆ, ಡಿಫೆಂಡರ್​ಗಳಾದ ಮಹೇಂದರ್ ಸಿಂಗ್ 5, ಸೌರಭ್ ನಂಡಲ್ 4 ಮತ್ತು ಅಮನ್​ 4 ಅಂಕ ಪಡೆದು ಮಿಂಚಿದರು.

ಜೈಂಟ್ಸ್ ಪರ ರಾಕೇಶ್ 8, ಮಹೇಂದರ್​ ರಜಪೂತ್ 5, ಪರ್ವೇಶ್​ 3, ಸುನಿಲ್ ಕುಮಾರ್ 2, ಅಜಯ್ ಕುಮಾರ್ 2 ಅಂಕ ಪಡೆದರು. ಪವನ್​ ಶೆರಾವತ್​ ಬಳಗ ಸೆಮಿಫೈನಲ್ ಪಂದ್ಯದಲ್ಲಿ ದಬಾಂಗ್ ಡೆಲ್ಲಿ ವಿರುದ್ಧ ಕಣಕ್ಕಿಳಿಯಲಿದೆ. ಲೀಗ್​ನಲ್ಲಿನ 2 ಮುಖಾಮುಖಿಯಲ್ಲಿ ಮೊದಲ ಪಂದ್ಯದಲ್ಲಿ 61-22ರಲ್ಲಿ ಗೆದ್ದರೆ, 2ನೇ ಪಂದ್ಯದಲ್ಲಿ 36-36 ರಲ್ಲಿ ಸಮಬಲ ಸಾಧಿಸಿತ್ತು.

ಇದನ್ನೂ ಓದಿ:ಎಲಿಮಿನೇಟರ್​ ಪಂದ್ಯದಲ್ಲಿ ಪರ್ದೀಪ್ ಅಬ್ಬರ​: ಪುಣೇರಿ ಪಲ್ಟನ್ ಮಣಿಸಿ ಸೆಮಿಫೈನಲ್​ ಪ್ರವೇಶಿಸಿದ ಯುಪಿ ಯೋಧ