Wimbledon Final: ವಿಂಬಲ್ಡನ್​ ಪುರುಷರ ಫೈನಲ್​: 8ನೇ ಪ್ರಶಸ್ತಿ ಗೆಲ್ತಾರಾ ನೊವಾಕ್​ ಜೊಕೊವಿಕ್​?

ಸರ್ಬಿಯಾ ಟೆನಿಸ್​ ತಾರೆ ನೊವಾಕ್​ ಜೊಕೊವಿಕ್ ಮತ್ತು ವಿಶ್ವ ನಂ.1 ಆಟಗಾರ ಸ್ಪೇನ್‌ನ ಕಾರ್ಲೋಸ್ ಅಲ್ಕರಾಜ್ ಮಧ್ಯೆ ಇಂದು ಸಂಜೆ 7.30 ಕ್ಕೆ ವಿಂಬಲ್ಡನ್​ ಫೈನಲ್​ ನಡೆಯಲಿದೆ.

ಲಂಡನ್(ಇಂಗ್ಲೆಂಡ್​): ವಿಂಬಲ್ಡನ್​ ಗ್ರ್ಯಾಂಡ್​ಸ್ಲಾಂ ಪುರುಷರ ಫೈನಲ್​ ಇಂದು ಸಂಜೆ ನಡೆಯಲಿದ್ದು, ಸರ್ಬಿಯಾದ ಟೆನಿಸ್ ತಾರೆ ನೊವಾಕ್ ಜೊಕೊವಿಕ್ ಮತ್ತು ಸ್ಪೇನ್‌ನ ಕಾರ್ಲೋಸ್ ಅಲ್ಕರಾಜ್ ಮಧ್ಯೆ ಸೆಣಸಾಟ ನಡೆಯಲಿದೆ. ನೊವಾಕ್​ ಜೊಕೊವಿಕ್​ ದಾಖಲೆಯ 24ನೇ ಮತ್ತು 8ನೇ ವಿಂಬಲ್ಡನ್​ ಪ್ರಶಸ್ತಿ ಜಯದ ನಿರೀಕ್ಷೆಯೊಂದಿಗೆ ಕಣಕ್ಕಿಳಿಯಲಿದ್ದಾರೆ. ಇತ್ತ ವಿಶ್ವ ನಂಬರ್​ 1 ಟೆನ್ನಿಸಿಗ ಅಲ್ಕರಾಜ್​ ಕೂಡ 2ನೇ ಗ್ರ್ಯಾಂಡ್​ಸ್ಲಾಂ ಮತ್ತು ಮೊದಲ ವಿಂಬಲ್ಡನ್​ ಗೆಲುವಿಗಾಗಿ ಕಾದಾಡಲಿದ್ದಾರೆ.

36 ವರ್ಷದ ನೊವಾಕ್ ಜೊಕೊವಿಕ್ ವಿಂಬಲ್ಡನ್‌ನಲ್ಲಿ ಸತತ 28 ಪಂದ್ಯಗಳನ್ನು ಗೆದ್ದಿದ್ದಾರೆ. ಫೈನಲ್​ನಲ್ಲಿ ಗೆದ್ದರೆ ಜೊಕೊವಿಕ್​ ಹಲವು ದಾಖಲೆಗಳನ್ನು ಬರೆಯಲಿದ್ದಾರೆ. ಈವರೆಗೂ 7 ಪ್ರಶಸ್ತಿಗಳನ್ನು ಗೆದ್ದಿದ್ದು, ಇದು 8ನೇ ಟ್ರೋಫಿಯಾಗಲಿದೆ. ಟೆನ್ನಿಸ್​ ದಿಗ್ಗಜ ರೋಜರ್ ಫೆಡರರ್ ಅವರ 8 ಟ್ರೋಫಿ ಜಯಿಸಿದ್ದು, ಅವರ ದಾಖಲೆಯನ್ನು ಸರಿಗಟ್ಟಲಿದ್ದಾರೆ. ಇದಲ್ಲದೇ, ಸತತ ಐದನೇ ಸಲ ಟ್ರೋಫಿ ಜಯ ಇದಾಗಲಿದೆ. ಇದಕ್ಕೂ ಮೊದಲು 1976 ರಿಂದ 1980ರ ವರೆಗೆ ಜೋರ್ನ್ ಬೋರ್ಗ್ ಮತ್ತು 2004 ರಿಂದ 2008ರ ವರೆಗೆ ರೋಜರ್ ಫೆಡರರ್ ಅವರು ಮಾತ್ರ ಸತತ 5 ಬಾರಿ ಪ್ರಶಸ್ತಿ ಗೆದ್ದಿದ್ದರು. ನೊವಾಕ್​ ಗೆದ್ದಲ್ಲಿ ಈ ಸಾಧನೆ ಮಾಡಿದ ಮೂರನೇ ಆಟಗಾರ ಎಂಬ ದಾಖಲೆ ಬರೆಯಲಿದ್ದಾರೆ.

• Today, we crown the 2023 Gentlemen's Singles champion 🏆#Wimbledon pic.twitter.com/cBljKOKxkc

  — Wimbledon (@Wimbledon) July 16, 2023 " class="align-text-top noRightClick twitterSection" data="

  Today, we crown the 2023 Gentlemen's Singles champion 🏆#Wimbledon pic.twitter.com/cBljKOKxkc

  — Wimbledon (@Wimbledon) July 16, 2023

  ">

  Today, we crown the 2023 Gentlemen's Singles champion 🏆#Wimbledon pic.twitter.com/cBljKOKxkc

  — Wimbledon (@Wimbledon) July 16, 2023

10 ವರ್ಷಗಳಿಂದ ಸೋತಿಲ್ಲ: ಸರ್ಬಿಯಾ ಆಟಗಾರ ವಿಂಬಲ್ಡನ್​ನ ಸೆಂಟರ್​ ಕೋರ್ಟ್​ನಲ್ಲಿ ಕಳೆದ 10 ವರ್ಷಗಳಿಂದ ಸೋಲೇ ಕಂಡಿಲ್ಲ. ಟೆನ್ನಿಸ್‌ನ ಅತ್ಯಂತ ಪ್ರಸಿದ್ಧವಾದ ಅಂಕಣವಾದ ಇಲ್ಲಿ ಕೊನೆಯ ಬಾರಿಗೆ 2013 ರ ಫೈನಲ್‌ನಲ್ಲಿ ಇಂಗ್ಲೆಂಡ್​ ಆ್ಯಂಡಿ ಮರ್ರೆ ವಿರುದ್ಧ ಸೋತಿದ್ದರು. ಅದಾದ ಬಳಿಕ ಈ ಅಂಕಣದಲ್ಲಿ ಸತತವಾಗಿ 39 ಪಂದ್ಯಗಳಲ್ಲಿ ಗೆಲುವು ಸಾಧಿಸಿದ್ದಾರೆ. ರಾಫೆಲ್​ ನಡಾಲ್​, ರೋಜರ್​ ಫೆಡರರ್​ ಸೇರಿದಂತೆ 10 ಆಟಗಾರರನ್ನು ಮಣಿಸಿದ್ದಾರೆ.

ಈ ಋತುವಿನಲ್ಲಿ ಈಗಾಗಲೇ ಆಸ್ಟ್ರೇಲಿಯಾ, ಫ್ರೆಂಚ್​ ಟೂರ್ನಿಯಲ್ಲಿ ಗೆಲುವು ಸಾಧಿಸಿದ್ದು, ವಿಂಬಲ್ಡನ್​ ಗೆದ್ದರೆ ಅಮೆರಿಕ ಓಪನ್​ ಗೆಲ್ಲುವ ಗುರಿ ಹೊಂದಬಹುದು. ರಾಡ್​​ ಲೇವರ್​​ ಬಳಿಕ (1969 ರಲ್ಲಿ) ಯಾರೊಬ್ಬರೂ ಈವರೆಗೂ ಒಂದೇ ವರ್ಷದಲ್ಲಿ ನಾಲ್ಕು ಪ್ರಶಸ್ತಿ ಜಯಿಸಿದ ನಿದರ್ಶನವಿಲ್ಲ.

ಮಾರ್ಗರೇಟ್​ ದಾಖಲೆ ಮುರಿಯುತ್ತಾ?: ಒಂದು ವೇಳೆ ನೊವಾಕ್​ ಜೊಕೊವಿಕ್​ ವಿಂಬಲ್ಡನ್​ ಟೂರ್ನಿ ಗೆಲುವು ಸಾಧಿಸಿದರೆ, ಇದು ಅವರ 24 ನೇ ಗ್ರ್ಯಾಂಡ್​ಸ್ಲಾಮ್​ ಆಗಲಿದೆ. ಈ ಮೂಲಕ ಈವರೆಗೂ 24 ಪ್ರಶಸ್ತಿ ಗೆದ್ದು ಸಾರ್ವಕಾಲಿಕ ದಾಖಲೆ ಮಾಡಿರುವ ಮಾಜಿ ಟೆನಿಸ್​ ಆಟಗಾರ್ತಿ ಮಾರ್ಗರೇಟ್​ ಕೋರ್ಟ್​ ಅವರ ದಾಖಲೆಯನ್ನು ಸರಿಗಟ್ಟಲಿದ್ದಾರೆ. ಪುರುಷರ ವಿಭಾಗದಲ್ಲಿ ಈಗಾಗಲೇ ಅತ್ಯಧಿಕ ಪ್ರಶಸ್ತಿ ಗೆದ್ದ ಸಾಧನೆ ಮಾಡಿದ್ದಾರೆ. ಕಳೆದ 20 ಗ್ರ್ಯಾಂಡ್ ಸ್ಲಾಮ್ ಟೂರ್ನಿಗಳಲ್ಲಿ 11 ಪ್ರಶಸ್ತಿ ಗೆಲುವು ಸಾಧಿಸಿದ್ದಾರೆ.

ಅಲ್ಕರಾಜ್​ ಅತಿ ಕಿರಿಯ ಆಟಗಾರ: ಸದ್ಯ ವಿಶ್ವ ನಂಬರ್​ 1 ಟೆನ್ನಿಸ್​ ಆಟಗಾರನಾಗಿರುವ ಕಾರ್ಲೋಸ್ ಅಲ್ಕರಾಜ್ ವಿಂಬಲ್ಡನ್​ ಫೈನಲ್​ ಪ್ರವೇಶಿಸಿದ 2ನೇ ಅತಿ ಕಿರಿಯ (20 ವರ್ಷ ಮತ್ತು 72 ದಿನ) ಆಟಗಾರರಾಗಿದ್ದಾರೆ. 2006 ರಲ್ಲಿ ಸ್ಪೇನ್​​ನ ಮತ್ತೊಬ್ಬ ದಿಗ್ಗಜ ರಾಫೆಲ್​ ನಡಾಲ್ (20 ವರ್ಷ ಮತ್ತು 36 ದಿನ) ಅತಿ ಕಿರಿಯ ಆಟಗಾರ ದಾಖಲೆ ಹೊಂದಿದ್ದಾರೆ.

ಅಲ್ಕರಾಜ್​ ಮತ್ತು ನೊವಾಕ್​ ಈವರೆಗೂ ಎರಡು ಬಾರಿ ಮುಖಾಮುಖಿಯಾಗಿದ್ದು, 1-1 ರಲ್ಲಿ ಸಮಬಲ ಸಾಧಿಸಿದ್ದಾರೆ. ಇದು ಮೂರನೇ ಹಣಾಹಣಿಯಾಗಿದೆ. 2022 ರ ಮ್ಯಾಡ್ರಿಡ್​ ಓಪನ್​ ಫೈನಲ್​ನಲ್ಲಿ ಅಲ್ಕರಾಜ್​ ಗೆದ್ದಿದ್ದರೆ, 2023 ರ ಫ್ರೆಂಚ್ ಓಪನ್ ಕ್ವಾರ್ಟರ್ ಫೈನಲ್‌ನಲ್ಲಿ ಜೊಕೊವಿಕ್ ಗೆಲುವು ಸಾಧಿಸಿದ್ದರು.

ಪಂದ್ಯದ ಸಮಯ: ಇಂದು ಸಂಜೆ 7.30 ಕ್ಕೆ ಸೆಂಟರ್​ ಕೋರ್ಟ್​ನಲ್ಲಿ ಫೈನಲ್​ ಪಂದ್ಯ ನಡೆಯಲಿದೆ.

ಇದನ್ನೂ ಓದಿ: Wimbledon: ಮೊದಲ ಗ್ರ್ಯಾನ್ ಸ್ಲಾಮ್ ಗೆದ್ದ ಶ್ರೇಯಾಂಕ ರಹಿತ ಆಟಗಾರ್ತಿ ವೊಂಡ್ರೊಸೊವಾ