ನವದೆಹಲಿ:ಇತ್ತೀಚೆಗೆ ನಡೆದ ವಿಶ್ವ ಕುಸ್ತಿ ಚಾಂಪಿಯನ್ಷಿಪ್ನಲ್ಲಿ ಉತ್ತಮ ಪ್ರದರ್ಶನ ತೋರಿದ ಕ್ರೀಡಾಪಟುಗಳಿಗೆ ಕೇಂದ್ರ ಕ್ರೀಡಾ ಸಚಿವ ಕಿರೆನ್ ರಿಜಿಜು ನಗದು ಪುರಸ್ಕಾರ ಘೋಷಿಸಿದ್ದಾರೆ.
ಕುಸ್ತಿಯಲ್ಲಿ ಬೆಳ್ಳಿ ಪದಕ ಜಯಿಸಿದ ದೀಪಕ್ ಪುನಿಯಾಗೆ 7 ಲಕ್ಷ, ಕಂಚಿನ ಪದಕ ವಿಜೇತ ಇತರ ಕ್ರೀಡಾಪಟುಗಳಿಗೆ ತಲಾ 4 ಲಕ್ಷ ರೂ. ನಗದು ಬಹುಮಾನ ನೀಡಲಾಗುವುದು ಎಂದು ಸಚಿವರು ಘೋಷಿಸಿದ್ದಾರೆ. ವಿಶ್ವ ಕುಸ್ತಿ ಚಾಂಪಿಯನ್ಷಿಪ್ನಲ್ಲಿ ವಿನೇಶ್ ಪೋಗತ್, ರವಿ ಕುಮಾರ್, ಬಜರಂಗ ಪುನಿಯಾ ಹಾಗೂ ರಾಹುಲ್ ಅವೇರ್ ಕಂಚಿನ ಪದಕ ಗೆದ್ದಿದ್ದರು.
ಇದೇ ವೇಳೆ ವಿಶ್ವ ಬಾಕ್ಸಿಂಗ್ ಚಾಂಪಿಯನ್ಷಿಪ್ನಲ್ಲಿ ಭಾರತದ ಪರ ಮೊದಲ ಬಾಕ್ಸರ್ ಮೊದಲ ಬೆಳ್ಳಿ ಗೆದ್ದ ಅಮಿತ್ ಪಂಗಲ್ಗೆ ಸಚಿವ ರಿಜಿಜು 14ಲಕ್ಷ ರೂ. ನಗದು ನೀಡಿ ಗೌರವಿಸಿದರು. ಅಲ್ಲದೆ ಕಂಚಿನ ಪದಕ ಜಯಿಸಿರುವ ಮನೀಶ್ ಕೌಶಿಕ್ಗೆ 8 ಲಕ್ಷ ರೂ. ನಗದು ನೀಡಿದರು.
