ನವದೆಹಲಿ: ಭಾರತೀಯ ಮಹಿಳಾ ಸ್ಟಾರ್ ಬಾಕ್ಸರ್ ಗೀತಿಕಾ(48 ಕೆಜಿ) ಮತ್ತು ಬಾಬಿರೋಜಿಸಾನಾ ಚಾನು(51 ಕೆಜಿ) ಪೋಲೆಂಡ್ನ ಕೀಲ್ಸ್ನಲ್ಲಿ ನಡೆದ ವಿಶ್ವ ಯೂತ್ ಚಾಂಪಿಯನ್ಶಿಪ್ನಲ್ಲಿ ಗುರುವಾರ ಚಿನ್ನದ ಪದಕ ಪಡೆದಿದ್ದಾರೆ.
ಫೈನಲ್ ಪಂದ್ಯದಲ್ಲಿ ಸಂಪೂರ್ಣ ಪ್ರಾಬಲ್ಯ ಸಾಧಿಸಿದ ಗೀತಿಕಾ 5-0 ಅಂತರದಲ್ಲಿ ಪೋಲೆಂಡ್ನ ನಟಾಲಿಯಾ ಕುಕ್ಜೆವ್ಸ್ಕಾ ರನ್ನು ಮಣಿಸಿದರೆ, ಬಾಬಿರೋಜಿಸಾನಾ ರಷ್ಯಾದ ವಲೇರಿಯಾ ಲಿಂಕೋವಾರನ್ನು ಇಷ್ಟೇ ಅಂಕಗಳ ಅಂತರದಿಂದ ಮಣಿಸಿ ಚಾಂಪಿಯನ್ ಆಗಿ ಹೊರಹೊಮ್ಮಿದರು.
ಆತಿಥೇಯ ರಾಷ್ಟ್ರ ಕುಕ್ಜೆವ್ಸ್ಕಾ ವಿರುದ್ಧ ಉತ್ತಮ ಪಾದ ಚಲನೆ ಮತ್ತು ಸಮತೋಲನದಿಂದ ಪ್ರಾಬಲ್ಯ ಸಾಧಿಸಿದ ಗೀತಿಕಾ ಎದುರಾಳಿಗೆ ಯಾವುದೇ ಹಂತದಲ್ಲಿ ಮೇಲುಗೈ ಸಾಧಿಸಲು ಅವಕಾಶ ನೀಡಲಿಲ್ಲ. ಮೂರನೇ ಸುತ್ತಿನಲ್ಲಿ ಗೀತಿಕಾ ಹೊಡೆದ ಪಂಚ್ಗೆ ಕುಕ್ಜೆವ್ಸ್ಕಾ ಮೂಗಲ್ಲಿ ರಕ್ತ ಕಾರಿತು. ಆರಂಭದಿಂದಲೂ ಆಕ್ರಮಣಕಾರಿಯಾಗಿ ಆಡಿದ ಅವರು ಭಾರತಕ್ಕೆ ಮೊದಲ ಪದಕ ತಂದುಕೊಟ್ಟರು.
ಮತ್ತೊಂದೆಡೆ, ಬಾಬಿರೋಜಿಸಾನಾ ರಷ್ಯನ್ ಬಾಕ್ಸರ್ನಿಂದ ತೀವ್ರವಾದ ಪೈಪೋಟಿ ಎದುರಿಸಿದರು. ಆದರೂ ಮೇರಿ ಕೋಮ್ ಗರಡಿಯಲ್ಲಿ ಪಳಗಿರುವ ಮಣಿಪುರಿ ಬಾಕ್ಸರ್ ಲಿಂಕೋವರನ್ನು ಹಿಮ್ಮೆಟ್ಟಿಸುವಲ್ಲಿ ಯಶಸ್ವಿಯಾದರು.
ಈ ಟೂರ್ನಿಯಲ್ಲಿ ಒಟ್ಟಾರೆ ಭಾರತದ 7 ಮಹಿಳಾ ಬಾಕ್ಸರ್ಗಳು ಮತ್ತು ಪುರಷರಲ್ಲಿ ಸಚಿನ್(56ಕೆಜಿ) ಫೈನಲ್ ಪ್ರವೇಶಿಸಿದ್ದರು.
