ಜೂನಿಯರ್ ಹಾಕಿ ವಿಶ್ವಕಪ್ : ಚಾಂಪಿಯನ್​ ಭಾರತಕ್ಕೆ ಫ್ರಾನ್ಸ್ ಮೊದಲ ಎದುರಾಳಿಗಳು

ಗುಂಪಿನಲ್ಲಿ ಅಗ್ರ 2 ಸ್ಥಾನ ಪಡೆಯುವ ತಂಡಗಳು ಡಿಸೆಂಬರ್​ 1ರಂದು ನಡೆಯಲಿರುವ ನಾಕ್‌ಔಟ್​ಗೆ ಅರ್ಹತೆ ಪಡೆಯಲಿವೆ. ಡಿಸೆಂಬರ್​ 3ರಂದು ಸೆಮಿಫೈನಲ್ಸ್ ಮತ್ತು ಡಿಸೆಂಬರ್ 5ರಂದು ಫೈನಲ್​ ನಡೆಯಲಿದೆ. ಭುನೇಶ್ವರದ ಕಳಿಂಗ ಸ್ಟೇಡಿಯಂನಲ್ಲಿ ವಿಶ್ವಕಪ್ ಪಂದ್ಯ ನಡೆಯಲಿವೆ. ಒಡಿಶಾ ಸರ್ಕಾರ ಶೇ.30ರಷ್ಟು ಪ್ರೇಕ್ಷಕರಿಗೆ ಅವಕಾಶ ನೀಡುವ ನಿರೀಕ್ಷೆಯಿದೆ..

ಮುಂಬೈ: ಹಾಲಿ ಚಾಂಪಿಯನ್ ಭಾರತ ತಂಡ ಭುವನೇಶ್ವರದಲ್ಲಿ ನವೆಂಬರ್ 24ರಿಂದ ಡಿಸೆಂಬರ್ 5ರವರೆಗೆ ನಡೆಯಲಿರುವ ಎಫ್‌ಐಹೆಚ್‌ ಜ್ಯೂನಿಯರ್ ಪುರುಷರ ವಿಶ್ವಕಪ್ ಹಾಕಿ ಟೂರ್ನಿಯಲ್ಲಿ ಸುಲಭ ಎದುರಾಳಿಗಳಿರುವ ಬಿ ಗುಂಪಿನಲ್ಲಿ ಅವಕಾಶ ಪಡೆದುಕೊಂಡಿದೆ.

ಭಾರತ ನವೆಂಬರ್ 24ರಂದು ಫ್ರಾನ್ಸ್ ವಿರುದ್ಧ ತನ್ನ ಅಭಿಯಾನ ಆರಂಭಿಸಲಿದೆ. ಇವರೆಡು ತಂಡಗಳ ಜೊತೆಗೆ ಬಿ ಗುಂಪಿನಲ್ಲಿ ಕೆನಡಾ ಮತ್ತು ಪೋಲೆಂಡ್ ಅವಕಾಶ ಪಡೆದಿವೆ. ಇದೇ ಗುಂಪಿನಲ್ಲಿದ್ದ ಇಂಗ್ಲೆಂಡ್ ತಂಡ ಕೋವಿಡ್-19 ಕಾರಣದಿಂದ ಟೂರ್ನಿಯಿಂದ ಹಿಂದೆ ಸರಿದ ಕಾರಣ ಪೋಲೆಂಡ್​ಗೆ ಬದಲಿ ತಂಡವಾಗಿ ಭಾಗವಹಿಸುತ್ತಿದೆ.