ಬೆರ್ನ್ (ಸ್ವಿಟ್ಜರ್ಲ್ಯಾಂಡ್): ಫುಟ್ಬಾಲ್ ದಿಗ್ಗಜ ಕ್ರಿಸ್ಟಿಯಾನೊ ರೊನಾಲ್ಡೊ ಮ್ಯಾಂಚೆಸ್ಟರ್ ಯುನೈಟೆಡ್ ತಂಡ ಸೇರಿಕೊಂಡಿದ್ದಾರೆ. ಈ ನಡುವೆ ಅವರು ಚಾಂಪಿಯನ್ಸ್ ಲೀಗ್ನಲ್ಲಿ ಮತ್ತೊಂದು ದಾಖಲೆ ಬರೆದಿದ್ದಾರೆ.
ಅತಿ ಹೆಚ್ಚು ಯುಇಎಫ್ಎ ಚಾಂಪಿಯನ್ಸ್ ಲೀಗ್ ಪಂದ್ಯವಾಡಿದ ಆಟಗಾರ ಎಂಬ ಕೀರ್ತಿಗೆ ಭಾಜನರಾಗಿದ್ದಾರೆ. ನಿನ್ನೆ ರೊನಾಲ್ಡೊ ತಮ್ಮ ವೃತ್ತಿ ಜೀವನದ 177ನೇ ಪಂದ್ಯವಾಡಿದ್ದು, ಇದಕ್ಕೂ ಮೊದಲು ಸ್ಪಾನಿಷ್ ನಿವೃತ್ತ ವೃತ್ತಿಪರ ಫುಟ್ಬಾಲ್ ಆಟಗಾರ ಇಕರ್ ಕ್ಯಾಸಿಲ್ಲಾಸ್ ಫೆರ್ನಾಂಡಿಸ್ 177 ಪಂದ್ಯವಾಡಿದ್ದರು. ಇವರ ನಂತರದ ಸ್ಥಾನದಲ್ಲಿ ಕ್ರಮವಾಗಿ ಬಾರ್ಸಿಲೋನಾದ ಕ್ಸಾವಿ ಹಾಗೂ ಲಿಯೋನಲ್ ಮೆಸ್ಸಿ ರೇಸ್ನಲ್ಲಿದ್ದಾರೆ.
ನಿನ್ನೆ ನಡೆದ ಪಂದ್ಯದಲ್ಲಿ ಮ್ಯಾಂಚೆಸ್ಟರ್ ಯುನೈಟೆಡ್ ಪರವಾಗಿ ಹಾಗೂ ಪಂದ್ಯದ ಮೊದಲ ಗೋಲು ದಾಖಲಿಸುವಲ್ಲಿ ರೊನಾಲ್ಡೊ ಯಶಸ್ವಿಯಾದರು. ಆದರೆ, ಬಿಎಸ್ಸಿ ಯಂಗ್ ಬಾಯ್ಸ್ ತಂಡ ಮ್ಯಾ.ಯುನೈಟೆಡ್ ತಂಡದ ವಿರುದ್ಧ ಆಕ್ರಮಣಕಾರಿ ಪ್ರದರ್ಶನ ತೋರಿದ್ದಲ್ಲದೇ, ಪಂದ್ಯವನ್ನ 2-1 ಗೋಲುಗಳ ಅಂತರದಿಂದ ಗೆದ್ದುಕೊಂಡಿತು.
ಇದನ್ನೂ ಓದಿ: ಫೈನಲ್ ಪಂದ್ಯದಲ್ಲೂ 10 ವಿಕೆಟ್ಗಳ ಜಯ: ಲಂಕಾ ವಿರುದ್ಧ T20 ಸರಣಿ ಕ್ಲೀನ್ ಸ್ವೀಪ್ ಮಾಡಿದ ಆಫ್ರಿಕಾ
