ಮ್ಯಾಂಚೆಸ್ಟರ್ : ಇಂಗ್ಲಿಷ್ ಪ್ರೀಮಿಯರ್ ಲೀಗ್ನಲ್ಲಿ ಲಿವರ್ ಪೂಲ್ ತಂಡ 1990ರ ಬಳಿಕ ಇದೇ ಮೊದಲ ಬಾರಿಗೆ ಪ್ರತಿಷ್ಠಿತ ಪ್ರೀಮಿಯರ್ ಲೀಗ್ ಚಾಂಪಿಯನ್ ಪ್ರಶಸ್ತಿ ಗೆದ್ದಿದೆ.
ಮ್ಯಾಂಚೆಸ್ಟರ್ ಸಿಟಿ ತಂಡದ ಸವಾಲನ್ನು 2-1 ಗೋಲುಗಳಿಂದ ಎದುರಿಸುವ ಮೂಲಕ ಪ್ರಶಸ್ತಿ ತನ್ನದಾಗಿಸಿಕೊಂಡಿದೆ. ಈ ಮೂಲಕ ಟೂರ್ನಿಯಲ್ಲಿ ಇನ್ನೂ ಏಳು ಪಂದ್ಯಗಳು ಬಾಕಿ ಇರುವಾಗಲೇ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಿಯಾಗಿರುವ ಜುಗಾರ್ನ್ ಕ್ಲೋಪ್ ನೇತೃತ್ವದ ಲಿವರ್ ಪೂಲ್ ತಂಡ ಪ್ರಶಸ್ತಿ ಮುಡಿಗೇರಿಸಿಕೊಂಡಿದೆ.
ಎರಡನೇ ಸ್ಥಾನದಲ್ಲಿದ್ದ ಮ್ಯಾಂಚೆಸ್ಟರ್ ಸಿಟಿ ತಂಡ ಗುರುವಾರ ಸೋಲಿನೊಂದಿಗೆ 23 ಅಂಕಕ್ಕೆ ತೃಪ್ತಿಪಡುವಂತಾಯಿತು. ಬುಧವಾರ ಎನ್ಫೀಲ್ಡ್ನಲ್ಲಿ ನಡೆದ ಪಂದ್ಯದಲ್ಲಿ ಕ್ರಿಸ್ಟಲ್ ಪ್ಯಾಲೇಸ್ ತಂಡವನ್ನು 4-0 ಅಂತರಲ್ಲಿ ಸೋಲಿಸುವ ಮೂಲಕ ಲೀವರ್ ಪೂಲ್ ಪ್ರಶಸ್ತಿಯಿಂದ ಕೇವಲ ಎರಡು ಅಂಕಗಳ ದೂರದಲ್ಲಿತ್ತು. ಈ ಸೀಸನ್ನಲ್ಲಿ ನಡೆದ 31 ಪಂದ್ಯಗಳ ಪೈಕಿ ಲಿವರ್ ಪೂಲ್ 28 ಪಂದ್ಯಗಳನ್ನು ಗೆದ್ದಿದೆ.
188ರಲ್ಲಿ ದೇಶದಲ್ಲಿ ಲೀಗ್ ಪಂದ್ಯಾವಳಿಗಳು ಪ್ರಾರಂಭವಾದ ಬಳಿಕ ಯಾವುದೇ ತಂಡ ಏಳು ಪಂದ್ಯಗಳು ಬಾಕಿ ಇರುವಾಗ ಗೆದ್ದ ಇತಿಹಾಸವಿಲ್ಲ ಮತ್ತು ಜೂನ್ನಲ್ಲಿ ಯಾವುದೇ ತಂಡ ಪ್ರೀಮಿಯರ್ ಚಾಂಪಿಯನ್ ಪಟ್ಟ ಅಲಂಕರಿಸಿಲ್ಲ.
ಸ್ಟ್ಯಾಮ್‌ಫೋರ್ಡ್ ಬ್ರಿಡ್ಜ್ ಕ್ರೀಡಾಂಗಣದಿಂದ ಕೊನೆಯ ಸೀಟಿ ಕೇಳಿದಾಗ ಲಿವರ್ ಪೂಲ್ ಅಭಿಮಾನಿಗಳು ಹರ್ಷೋದ್ಗಾರ ಮೊಳಗಿಸಿದರು. ಕೊರೊನಾ ಹಿನ್ನೆಲೆ ಕಡಿಮೆ ಸಂಖ್ಯೆಯಲ್ಲಿ ಜನರು ಸೇರಿ ಸಂಭ್ರಮಾಚರಣೆ ಮಾಡಿದರು.
