ಮಹಿಳಾ ಟಿ20 ವಿಶ್ವಕಪ್​: ಆತಿಥೇಯ ದಕ್ಷಿಣ ಆಫ್ರಿಕಾಗೆ ಲಂಕನ್ನರ ಆಘಾತ

ವನಿತೆಯರ ಟಿ20 ವಿಶ್ವಕಪ್​- ಉದ್ಘಾಟನಾ ಪಂದ್ಯ ಸೋತ ದಕ್ಷಿಣ ಆಫ್ರಿಕಾ- ಶ್ರೀಲಂಕಾ ದಕ್ಷಿಣ ಆಫ್ರಿಕಾ ಪಂದ್ಯ- ದಕ್ಷಿಣ ಆಫ್ರಿಕಾ ಮಹಿಳೆಯರು ಬ್ಯಾಟಿಂಗ್​ ವೈಫಲ್ಯ- ಲಂಕಾ ನಾಯಕಿ ಚಾಮರಿ ಅಟುಪಟ್ಟು

ಕೇಪ್​ಟೌನ್: ಶುಕ್ರವಾರದಿಂದ ಆರಂಭವಾಗಿರುವ ಐಸಿಸಿ ಮಹಿಳಾ ಟಿ20 ವಿಶ್ವಕಪ್ 2023ರ ಉದ್ಘಾಟನಾ ಪಂದ್ಯದಲ್ಲಿ ಆತಿಥೇಯ ದಕ್ಷಿಣ ಆಫ್ರಿಕಾ ಮಹಿಳಾ ತಂಡವನ್ನು ಶ್ರೀಲಂಕಾ ವನಿತೆಯರು 3 ರನ್​ಗಳಿಂದ ಸೋಲಿಸಿ ಶುಭಾರಂಭ ಮಾಡಿದರು. ಮೊದಲು ಬ್ಯಾಟ್​ ಮಾಡಿದ ಲಂಕಾ ವನಿತೆಯರು ನಾಯಕಿ ಚಾಮರಿ ಅಟುಪಟ್ಟು ಅವರ ಅರ್ಧಶತಕದ ನೆರವಿನಿಂದ 4 ವಿಕೆಟ್​ಗೆ 129 ರನ್​ ಗಳಿಸಿದ್ದರು. ಸಾಧಾರಣ ಗುರಿ ಬೆನ್ನತ್ತಿದ ದಕ್ಷಿಣ ಆಫ್ರಿಕಾ ಮಹಿಳೆಯರು ಬ್ಯಾಟಿಂಗ್​ ವೈಫಲ್ಯ ಅನುಭವಿಸಿ ಗೆಲುವಿನ ಹಂತದಲ್ಲಿ ಸೋಲು ಕಂಡರು.

ಆತಿಥೇಯ ದಕ್ಷಿಣ ಆಫ್ರಿಕಾ ಟಾಸ್​ ಗೆದ್ದು ಬೌಲಿಂಗ್​ ಆಯ್ದುಕೊಂಡಿತು. ಲಂಕಾ ಆರಂಭಿಕ ಆಟಗಾರ್ತಿ ಮದಾವಿ 8 ರನ್​ಗೆ ಔಟ್​ ಆದರು. ಟಿ20ಯಲ್ಲಿ ಅದ್ಭುತ ಫಾರ್ಮ್​ನಲ್ಲಿರುವ ಲಂಕಾ ನಾಯಕಿ ಚಾಮರಿ ಅಟುಪಟ್ಟು ಇನಿಂಗ್ಸ್​ ಮುನ್ನಡೆಸಿದರು. 50 ಎಸೆತಗಳಲ್ಲಿ 12 ಬೌಂಡರಿ ಸಮೇತ 68 ರನ್ ಗಳಿಸಿದರು. ನಾಯಕಿಗೆ ವಿಸ್ಮಿ ಗುಣರತ್ನೆ ಉತ್ತಮ ಸಾಥ್​ ನೀಡಿದರು. ಇಬ್ಬರೂ ಸೇರಿ 86 ರನ್​ ಸೇರಿಸಿದರು.

ಶ್ರೀಲಂಕಾದ ನಾಯಕಿ ಕೆಲವು ಗಟ್ಟಿ ಹೊಡೆತಗಳ ಮೂಲಕ ಗಮನ ಸೆಳೆದರು. ಮೊದಲ ವಿಕೆಟ್​ ಬಿದ್ದ ಬಳಿಕ ಒತ್ತಡ ಹೇರಿದ ಆಫ್ರಿಕನ್ನರ ಮೇಲೆ ನಿಧಾನವಾಗಿ ಸವಾರಿ ಮಾಡಿದರು. ಒಂದರ ಹಿಂದೆ ಒಂದು ಬೌಂಡರಿ ಬಾರಿಸಿ ರನ್​ ಗಳಿಸಿದರು. ಇನ್ನೊಂದೆಡೆ ವಿಸ್ಮಿ ಗುಣರತ್ನೆ ಉತ್ತಮ ಬ್ಯಾಟ್ ಬೀಸಿ 34 ಎಸೆತಗಳಲ್ಲಿ 35 ರನ್​ ಮಾಡಿದರು. ನಿಧಾನಗತಿಯಲ್ಲಿ ಬ್ಯಾಟ್​ ಬೀಸಿದ್ದರಿಂದ ತಂಡ 20 ಓವರ್​ಗಳಲ್ಲಿ 4 ವಿಕೆಟ್​ಗೆ 129 ರನ್​ ಗಳಿಸಿತು. ಹರಿಣಗಳ ಪರವಾಗಿ ಎಸ್​.ಇಸ್ಮಾಯಿಲ್​, ಮಾರಿಝನ್ನೆ ಕಪ್​, ನದಿನೆ ಡಿ ಕ್ಲರ್ಕ್​ ತಲಾ 1 ವಿಕೆಟ್​ ಪಡೆದರು.

ಬ್ಯಾಟಿಂಗ್​ ವೈಫಲ್ಯ: 130 ರನ್​ಗಳ ಗುರಿ ಬೆನ್ನತ್ತಿದ ದಕ್ಷಿಣ ಆಫ್ರಿಕಾ ವನಿತೆಯರು ನಿಧಾನಗತಿ ಬ್ಯಾಟಿಂಗ್​ ಜೊತೆಗೆ ದೊಡ್ಡ ಮೊತ್ತ ಪೇರಿಸಲಿಲ್ಲ. ಲೌರಾ ವೋಲ್ವಾರ್ಟ್​ 18, ತಜ್ಮಿನ್​ ಬ್ರಿಟ್ಸ್​ 12, ಮಾರಿಝನ್ನೆ ಕಪ್ 11, ನಾಯಕಿ ಸುನೆ ಲೂಸ್​ 28, ಚೋಲೆ ಟ್ರಯಾನ್ 10, ಅನ್ನೆಕ್ಕೆ ಬೋಚ್​ 0, ವಿಕೆಟ್​ ಕೀಪರ್​ ಸಿನಾಲೋ ಜಾಫ್ತಾ 15 ಗಳಿಸಿ ಔಟಾದರು. ನಿಧಾನವಾಗಿ ಬ್ಯಾಟ್​ ಬೀಸಿದ ಕಾರಣ ಡೆತ್ ಓವರ್‌ಗಳಲ್ಲಿ ರನ್​ರೇಟ್​ ಹೆಚ್ಚಾಯಿತು. ಇದರಿಂದ ತಂಡ ಒತ್ತಡಕ್ಕೆ ಸಿಲುಕಿ ಸೋಲೊಪ್ಪಿಕೊಂಡಿತು.

• What a night! What a game!
  
  Sri Lanka have upset the odds to beat the hosts 🙌
  
  📝: https://t.co/B3deUDFN5W#SAvSL | #T20WorldCup | #TurnItUp pic.twitter.com/ZfH0vvpD41

  — ICC (@ICC) February 10, 2023 " class="align-text-top noRightClick twitterSection" data="

  What a night! What a game!
  
  Sri Lanka have upset the odds to beat the hosts 🙌
  
  📝: https://t.co/B3deUDFN5W#SAvSL | #T20WorldCup | #TurnItUp pic.twitter.com/ZfH0vvpD41

  — ICC (@ICC) February 10, 2023

  ">

  What a night! What a game!
  
  Sri Lanka have upset the odds to beat the hosts 🙌
  
  📝: https://t.co/B3deUDFN5W#SAvSL | #T20WorldCup | #TurnItUp pic.twitter.com/ZfH0vvpD41

  — ICC (@ICC) February 10, 2023

ಲಂಕನ್ನರ ಮೊನಚಿನ ಸ್ಪಿನ್​ ದಾಳಿ: ಹರಿಣಗಳ ನಾಯಕಿ ಸುನೆ ಲೂಸ್​ರ (28) ಪ್ರತಿರೋಧ ಹೊರತುಪಡಿಸಿ ಉಳಿದೆಲ್ಲ ಬ್ಯಾಟರ್​ಗಳನ್ನು ಸ್ಪಿನ್​ ತ್ರಯರಾದ ಸುಗಂದಿಕಾ ಕುಮಾರಿ, ಒಷದಿ ರಣಸಿಂಘೆ, ಇನೋಕಾ ರಣವೀರ ಕಾಡಿದರು. ಬ್ಯಾಕ್​ ಟು ಬ್ಯಾಕ್​ ವಿಕೆಟ್​ ಪಡೆದ ಮೂವರು 7 ವಿಕೆಟ್​ ಕಿತ್ತರು. ಇದರಲ್ಲಿ ಇನೋಕಾ ರಣವೀರ 3 ವಿಕೆಟ್​ ಪಡೆದರೆ, ಸುಗಂದಿಕಾ ಕುಮಾರಿ, ಒಷದಿ ರಣಸಿಂಘೆ ತಲಾ 2 ವಿಕೆಟ್​ ಪಡೆದರು. ಅದ್ಭುತವಾಗಿ ಬ್ಯಾಟ್​ ಮಾಡಿದ ಲಂಕಾ ನಾಯಕಿ ಅಟುಪಟ್ಟು ಅರ್ಹವಾಗಿಯೇ ಪಂದ್ಯಶ್ರೇಷ್ಠ ಗೌರವಕ್ಕೆ ಭಾಜನರಾದರು.

ಮೊದಲ ಸೋಲಿನಿಂದ ಆಫ್ರಿಕಾ ಒತ್ತಡಕ್ಕೆ ಒಳಗಾಗಿದ್ದು, ಸೆಮಿಫೈನಲ್​ ತಲುಪಲು ಮುಂದಿನ ಎರಡು ಪಂದ್ಯಗಳಲ್ಲಿ ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್ ತಂಡಗಳನ್ನು ಸೋಲಿಸಬೇಕಿದೆ. ಸೋಮವಾರ(ಫೆ.13)ದಂದು ನ್ಯೂಜಿಲ್ಯಾಂಡ್​ ವನಿತೆಯರ ವಿರುದ್ಧ ಪಂದ್ಯ ನಡೆಯಲಿದೆ.

ಸಂಕ್ಷಿಪ್ತ ಸ್ಕೋರ್‌ಗಳು: ದಕ್ಷಿಣ ಆಫ್ರಿಕಾ: 126/9 (ಸುನೆ ಲೂಸ್ 28, ಲಾರಾ ವೊಲ್ವಾರ್ಡ್ಟ್ 18, ಇನೋಕಾ ರಣವೀರ 3/18) ಶ್ರೀಲಂಕಾ: 129/4 (ಚಾಮರಿ ಅಟುಪಟ್ಟು 68, ವಿಶ್ಮಿ ಗುಣರತ್ನೆ 35, ಮರಿಜಾನ್ನೆ ಕಪ್ 1/15).

ಓದಿ: Ind vs Aus 1st Test: 400 ರನ್​ಗೆ ಭಾರತ ಆಲೌಟ್​, ಆಸೀಸ್​ನ ಟಾಡ್​ ಮೊರ್ಪಿಗೆ 7 ವಿಕೆಟ್​