ವಿಜಯ್​ ಹಜಾರೆ ಟ್ರೋಫಿ: ಪಂಜಾಬ್​ ಮಣಿಸಿ ಸೆಮಿಫೈನಲ್​ಗೆ ಕರ್ನಾಟಕ, ಸೌರಾಷ್ಟ್ರ ವಿರುದ್ಧ ಫೈಟ್​

ವಿಜಯ್​ ಹಜಾರೆ ಟ್ರೋಫಿಯಲ್ಲಿ ಕರ್ನಾಟಕ ಸೆಮಿಫೈನಲ್​ ತಲುಪಿತು. ಇಂದಿನ ಕ್ವಾರ್ಟರ್​ಫೈನಲ್​ನಲ್ಲಿ ಪಂಜಾಬ್​ ನೀಡಿದ 235 ರನ್​ಗಳ ಸವಾಲನ್ನು ಮೆಟ್ಟಿನಿಂತು ಜಯಭೇರಿ ಸಾಧಿಸಿತು.

ವಿದ್ವಥ್​​ ಕಾವೇರಪ್ಪ, ವಾಸುಕಿ ಕೌಶಿಕ್​ರ ಬಿಗು ಬೌಲಿಂಗ್​ ದಾಳಿ, ರವಿಕುಮಾರ್ ಸಮರ್ಥ್​ರ ಭರ್ಜರಿ ಬ್ಯಾಟಿಂಗ್​ ನೆರವಿನಿಂದ ಪಂಜಾಬ್​ ತಂಡವನ್ನು ಸೋಲಿಸಿದ ಕರ್ನಾಟಕ ತಂಡ ವಿಜಯ್​ ಹಜಾರೆ ಟ್ರೋಫಿಯಲ್ಲಿ ಸೆಮಿಫೈನಲ್​ ತಲುಪಿತು. ಅಹಮದಾಬಾದ್​ನ ನರೇಂದ್ರ ಮೋದಿ ಮೈದಾನದಲ್ಲಿ ನಡೆದ ಕ್ವಾರ್ಟರ್​ಫೈನಲ್ ಪಂದ್ಯದಲ್ಲಿ ಪಂಜಾಬ್​ ನೀಡಿದ 235 ರನ್​ಗಳ ಸಾಧಾರಣ ಮೊತ್ತವನ್ನು ಕರ್ನಾಟಕ 49.2 ಓವರ್​ಗಳಲ್ಲಿ ಸಾಧಿಸಿತು.

ಟಾಸ್​ ಸೋತು ಮೊದಲು ಬ್ಯಾಟ್​ ಮಾಡಿದ ಪಂಜಾಬ್​ ತಂಡ ಖಾತೆ ತೆರೆಯುವ ಮುನ್ನವೇ ಆರಂಭಿಕ ಪ್ರಭಸಿಮ್ರನ್​ ವಿಕೆಟ್​ ಕಳೆದುಕೊಂಡಿತು. ಇದರ ಬೆನಲ್ಲೇ ಅನ್ಮೋಲ್​ ಪ್ರೀತ್​ ಸಿಂಗ್​(4), ನಾಯಕ ಮನ್​ದೀಪ್​ ಸಿಂಗ್​(6) ವಿಕೆಟ್​ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು.

ತಂಡದ ರನ್​ ಗಳಿಸುವ ಹೊಣೆ ಹೊತ್ತ ಇನ್ನೊಬ್ಬ ಆರಂಭಿಕ ಅಭಿಷೇಕ್​ ಶರ್ಮಾ ಭರ್ಜರಿ ಶತಕ ಸಾಧನೆ ಮಾಡಿದರು. 123 ಎಸೆತಗಳಲ್ಲಿ 12 ಬೌಂಡರಿ, 2 ಸಿಕ್ಸರ್​ ಸಮೇತವಾಗಿ 109 ರನ್​ಗಳ ತಾಳ್ಮೆಯ ಇನಿಂಗ್ಸ್​ ಕಟ್ಟಿದರು. ಅಭಿಷೇಕ್​ಗೆ ಅನ್ಮೋಲ್​ಮಲ್ಹೋತ್ರಾ 29, ಸನ್​ವೀರ್ ಸಿಂಗ್​ 39, ರಮಣ್​ದೀಪ್​ ಸಿಂಗ್​ 17 ಸಾಥ್​ ನೀಡಿದರು. ಬಳಿಕ ಕುಸಿತ ಕಂಡು ತಂಡ 50 ಓವರ್​ಗಳಲ್ಲಿ ಎಲ್ಲ ವಿಕೆಟ್​ ನಷ್ಟಕ್ಕೆ 235 ರನ್​ ಮಾಡಿತು.

• A look at the fixtures of the semi-finals of the @mastercardindia #VijayHazareTrophy 2022 👌👌 pic.twitter.com/glPJEjUBYz

  — BCCI Domestic (@BCCIdomestic) November 28, 2022 " class="align-text-top noRightClick twitterSection" data="

  A look at the fixtures of the semi-finals of the @mastercardindia #VijayHazareTrophy 2022 👌👌 pic.twitter.com/glPJEjUBYz

  — BCCI Domestic (@BCCIdomestic) November 28, 2022

  ">

  A look at the fixtures of the semi-finals of the @mastercardindia #VijayHazareTrophy 2022 👌👌 pic.twitter.com/glPJEjUBYz

  — BCCI Domestic (@BCCIdomestic) November 28, 2022

ಕರ್ನಾಟಕ ಬಿಗಿ ಬೌಲಿಂಗ್​ ದಾಳಿ: ಪಂದ್ಯದಲ್ಲಿ ಕರ್ನಾಟಕ ಬೌಲರ್​ಗಳು ಬಿಗಿ ಬೌಲಿಂಗ್​ ದಾಳಿ ಮಾಡಿದರು. ವಿದ್ವಥ್​ ಕಾವೇರಪ್ಪ ಪ್ರಮುಖ 4 ವಿಕೆಟ್​ ಉರುಳಿಸಿದರೆ, ವಾಸುಕಿ ಕೌಶಿಕ್​ 3 ಮೇಡನ್​ ಸಮೇತ 10 ಓವರ್​ಗಳಲ್ಲಿ ಕೇವಲ 25 ರನ್​ ಮಾತ್ರ ಬಿಟ್ಟುಕೊಟ್ಟು 1, ರೋನಿತ್​ ಮೋರೆ 2 ವಿಕೆಟ್​ ಪಡೆದರು.

ತೆವಳುತ್ತ ಗೆದ್ದ ರಾಜ್ಯ ತಂಡ: 235 ರನ್​ಗಳ ಸಾಧಾರಣ ಗುರಿ ಬೆನ್ನತ್ತಿದ ಕರ್ನಾಟಕ ತಂಡ ಕೂಡ ರನ್​ ಗಳಿಸಲು ಪರದಾಡಿತು. ಆರಂಭಿಕ ರವಿಕುಮಾರ್​ ಸಮರ್ಥ್​ 106 ಎಸೆತಗಳಲ್ಲಿ 71 ರನ್​ ಗಳಿಸಿದರೆ, ನಾಯಕ ಮಯಾಂಕ್​ ಅಗರ್​ವಾಲ್​ ಒಂದೇ ರನ್​ಗೆ ಕೈಕೊಟ್ಟರು. ನಿಕಿನ್​ ಜೋಸ್​ 29, ಮನೀಶ್ ಪಾಂಡೆ 35, ಶ್ರೇಯಸ್​ ಗೋಪಾಲ್​ 42, ಮನೋಜ್​ ಬಾಂಗ್ಡೆ 25 ರನ್​ ಗಳಿಸಿದರು. ಕೊನೆಯಲ್ಲಿ ಕೃಷ್ಣಪ್ಪ ಗೌತಮ್​ ಸಿಕ್ಸರ್​ ಸಿಡಿಸಿ ತಂಡ ಗೆಲ್ಲುವಂತೆ ನೋಡಿಕೊಂಡರು. ಪಂಜಾಬ್​ ಪರವಾಗಿ ಸನ್​ವೀರ್​ ಸಿಂಗ್​ 2 ವಿಕೆಟ್​ ಪಡೆದರು.

ಸೆಮಿಫೈನಲ್​ ಲೆಕ್ಕಾಚಾರ: ತಮಿಳುನಾಡು ವಿರುದ್ಧ ಗೆದ್ದ ಸೌರಾಷ್ಟ್ರ ತಂಡ ಸೆಮಿಫೈನಲ್​ನಲ್ಲಿ ಕರ್ನಾಟಕದ ವಿರುದ್ಧ ಸೆಣಸಾಡಲಿದೆ. ಜಮ್ಮು ಕಾಶ್ಮೀರ ವಿರುದ್ಧ ಗೆದ್ದ ಅಸ್ಸೋಂ ಮತ್ತು ಉತ್ತರಪ್ರದೇಶವನ್ನು ಮಣಿಸಿದ ಮಹಾರಾಷ್ಟ್ರ ಇನ್ನೊಂದು ಸೆಮಿಫೈನಲ್​ನಲ್ಲಿ ಎದುರಾಗಲಿವೆ.

ಓದಿ: ಕ್ರಿಕೆಟ್​ ಸರಣಿ ಮಧ್ಯೆಯೇ ಮೂವರು ಶ್ರೀಲಂಕಾ ಆಟಗಾರರ ವಿವಾಹ ಸಂಭ್ರಮ