ಕಿವೀಸ್ ವಿರುದ್ಧ ಭಾರತಕ್ಕೆ ಹೀನಾಯ ಸೋಲು.. ಕೊಹ್ಲಿ ಪಡೆಯ ಸೆಮಿಫೈನಲ್ ಕನಸು ಬಹುತೇಕ ಭಗ್ನ!

ಸೂಪರ್​ 12ನಲ್ಲಿ 1ನೇ ಗುಂಪಿನಲ್ಲಿ ಆಡಿರುವ ಎಲ್ಲಾ 3 ಪಂದ್ಯಗಳಲ್ಲಿ ಗೆಲುವು ಸಾಧಿಸಿರುವ ಪಾಕಿಸ್ತಾನ ತಂಡದ ಸೆಮಿಫೈನಲ್ಸ್ ಪ್ರವೇಶ ​ಬಹುತೇಕ ಖಚಿತವಾಗಿದೆ. ಇನ್ನು ಅಫ್ಘಾನಿಸ್ತಾನ 3 ಪಂದ್ಯಗಳಲ್ಲಿ 2 ಜಯ ಸಾಧಿಸಿ 2ನೇ ಸ್ಥಾನದಲ್ಲಿದೆ..

ದುಬೈ: ಭಾನುವಾರ ನಡೆದ ಐಸಿಸಿ ಟಿ-20 ವಿಶ್ವಕಪ್​ ಕ್ವಾಲಿಫೈಯರ್​ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್​ ವಿರುದ್ಧ 8 ವಿಕೆಟ್​ಗಳ ಹೀನಾಯ ಸೋಲು ಕಾಣುವ ಮೂಲಕ ವಿರಾಟ್​ ಕೊಹ್ಲಿ ನೇತೃತ್ವದ ಭಾರತ ತಂಡದ ಸೆಮಿಫೈನಲ್​ ಕನಸು ಬಹುತೇಕ ಕಮರಿದೆ.

ತಾವಾಡಿದ ಮೊದಲ ಪಂದ್ಯದಲ್ಲಿ ಎರಡೂ ತಂಡಗಳು ಸೋಲು ಕಂಡಿದ್ದರಿಂದ ಈ ಪಂದ್ಯವನ್ನು ಕ್ವಾರ್ಟರ್​ ಫೈನಲ್​ ಎಂದೇ ಬಿಂಬಿಸಲಾಗಿತ್ತು. ನಿರ್ಣಾಯಕ ಪಂದ್ಯದಲ್ಲಿ ಟಾಸ್ ಗೆದ್ದ ನ್ಯೂಜಿಲ್ಯಾಂಡ್ ತಂಡ ನಿರೀಕ್ಷೆಯಂತೆ ಬೌಲಿಂಗ್ ಮಾಡಲು ನಿರ್ಧರಿಸಿತು.

ನಾಯಕ ಕೇನ್​​ ವಿಲಿಯಮ್ಸನ್​ ಆಯ್ಕೆಯನ್ನ ಸಮರ್ಥಿಸಿಕೊಂಡ ಟ್ರೆಂಟ್​ ಬೌಲ್ಟ್ ಇನ್ನಿಂಗ್ಸ್​ನ​ 3ನೇ ಓವರ್​ನಲ್ಲಿ 4 ರನ್ ​ಗಳಿಸಿದ್ದ ಇಶಾನ್​ ಕಿಶನ್​ ವಿಕೆಟ್ ಪಡೆಯುವ ಮೂಲಕ ಭಾರತಕ್ಕೆ ಮೊದಲ ಪೆಟ್ಟು ನೀಡಿದರು. ನಂತರ 16 ಎಸೆತಗಳಲ್ಲಿ 3 ಬೌಂಡರಿ ಸಹಿತ 18 ರನ್​ಗಳಿಸಿದ್ದ ರಾಹುಲ್​ ದೊಡ್ಡ ಹೊಡೆತಕ್ಕೆ ಮುಂದಾಗಿ ಸೌಥಿಗೆ ವಿಕೆಟ್ ಒಪ್ಪಿಸಿದರು.

• A sparkling performance from New Zealand ✨#T20WorldCup | #INDvNZ | https://t.co/dJpWyk0E0j pic.twitter.com/OO7D1fSreV

  — T20 World Cup (@T20WorldCup) October 31, 2021 " class="align-text-top noRightClick twitterSection" data="

  A sparkling performance from New Zealand ✨#T20WorldCup | #INDvNZ | https://t.co/dJpWyk0E0j pic.twitter.com/OO7D1fSreV

  — T20 World Cup (@T20WorldCup) October 31, 2021

  ">

  A sparkling performance from New Zealand ✨#T20WorldCup | #INDvNZ | https://t.co/dJpWyk0E0j pic.twitter.com/OO7D1fSreV

  — T20 World Cup (@T20WorldCup) October 31, 2021

ರಾಹುಲ್ ವಿಕೆಟ್ ಬೀಳುತ್ತಿದ್ದಂತೆ ಭಾರತ ತಂಡ ಚೇತರಿಕೆಯನ್ನೇ ಕಾಣಲಾಗಲಿಲ್ಲ. ರೋಹಿತ್​ (14), ವಿರಾಟ್ ಕೊಹ್ಲಿ (4), ರಿಷಭ್​ ಪಂತ್​(12), ಹಾರ್ದಿಕ್ ಪಾಂಡ್ಯ (23), ಶಾರ್ದೂಲ್ ಠಾಕೂರ್ (0) ರನ್ ​ಗಳಿಸಲು ಪರದಾಡಿ ವಿಕೆಟ್​ ಒಪ್ಪಿಸಿದರು. ರವೀಂದ್ರ ಜಡೇಜಾ 19 ಎಸೆತಗಳಲ್ಲಿ 2 ಬೌಂಡರಿ ಮತ್ತು 1 ಸಿಕ್ಸರ್​ ಸಹಿತ 26 ರನ್​ ಗಳಿಸಿ ತಂಡದ ಗರಿಷ್ಠ ಸ್ಕೋರರ್​ ಆದರು. ಭಾರತ 20 ಓವರ್​ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 110 ರನ್​ಗಳಿಸಲಷ್ಟೇ ಶಕ್ತವಾಯಿತು.

ನ್ಯೂಜಿಲ್ಯಾಂಡ್ ಪರ ಟ್ರೆಂಟ್ ಬೌಲ್ಟ್​ 4 ಓವರ್​ಗಳಲ್ಲಿ 20 ರನ್​ ನೀಡಿ 3 ವಿಕೆಟ್ ಪಡೆದರೆ, ಸೋಧಿ 4 ಓವರ್​ಗಳಲ್ಲಿ 17 ರನ್​ಗೆ 2 ಹಾಗೂ ಸೌಥಿ ಮತ್ತು ಆ್ಯಡಂ ಮಿಲ್ನೆ ತಲಾ ಒಂದು ವಿಕೆಟ್ ಪಡೆದರು.

111 ರನ್​ಗಳ ಅಲ್ಪ ಮೊತ್ತದ ಗುರಿ ಪಡೆದ ನ್ಯೂಜಿಲ್ಯಾಂಡ್​ ತಂಡ 14.3 ಓವರ್​ಗಳಲ್ಲಿ 2 ವಿಕೆಟ್ ಕಳೆದುಕೊಂಡು ತಲುಪಿ ಸೆಮಿಫೈನಲ್ ಆಸೆಯನ್ನು ಜೀವಂತವಾಗಿರಿಸಿಕೊಂಡಿದೆ.

• Things are getting pretty interesting 🤩
  
  Which two sides will qualify from Group 2? 🤔#T20WorldCup pic.twitter.com/2NSTjsYjoZ

  — T20 World Cup (@T20WorldCup) October 31, 2021 " class="align-text-top noRightClick twitterSection" data="

  Things are getting pretty interesting 🤩
  
  Which two sides will qualify from Group 2? 🤔#T20WorldCup pic.twitter.com/2NSTjsYjoZ

  — T20 World Cup (@T20WorldCup) October 31, 2021

  ">

  Things are getting pretty interesting 🤩
  
  Which two sides will qualify from Group 2? 🤔#T20WorldCup pic.twitter.com/2NSTjsYjoZ

  — T20 World Cup (@T20WorldCup) October 31, 2021

ಮಾರ್ಟಿನ್ ಗಪ್ಟಿಲ್​ 17 ಎಸೆತಗಳಲ್ಲಿ 20, ಡೇರಿಲ್ ಮಿಚೆಲ್​ 35 ಎಸೆತಗಳಲ್ಲಿ 4 ಬೌಂಡರಿ ಮತ್ತು 3 ಸಿಕ್ಸರ್​ಗಳ ಸಹಿತ 49 ರನ್ ​ಗಳಿಸಿ ಔಟಾದರೆ, ಕೇನ್ ವಿಲಿಯಮ್ಸನ್​ 31 ಎಸೆತಗಳಲ್ಲಿ 3 ಬೌಂಡರಿ ಸಹಿತ ಅಜೇಯ 33 ರನ್ ​ಬಾರಿಸಿ ತಂಡವನ್ನು ಗೆಲುವಿನ ದಡ ಸೇರಿಸಿದರು.

ಸೂಪರ್​-12ನಲ್ಲಿ 1ನೇ ಗುಂಪಿನಲ್ಲಿ ಆಡಿರುವ ಎಲ್ಲಾ 3 ಪಂದ್ಯಗಳಲ್ಲಿ ಗೆಲುವು ಸಾಧಿಸಿರುವ ಪಾಕಿಸ್ತಾನ ತಂಡದ ಸೆಮಿಫೈನಲ್ಸ್ ಪ್ರವೇಶ ​ಬಹುತೇಕ ಖಚಿತವಾಗಿದೆ. ಇನ್ನು ಅಫ್ಘಾನಿಸ್ತಾನ 3 ಪಂದ್ಯಗಳಲ್ಲಿ 2 ಜಯ ಸಾಧಿಸಿ 2ನೇ ಸ್ಥಾನದಲ್ಲಿದೆ.

ಆದರೆ, ಇನ್ನೂ ಅಫ್ಘಾನಿಸ್ತಾನವು ಭಾರತ ಮತ್ತು ನ್ಯೂಜಿಲ್ಯಾಂಡ್​ ವಿರುದ್ಧ 2 ಪಂದ್ಯಗಳನ್ನಾಡಬೇಕಿದೆ. ನ್ಯೂಜಿಲ್ಯಾಂಡ್​ ಇನ್ನೂ 3ನೇ ಸ್ಥಾನದಲ್ಲಿದ್ದು, ಅಫ್ಘಾನಿಸ್ತಾನ, ನಮೀಬಿಯಾ ಮತ್ತು ಸ್ಕಾಟ್ಲೆಂಡ್​ ಎದುರು ಸೂಪರ್​ 12ನಲ್ಲಿ ಆಡಲಿದೆ. ಭಾರತ ಆಡಿರುವ 2 ಪಂದ್ಯಗಳಲ್ಲಿ ಹೀನಾಯ ಸೋಲು ಕಂಡಿರುವುದರಿಂದ ಸೆಮಿಫೈನಲ್ ಆಸೆ ಬಹುತೇಕ ಕಮರಿದಂತಾಗಿದೆ.

ಇದನ್ನು ಓದಿ: T20 World Cup 2021: ನಮೀಬಿಯಾ ವಿರುದ್ಧ 62 ರನ್​ಗಳ ಬೃಹತ್ ಜಯ ಸಾಧಿಸಿದ ಅಫ್ಘಾನಿಸ್ತಾನ