ಟಿ20 ವಿಶ್ವಕಪ್: ಹರಿಣಗಳ ದಾಳಿಗೆ ತತ್ತರಿಸಿದ ಬಾಂಗ್ಲಾ ಟೈಗರ್ಸ್​ಗೆ ಹೀನಾಯ ಸೋಲು

ಟಿ20 ವಿಶ್ವಕಪ್​ ಟೂರ್ನಿಯಲ್ಲಿ 206 ರನ್​ ಬೆನ್ನಟ್ಟಿದ್ದ ಬಾಂಗ್ಲಾದೇಶ ತಂಡವು ದಕ್ಷಿಣ ಆಫ್ರಿಕಾ ದಾಳಿಗೆ ಬೌಲಿಂಗ್​ ಸಿಲುಕಿ ಬೃಹತ್​ ಅಂತರದ ಸೋಲು ಅನುಭವಿಸಿದೆ.

ಸಿಡ್ನಿ: ಟಿ20 ವಿಶ್ವಕಪ್​ ಟೂರ್ನಿಯ ಇಂದಿನ ಮೊದಲ ಪಂದ್ಯದಲ್ಲಿ ರಿಲೆ ರುಸ್ಸೋ ಅಬ್ಬರದ ಶತಕ ಹಾಗೂ ಕ್ವಿಂಟನ್ ಡಿ ಕಾಕ್ ಅವರ ಆಕರ್ಷಕ ಅರ್ಧಶತಕ ಹಾಗೂ ಹರಿಣಗಳ ಮಾರಕ ದಾಳಿಗೆ ಸಿಲುಕಿದ ಬಾಂಗ್ಲಾದೇಶ 104 ರನ್​ಗಳ ಹೀನಾಯ ಸೋಲುಂಡಿದೆ.

ಸಿಡ್ನಿ ಕ್ರಿಕೆಟ್​ ಮೈದಾನದಲ್ಲಿ ನಡೆದ ಸೂಪರ್​ 12 ಹಂತದ ಗ್ರೂಪ್​ 2 ಪಂದ್ಯದಲ್ಲಿ ಟಾಸ್​​ ಗೆದ್ದ ದಕ್ಷಿಣ ಆಫ್ರಿಕಾ ಮೊದಲು ಬ್ಯಾಟಿಂಗ್ ನಡೆಸಿ ಬಾಂಗ್ಲಾಕ್ಕೆ 206 ರನ್​ಗಳ ಗೆಲುವಿನ ಗುರಿ ನೀಡಿತ್ತು. ಇನ್ನಿಂಗ್ಸ್ ಆರಂಭಿಸಿದ ನಾಯಕ ತೆಂಬಾ ಬವುಮಾ 2 ರನ್​ಗೆ ವಿಕೆಟ್​ ಒಪ್ಪಿಸಿದರೂ ಕೂಡ, ಬಳಿಕ ರುಸ್ಸೋ ಹಾಗೂ ಡಿ ಕಾಕ್ ಅಬ್ಬರದ ಜೊತೆಯಾಟವಾಡಿ ಬಾಂಗ್ಲಾ ಬೌಲರ್​ಗಳ ಬೆವರಿಳಿಸಿದರು.

ಇಬ್ಬರೂ ಎಡಗೈ ಬ್ಯಾಟರ್​ಗಳು 2ನೇ ವಿಕೆಟ್​ಗೆ 168 ರನ್​ಗಳ ಅಮೋಘ ಜೊತೆಯಾಟವಾಡಿದರು. ಬಾಂಗ್ಲಾದೇಶದ ಬೌಲರ್​ಗಳ ಮೇಲೆ ದಂಡೆತ್ತಿ ಹೋದ ರುಸ್ಸೋ 56 ಎಸೆತಗಳಲ್ಲಿ 7 ಬೌಂಡರಿ ಹಾಗೂ 8 ಸಿಕ್ಸರ್ ಸಹಿತ 109 ರನ್​ ಬಾರಿಸಿದರೆ, ಡಿ ಕಾಕ್ 38 ಬಾಲ್​ಗಳಲ್ಲಿ 63 ರನ್​ ಚಚ್ಚಿದರು. ಇನ್ನುಳಿದ ಬ್ಯಾಟರ್​ಗಳು ನಿರೀಕ್ಷಿತ ಆಟ ಪ್ರದರ್ಶಿಸದಿದ್ದರೂ ಸಹ ದಕ್ಷಿಣ ಆಫ್ರಿಕಾ 20 ಓವರ್​ಗಳಲ್ಲಿ 5 ವಿಕೆಟ್​ ನಷ್ಟಕ್ಕೆ 205 ರನ್​ ಪೇರಿಸಿತು. ಬಾಂಗ್ಲಾ ಪರ ನಾಯಕ ಶಕೀಬ್​ 2 ವಿಕೆಟ್​ ಪಡೆದರು.

• South Africa register a thumping win over Bangladesh, clinching two crucial points.#T20WorldCup | #SAvBAN | 📝: https://t.co/OQ0nVRlBpk pic.twitter.com/RMyE3Ca60x

  — T20 World Cup (@T20WorldCup) October 27, 2022 " class="align-text-top noRightClick twitterSection" data="

  South Africa register a thumping win over Bangladesh, clinching two crucial points.#T20WorldCup | #SAvBAN | 📝: https://t.co/OQ0nVRlBpk pic.twitter.com/RMyE3Ca60x

  — T20 World Cup (@T20WorldCup) October 27, 2022

  ">

  South Africa register a thumping win over Bangladesh, clinching two crucial points.#T20WorldCup | #SAvBAN | 📝: https://t.co/OQ0nVRlBpk pic.twitter.com/RMyE3Ca60x

  — T20 World Cup (@T20WorldCup) October 27, 2022

206 ರನ್​ ಬೆನ್ನಟ್ಟಿದ್ದ ಬಾಂಗ್ಲಾ ಟೈಗರ್ಸ್​ ಹರಿಣಗಳ ದಾಳಿಗೆ ಸಿಲುಕಿ 16.3 ಓವರ್​ಗಳಲ್ಲೇ 101 ರನ್​ಗಳಿಗೆ ಆಲೌಟ್​ ಆಯಿತು. ತಂಡದ ಪರ ಸೌಮ್ಯ ಸರ್ಕಾರ್​ 15, ಲಿಟನ್​ ದಾಸ್​ 34 , ಮೆಹದಿ ಹಸನ್​ 11 ಹಾಗೂ ತಸ್ಕಿನ್​ ಅಹಮದ್​ 10 ರನ್​ ಹೊರತುಪಡಿಸಿ ಉಳಿದವರು ಎರಡಂಕಿ ಮೊತ್ತವನ್ನೂ ಕೂಡ ತಲುಪಲಿಲ್ಲ. ದಕ್ಷಿಣ ಆಫ್ರಿಕಾ ಪರ ನೋಕಿಯಾ 10 ರನ್​ಗೆ 4 ಹಾಗೂ ಸ್ಪಿನ್ನರ್​ ಶಮ್ಸಿ 20ಕ್ಕೆ 3 ವಿಕೆಟ್​ ಕಬಳಿಸಿ ಬಾಂಗ್ಲಾ ತಂಡದ ಸೋಲಿಗೆ ಕಾರಣರಾದರು.

ಈ ಮೂಲಕ ದಕ್ಷಿಣ ಆಫ್ರಿಕಾ ತಂಡವು ಗೆಲುವಿನ ಖಾತೆ ತೆರೆದಿದೆ. ಜಿಂಬಾಬ್ವೆ ವಿರುದ್ಧ ಸೂಪರ್​ 12 ಹಂತದ ಮೊದಲ ಪಂದ್ಯವು ಮಳೆಯಿಂದ ರದ್ದಾದ ಹಿನ್ನೆಲೆಯಲ್ಲಿ ದಕ್ಷಿಣ ಆಫ್ರಿಕಾಗೆ ಇಂದು ಗೆಲುವು ಅನಿವಾರ್ಯವಾಗಿತ್ತು. ಇನ್ನೊಂದೆಡೆ ಪ್ರಥಮ ಪಂದ್ಯದಲ್ಲಿ ನೆದರ್ಲ್ಯಾಂಡ್ಸ್​ ಮಣಿಸಿದ್ದ ಬಾಂಗ್ಲಾದೇಶ ಈ ಪಂದ್ಯದಲ್ಲಿ ನಿರಾಸೆ ಅನುಭವಿಸಿದೆ.