T20 World Cup: ದುಬೈನಲ್ಲಿಂದು ಭಾರತ-ಪಾಕ್‌ ರೋಚಕ ಕದನ; 6-0 ಗೆಲುವಿನತ್ತ ಟೀಂ ಕೊಹ್ಲಿ ಚಿತ್ತ

ಈ ಹಿಂದೆ ಟಿ-20 ವಿಶ್ವಕಪ್​ಗಳಲ್ಲಿ ಒಟ್ಟು ಐದು ಬಾರಿ ಭಾರತ-ಪಾಕಿಸ್ತಾನ ಮುಖಾಮುಖಿಯಾಗಿದ್ದು, ಐದು ಎನ್​​ಕೌಂಟರ್​ನಲ್ಲೂ ಟೀಂ ಇಂಡಿಯಾ ಗೆಲುವು ಸಾಧಿಸಿದೆ. ಇಂದಿನ ಆರನೇ ಪಂದ್ಯದಲ್ಲಿ ಕೂಡ ಗೆಲ್ಲುವ ವಿಶ್ವಾಸವಿದೆ.

ಏಕದಿನ ಪಂದ್ಯವಾಗಲಿ, ಟಿ20 ಆಗಲಿ.. ಒಟ್ಟಿನಲ್ಲಿ ವಿಶ್ವಕಪ್​ ಕ್ರಿಕೆಟ್​ ಇತಿಹಾಸದಲ್ಲಿ ಪಾಕಿಸ್ತಾನದ ವಿರುದ್ಧ ಭಾರತ ಎಂದಿಗೂ ಸೋಲು ಕಂಡಿಲ್ಲ. ಏಕದಿನ ವಿಶ್ವಕಪ್‌ನಲ್ಲಿ ಭಾರತವು ಪಾಕಿಸ್ತಾನವನ್ನು 7 ಬಾರಿ ಸೋಲಿಸಿದ್ದರೆ, ಟಿ20 ವಿಶ್ವಕಪ್‌ನಲ್ಲಿ ಐದು ಬಾರಿ ಗೆಲುವು ದಾಖಲಿಸಿ 5-0 ಮುನ್ನಡೆ ಸಾಧಿಸಿದೆ. ಇದೀಗ 6-0 ಗೋಲುಗಳ ಮೇಲೆ ವಿರಾಟ್​ ಕೊಹ್ಲಿ ಪಡೆ ಕಣ್ಣಿಟ್ಟಿದೆ.

ಟಿ20-ವಿಶ್ವಕಪ್ 2021ರ ಸೂಪರ್ 12 ಸುತ್ತಿನ ಎರಡನೇ ದಿನವಾದ ಇಂದು ಇಂಡೋ-ಪಾಕ್ ಹೈವೋಲ್ಟೇಜ್ ಪಂದ್ಯವಿದೆ. ಗಡಿ ಸಂಘರ್ಷದಿಂದಾಗಿ ದಶಕಗಳಿಂದ ಪರಸ್ಪರ ಶತ್ರುಗಳೆಂದು ಉಭಯ ರಾಷ್ಟ್ರಗಳು ಬಿಂಬಿಸಿಕೊಂಡಿರುವುದರಿಂದ ಭಾರತ ಮತ್ತು ಪಾಕಿಸ್ತಾನ ನಡುವೆ ಯಾವುದೇ ಮ್ಯಾಚ್​ ಇದ್ದರೂ ಅದು ಹೈವೋಲ್ಟೇಜ್ ಪಂದ್ಯವಾಗಿರುತ್ತದೆ.

ಹಿಂದಿನ 5 ಪಂದ್ಯದಲ್ಲೂ ಭಾರತಕ್ಕೆ ಜಯ

2019ರ ಏಕದಿನ ವಿಶ್ವಕಪ್​ನಲ್ಲಿ ಮುಖಾಮುಖಿಯಾಗಿದ್ದ ಇಂಡಿಯಾ ಮತ್ತು ಪಾಕ್ ತಂಡಗಳು 2 ವರ್ಷಗಳ ನಂತರ ಇಂದು ದುಬೈನಲ್ಲಿ ಟಿ-20 ವಿಶ್ವಕಪ್​​ನಲ್ಲಿ ಮುಖಾಮುಖಿಯಾಗುತ್ತಿವೆ. ಈ ಹಿಂದೆ ಟಿ-20 ವಿಶ್ವಕಪ್​ಗಳಲ್ಲಿ ಒಟ್ಟು ಐದು ಬಾರಿ ಉಭಯ ತಂಡಗಳ ನಡುವೆ ಪೈಪೋಟಿ​ ನಡೆದಿದ್ದು, ಐದು ಪಂದ್ಯಗಳಲ್ಲೂ ಟೀಂ ಇಂಡಿಯಾ ಗೆಲುವು ಸಾಧಿಸಿದೆ. ಹೀಗಾಗಿ ಇಂದಿನ ಆರನೇ ಪಂದ್ಯದಲ್ಲಿ ಕೂಡ ಗೆಲ್ಲುವ ವಿಶ್ವಾಸವಿದೆ.

• The world is watching.
  
  Tonight in Dubai, India and Pakistan go toe-to-toe.#INDvPAK | #T20WorldCup pic.twitter.com/ynIzBry0ha

  — ICC (@ICC) October 24, 2021 " class="align-text-top noRightClick twitterSection" data="

  The world is watching.
  
  Tonight in Dubai, India and Pakistan go toe-to-toe.#INDvPAK | #T20WorldCup pic.twitter.com/ynIzBry0ha

  — ICC (@ICC) October 24, 2021

  ">

  The world is watching.
  
  Tonight in Dubai, India and Pakistan go toe-to-toe.#INDvPAK | #T20WorldCup pic.twitter.com/ynIzBry0ha

  — ICC (@ICC) October 24, 2021

ಇದನ್ನೂ ಓದಿ: ಹಿಂದಿನ ಫಲಿತಾಂಶಗಳ ಬಗ್ಗೆ ಯೋಚಿಸುವುದಿಲ್ಲ, ಭಾರತ ವಿರುದ್ಧ ನಾವು ಗೆದ್ದೇ ಗೆಲ್ಲುತ್ತೇವೆ : ಬಾಬರ್ ಅಜಮ್​

2007ರಲ್ಲಿ ಗೆಲುವಿನ ಸಮೀಪ ಬಂದಿದ್ದ ಪಾಕ್​

ಉಭಯ ತಂಡಗಳ ನಡುವೆ 2007ರಲ್ಲಿ ಚೊಚ್ಚಲ ವಿಶ್ವಕಪ್​ ಟೂರ್ನಿ ನಡೆದಿತ್ತು. ಆ ಬಳಿಕ 2012, 2014, 2016ರಲ್ಲಿ ನಡೆದಿತ್ತು. ದಕ್ಷಿಣ ಆಫ್ರಿಕಾದಲ್ಲಿ 2007ರಲ್ಲಿ ನಡೆದ ಪಂದ್ಯದಲ್ಲಿ ಪಾಕ್​ ತಂಡ ಗೆಲುವಿನ ಸಮೀಪ ಹೋಗಿತ್ತಾದರೂ ಗುರಿ ತಲುಪಲಾಗಲಿಲ್ಲ. ಕೊನೆಯ ಓವರ್​ನಲ್ಲಿ ಪಾಕಿಸ್ತಾನಕ್ಕೆ 13 ರನ್​ಗಳು ಬೇಕಿತ್ತು. ಆಗ ಜೋಗಿಂದರ್​ ಶರ್ಮಾಗೆ ಬಾಲ್​ ಎಸೆಯಲು ಮಹೇಂದ್ರ ಸಿಂಗ್​ ಧೋನಿ ಅವಕಾಶ ಮಾಡಿಕೊಟ್ಟಿದ್ದರು. ಒಂದು ವೈಡ್​ ಬಳಿಕ ಮಿಸ್ಬಾ ಹೊಡೆದ ಸಿಕ್ಸರ್‌ನಿಂದ 4 ಬಾಲ್​ಗೆ 6 ರನ್​ ಉಳಿದಿತ್ತಾದರೂ, 5 ರನ್​ಗಳ ನಷ್ಟಕ್ಕೆ ಪಾಕ್​ ಸೋಲು ಕಂಡಿತ್ತು.