ನವದೆಹಲಿ: ಬೆನ್ನುನೋವಿನಿಂದ ಬಳಲುತ್ತಿರುವ ದೀಪಕ್ ಚಹಾರ್ ಮುಂಬರುವ ಟಿ20 ವಿಶ್ವಕಪ್ನಿಂದ ಹೊರಗುಳಿದಿರುವ ಹಿನ್ನೆಲೆಯಲ್ಲಿ ವೇಗದ ಬೌಲರ್‌ಗಳಾದ ಮೊಹಮ್ಮದ್ ಸಿರಾಜ್, ಮೊಹಮ್ಮದ್ ಶಮಿ ಮತ್ತು ಶಾರ್ದೂಲ್ ಠಾಕೂರ್ ಶೀಘ್ರದಲ್ಲೇ ಆಸ್ಟ್ರೇಲಿಕ್ಕೆ ತೆರಳಲಿದ್ದಾರೆ. ಜಸ್ಪ್ರೀತ್ ಬುಮ್ರಾ ಅನುಪಸ್ಥಿತಿಯಲ್ಲಿ ಸ್ಟ್ಯಾಂಡ್-ಬೈ ಆಟಗಾರರಾಗಿದ್ದ ದೀಪಕ್ ಚಹಾರ್ ತಂಡಕ್ಕೆ ಸೇರುವ ನೀರಿಕ್ಷೆ ಇತ್ತು. ಆದರೆ, ದಕ್ಷಿಣ ಆಫ್ರಿಕಾದ ಎದುರಿನ ಮೂರನೇ ಟಿ 20 ಪಂದ್ಯದ ವೇಳೆಗೆ ಗಾಯಗೊಂಡು ತಂಡದಿಂದ ಹೊರಗುಳಿದಿದ್ದರು.
ದೀಪಕ್ ಫಿಟ್ ಆಗಲು ಸ್ವಲ್ಪ ಸಮಯ ತೆಗೆದುಕೊಳ್ಳುತ್ತದೆ. ಅವರ ಬೆನ್ನಿನ ಸಮಸ್ಯೆ ಮತ್ತೆ ಉಲ್ಬಣಗೊಂಡಿದೆ. ಆದ್ದರಿಂದ ಬಿಸಿಸಿಐ ಮೊಹಮ್ಮದ್ ಶಮಿ, ಮೊಹಮ್ಮದ್ ಸಿರಾಜ್ ಮತ್ತು ಶಾರ್ದೂಲ್ ಠಾಕೂರ್ ಅವರನ್ನು ಆಸ್ಟೇಲಿಯಾಕ್ಕೆ ಕಳುಹಿಸುತ್ತಿದ್ದು ಇಬ್ಬರು ಸ್ಟ್ಯಾಂಡ್-ಬೈ ಆಟಗಾರರಾಗಿರಲಿದ್ದಾರೆ ಎಂದು ತಿಳಿದು ಬಂದಿದೆ.
ದೀಪಕ್ ಚಹಾರ್ ದಕ್ಷಿಣ ಆಫ್ರಿಕಾ ವಿರುದ್ಧದ ಮೂರನೇ ಟಿ 20 ಪಂದ್ಯದ ವೇಳೆ ಬೆನ್ನು ನೋವಿನ ಕಾರಣ ತಂಡದಿಂದ ಹೊರಗುಳಿದ್ದಿದ್ದರು. ನೋವು ಉಲ್ಬಣಗೊಂಡಿದ್ದರಿಂದ ಏಕದಿನ ಸರಣಿಗೆ ಚಹಾರ್ರನ್ನು ತಂಡದಿಂದ ಕೈಬಿಟ್ಟು ಸಿರಾಜ್ಗೆ ಸ್ಥಾನ ನೀಡಲಾಯಿತು. ಬೂಮ್ರಾ ಬದಲಿ ಆಟಗಾರರನ್ನು ಬಿಸಿಸಿಐ ಇನ್ನು ಘೋಷಿಸಿಲ್ಲ, ಈ ಹಿನ್ನೆಲೆಯಲ್ಲಿ ಆಟಗಾರರ ದೇಹ ಸಧೃಡತೆ ಪರೀಕ್ಷಿಸಲು ಮೂವರು ಬೌಲರ್ಗಳನ್ನು ಆಸ್ಟ್ರೇಲಿಯಾಕ್ಕೆ ಕಳುಹಿಸುತ್ತಿದ್ದಾರೆ.
ಕೋಚ್ ದ್ರಾವಿಡ್ ಈ ಹಿಂದೆ ಹೇಳಿದಂತೆ ಬುಮ್ರಾ ಜಾಗಕ್ಕೆ ಅನುಭವಿ ಶಮಿ ತಂಡದಲ್ಲಿ ಸೇರಿಕೊಳ್ಳಲಿದ್ದಾರೆ ಎಂದಿದ್ದರು. ದಕ್ಷಿಣ ಆಫ್ರಿಕಾದ ಎದುರಿನ ಏಕದಿನ ಸರಣಿಯಲ್ಲಿ ಗಮನಾರ್ಹ ಆಟ ಆಡಿದ ಸಿರಾಜ್ ಮತ್ತು ಶಾರ್ದೂಲ್ ಸಹ ತಂಡ ಸೇರಲಿದ್ದಾರೆ. ಈ ಇಬ್ಬರು ಮೀಸಲು ಪಡೆಯಲ್ಲಿ ಇರುವ ಸಾಧ್ಯತೆ ಹೆಚ್ಚಿದೆ.
ಹಾರ್ದಿಕ್ ಪಾಂಡ್ಯ ಅನುಪಸ್ಥಿತಿಯಲ್ಲಿ ಶಾರ್ದೂಲ್ ಆಲ್ ರೌಂಡರ್ ಸ್ಥಾನದಲ್ಲಿ ಗಮನಾರ್ಹ ಪದರ್ಶನ ನೀಡಿದ್ದಾರೆ. ಸಿರಾಜ್ ಸಹ ದಕ್ಷಿಣ ಆಫ್ರಿಕಾ ಎದುರು ಎರಡು ಪಂದ್ಯಗಳಿಂದ ಐದು ವಿಕೆಟ್ ಪಡೆದಿದ್ದಾರೆ. ಸ್ಟ್ಯಾಂಡ್-ಬೈ ಪಟ್ಟಿಯಲ್ಲಿರುವ ರವಿ ಬಿಷ್ಣೋಯ್ ಮತ್ತು ಶ್ರೇಯಸ್ ಅಯ್ಯರ್ ಸದ್ಯಕ್ಕೆ ಆಸ್ಟ್ರೇಲಿಯಾಕ್ಕೆ ಪ್ರಯಾಣಿ ಬೆಳೆಸುತ್ತಿಲ್ಲ.
ತಂಡದ ಬ್ಯಾಟರ್ಗಳು ಉತ್ತಮ ಫಾರ್ಮ್ನಲ್ಲಿರುವುದು ಮತ್ತು ಗಾಯದ ಸಮಸ್ಯೆ ಇಲ್ಲದಿರುವುದರಿಂದ ಇಲ್ಲೇ ಉಳಿಯಲಿದ್ದಾರೆ. ಯುಜ್ವೇಂದ್ರ ಚಾಹಲ್‌ಗೆ ಗಾಯವಾದರೆ ಬಿಷ್ಣೋಯ್ ಅವರನ್ನು ಕಳಿಸುವ ಚಿಂತನೆ ನಡೆಸಲಾಗಿದೆ.
ಇದನ್ನೂ ಓದಿ : ಟಿ20 ವಿಶ್ವಕಪ್ನಲ್ಲಿ ಈ ಮೂರು ದಾಖಲೆ ಬರೆಯುತ್ತಾರಾ ಕಿಂಗ್ ಕೊಹ್ಲಿ?
