ಬಾರ್ಬೆಡೋಸ್: ಇಂಗ್ಲೆಂಡ್ ವಿರುದ್ಧದ 3ನೇ ಪಂದ್ಯದಲ್ಲಿ ಆಲ್ರೌಂಡರ್ ರೊವ್ಮನ್ ಪೊವೆಲ್ ಅವರು ಅಬ್ಬರಿ ಶತಕದ ನೆರವಿನಿಂದ ವೆಸ್ಟ್ ಇಂಡೀಸ್ 20 ರನ್ಗಳ ಭರ್ಜರಿ ಜಯ ಸಾಧಿಸಿ 5 ಪಂದ್ಯಗಳ ಟಿ20 ಸರಣಿಯಲ್ಲಿ 2-1ರಲ್ಲಿ ಮುನ್ನಡೆ ಪಡೆದುಕೊಂಡಿದೆ.
ಬುಧವಾರ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ವೆಸ್ಟ್ ಇಂಡೀಸ್ ತಂಡ 20 ಓವರ್ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 224 ರನ್ಗಳಿಸಿತ್ತು. ರೊವ್ಮನ್ ಪೊವೆಲ್ 53 ಎಸೆತಗಳಲ್ಲಿ 4 ಬೌಂಡರಿ,10 ಸಿಕ್ಸರ್ಗಳ ಸಹಿತ ಶತಕ ಸಿಡಿಸಿದರೆ, ನಿಕೋಲಸ್ ಪೂರನ್ 43 ಎಸೆತಗಳಲ್ಲಿ 4 ಬೌಂಡರಿ ಮತ್ತು 5 ಸಿಕ್ಸರ್ಗಳ ಸಹಿತ 70 ರನ್ಗಳಿಸಿ ಬೃಹತ್ ಮೊತ್ತಕ್ಕೆ ಕಾರಣರಾದರು.
-
What a day for Rovman Powell! #WIvENG pic.twitter.com/YEhPYCWsPt
— ICC (@ICC) January 27, 2022 " class="align-text-top noRightClick twitterSection" data="
">What a day for Rovman Powell! #WIvENG pic.twitter.com/YEhPYCWsPt
— ICC (@ICC) January 27, 2022What a day for Rovman Powell! #WIvENG pic.twitter.com/YEhPYCWsPt
— ICC (@ICC) January 27, 2022
ಇದನ್ನೂ ಓದಿ: ಅಂಡರ್ 19 ವಿಶ್ವಕಪ್: ದ.ಆಫ್ರಿಕಾ ಮಣಿಸಿ ಸೆಮಿಫೈನಲ್ ಪ್ರವೇಶಿಸಿದ ಇಂಗ್ಲೆಂಡ್ U19
225 ರನ್ಗಳ ಬೃಹತ್ ಗುರಿ ಬೆನ್ನತ್ತಿದ ಇಂಗ್ಲೆಂಡ್ ತಂಡ 20 ಓವರ್ಗಳಲ್ಲಿ 9 ವಿಕೆಟ್ ಕಳೆದುಕೊಂಡು 204ರನ್ಗಳಿಸಿ 20 ರನ್ಗಳ ಸೋಲು ಕಂಡಿತು. ಟಾಮ್ ಬಾಂಟಮ್ 39 ಎಸೆತಗಳಲ್ಲಿ 3 ಬೌಂಡರಿ ಮತ್ತು 6 ಸಿಕ್ಸ್ಗಳ ಸಹಿತ 73, ಫಿಲಿಪ್ ಸಾಲ್ಟ್ 24 ಎಸೆತಗಳಲ್ಲಿ 3 ಬೌಂಡರಿ ಮತ್ತು 5 ಸಿಕ್ಸರ್ಗಳ ಸಹಿತ 57 ರನ್ಗಳಿಸಿ ಕೊನೆಯವರೆಗೂ ಗೆಲುವಿಗಾಗಿ ಶತಪ್ರಯತ್ನ ಪಟ್ಟು ವಿಫಲರಾದರು.
ವೆಸ್ಟ್ ಇಂಡೀಸ್ ಪರ ರೊಮಾರಿಯಾ ಶೆಫರ್ಡ್ 59 ರನ್ ನೀಡಿ 3 ವಿಕೆಟ್ ಪಡೆದರೆ, ಕೀರನ್ ಪೊಲಾರ್ಡ್ 31ಕ್ಕೆ 2, ಕಾಟ್ರೆಲ್ 28ಕ್ಕೆ 1, ಹೋಲ್ಡರ್ 41ಕ್ಕೆ1 ಮತ್ತು ಹೊಸೈನ್ 36ಕ್ಕೆ 1 ವಿಕೆಟ್ ಪಡೆದರು.
ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ
