ಟಿ20 ವಿಶ್ವಕಪ್​ನಲ್ಲಿ 5 ವಿಕೆಟ್‌ ಗೊಂಚಲು! ಪಂದ್ಯ ಸೋತರೂ ಮನಸ್ಸು ಗೆದ್ದ ರೇಣುಕಾ ಸಿಂಗ್‌​

ಐಸಿಸಿ ಮಹಿಳಾ ಟಿ20 ವಿಶ್ವಕಪ್​ ಪಂದ್ಯದ 4 ಓವರ್​ನಲ್ಲಿ 5 ವಿಕೆಟ್​ ಉರುಳಿಸಿದ ರೇಣುಕಾ ಸಿಂಗ್ ಅಪರೂಪದ​ ಸಾಧನೆ​ ಮಾಡಿದ್ದಾರೆ.

ಭಾರತ ತಂಡದ ವೇಗದ ಬೌಲರ್ ರೇಣುಕಾ ಸಿಂಗ್​ ಅವರು ಇಂಗ್ಲೆಂಡ್​​ ವಿರುದ್ಧ ನಿನ್ನೆ ನಡೆದ ಟಿ20 ವಿಶ್ವಕಪ್​ ಪಂದ್ಯದಲ್ಲಿ ಐದು ವಿಕೆಟ್​ ಪಡೆದು ದಾಖಲೆ ಬರೆದರು. ಇದು ಅವರ ವೈಯಕ್ತಿಕ ಬೆಸ್ಟ್​ ಫರ್ಫಾಮೆನ್ಸ್​ ಆಗಿದ್ದು, ನಾಲ್ಕು ಓವರ್‌ಗಳಲ್ಲಿ ಕೇವಲ 15 ರನ್​ ಮಾತ್ರ ಬಿಟ್ಟುಕೊಟ್ಟಿದ್ದರು. ಕರಾರುವಾಕ್ ಬೌಲಿಂಗ್​ ಹೊರತಾಗಿಯೂ ಇಂಗ್ಲೆಂಡ್​ ತಂಡ ಭಾರತಕ್ಕೆ 152 ರನ್‌ ಟಾರ್ಗೆಟ್‌ ನೀಡಿತ್ತು. ಈ ಗುರಿ ಮುಟ್ಟುವಲ್ಲಿ ಭಾರತದ ವನಿತೆಯರು 11 ರನ್‌ಗಳಿಂದ ಎಡವಿದರು.

ಟಾಸ್​ ಗೆದ್ದು ಕ್ಷೇತ್ರ ರಕ್ಷಣೆ ಆಯ್ದುಕೊಂಡ ಭಾರತ ತಂಡದ ನಾಯಕಿ ಹರ್ಮನ್‌ಪ್ರೀತ್‌ ಕೌರ್​ ಅವರ ನಿರ್ಧಾರ ಸರಿ ಎಂಬಂತೆ ಪವರ್​ ಪ್ಲೇಯೊಳಗೆ ಇಂಗ್ಲೆಂಡ್​ನ ಪ್ರಮುಖ ಮೂರು ವಿಕೆಟ್‌ಗಳನ್ನು ರೇಣುಕಾ ಸಿಂಗ್​ ಕಬಳಿಸಿದರು. 1, 3 ಮತ್ತು 5ನೇ ಓವರ್‌ಗಳಲ್ಲಿ ಒಂದೊಂದು ವಿಕೆಟ್​ ಪಡೆದು ಮುನ್ನುಗ್ಗಿದ ರೇಣುಕಾ, ಕೊನೆಯ ಓವರ್​ನಲ್ಲಿ ಮತ್ತೆರಡು ವಿಕೆಟ್​ ಉರುಳಿಸಿದರು.

• Renuka Thakur with career-best figures 👋
  
  Watch the highlights here 👉 https://t.co/sPfiPoIpQ4#T20WorldCup #TurnItUp pic.twitter.com/n3FKhGTbKc

  — ICC (@ICC) February 18, 2023 " class="align-text-top noRightClick twitterSection" data="

  Renuka Thakur with career-best figures 👋
  
  Watch the highlights here 👉 https://t.co/sPfiPoIpQ4#T20WorldCup #TurnItUp pic.twitter.com/n3FKhGTbKc

  — ICC (@ICC) February 18, 2023

  ">

  Renuka Thakur with career-best figures 👋
  
  Watch the highlights here 👉 https://t.co/sPfiPoIpQ4#T20WorldCup #TurnItUp pic.twitter.com/n3FKhGTbKc

  — ICC (@ICC) February 18, 2023

ರೇಣುಕಾ 'ಪಂಚ್‌'ಕಜ್ಜಾಯ: ಇದು ಟಿ20ಯಲ್ಲಿ ರೇಣುಕಾ ಅವರ ಚೊಚ್ಚಲ ಐದು ವಿಕೆಟ್ ಸಾಧನೆಯಾಗಿದೆ. ಭಾರತೀಯ ಪುರುಷ ಮತ್ತು ಮಹಿಳಾ ಕ್ರಿಕೆಟ್​ನಲ್ಲಿಯೂ ಟಿ20 ವಿಶ್ವಕಪ್​ನಲ್ಲಿ 5 ವಿಕೆಟ್​ ಸಾಧನೆ ಹಿಂದೆಂದೂ ಆಗಿರಲಿಲ್ಲ. ವಿಶ್ವಕಪ್​ನಲ್ಲಿ 5 ವಿಕೆಟ್​ ಗುಚ್ಚ ಪಡೆದ ಮೊದಲ ಭಾರತೀಯ ಬೌಲರ್​ ಎಂಬ ದಾಖಲೆಯನ್ನೂ ಪ್ರತಿಭಾವಂತ ಆಟಗಾರ್ತಿ ಸೃಷ್ಟಿಸಿದರು.

ಹೀಗಿತ್ತು ರೇಣುಕಾ ಬೌಲಿಂಗ್ ದಾಳಿ: ಮೊದಲ ಓವರ್​ನಲ್ಲೇ ಆರಂಭಿಕ ಆಟಗಾರ್ತಿ ಡೇನಿಯಲ್ ವ್ಯಾಟ್ ಅವರ ವಿಕೆಟ್ ಅ​ನ್ನು ಲೆಂತ್​ ಬೌಲಿಂಗ್​ನಿಂದ ತೆಗೆದರು. ಡೇನಿಯಲ್ ವ್ಯಾಟ್ ಡಕೌಟ್ ಆಗಿ ಪೆವಿಲಿಯನ್​ ಹಾದಿ ಹಿಡಿಯಬೇಕಾಯ್ತು. ಮೂರನೇ ವಿಕೆಟ್​ ಆಗಿ ಕ್ರೀಸಿಗಿಳಿದ ಆಲಿಸ್ ಕ್ಯಾಪ್ಸಿ ಅವರು ರೇಣುಕಾರ ಮೂರನೇ ಓವರ್​ನ ಮೊದಲ ಗುಡ್​ಲೆಂತ್​ ಬಾಲ್​ನಲ್ಲಿ ಕ್ಲೀನ್​ ಬೌಲ್ಡ್​ ಆದರು. 5ನೇ ಓವರ್​ನ 4ನೇ ಎಸೆತದಲ್ಲಿ ಕ್ಯಾಪ್ಸಿಯವರನ್ನು ಬೌಲ್ಡ್​ ಮಾಡಿದ ಬಾಲ್​ನ ರೀಪ್ಲೇಯಂತೆ ಎಸೆದ ರೇಣುಕಾ ಸಿಂಗ್​ ಸೋಫಿಯಾ ಡಂಕ್ಲಿ ಅವರ ವಿಕೆಟ್​ ಕಿತ್ತರು. ಪವರ್‌ಪ್ಲೇ ಕೊನೆಯಲ್ಲಿ ಇಂಗ್ಲೆಂಡ್ 37/3ರಲ್ಲಿ ಕಳೆದುಕೊಂಡು ಸಂಕಷ್ಟದಲ್ಲಿತ್ತು.

ಇದಾದ ಬಳಿಕ ಪಂದ್ಯದ ಮತ್ತು ವೈಯಕ್ತಿಕ ಕೊನೆಯ ಓವರ್​ನಲ್ಲಿ 40 ರನ್​ ಗಳಿಸಿ ಕ್ರೀಸ್‌ನಲ್ಲಿ ಸೆಟ್ಲ್​ ಆಗಿದ್ದ ಆಮಿ ಜೋನ್ಸ್ ಅವರ ವಿಕೆಟ್​ ಪಡೆದರು. ಅವರ ನಂತರ ಕ್ರೀಸ್​ಗೆ ಬಂದ ನ್ಯಾಟ್ ಸ್ಕೀವರ್ ಬ್ರಂಟ್ ಅವರನ್ನೂ ಡಕೌಟ್​ ಮಾಡಿದರು. ಅಂತಿಮ ಓವರ್​ನಲ್ಲಿ ಇಂಗ್ಲೆಂಡ್​ ತಂಡ ಏಳು ರನ್​ ಮಾತ್ರ ಗಳಿಸಿತು. ಈ ಸಂದರ್ಭದಲ್ಲಿ ರೇಣುಕಾ 3 (ಸಿಂಗಲ್)​ ರನ್​ ಮಾತ್ರ ನೀಡಿದರು. (ಕೊನೆಯ ಬಾಲ್​ ಬೈಸ್​ ಫೋರ್ ಆದ್ದರಿಂದ ಬೌಲರ್​ಗೆ ರನ್​ ಸೇರುವುದಿಲ್ಲ).

27 ವರ್ಷದ ರೇಣುಕಾ ಠಾಕೂರ್​ ಸಿಂಗ್​ ಮೂಲತಃ ಹಿಮಾಚಲ ಪ್ರದೇಶದವರಾಗಿದ್ದು, ಬಲಗೈ ಮಧ್ಯಮ ವೇಗಿ. ಇದುವರೆಗೂ ಅಂತಾರಾಷ್ಟ್ರೀಯ 30 ಟಿ20 ಪಂದ್ಯಗಳನ್ನು ಆಡಿದ್ದು 29 ಇನ್ನಿಂಗ್ಸ್​ ಬೌಲ್​ ಮಾಡಿ 30 ವಿಕೆಟ್​ ಪಡೆದಿದ್ದಾರೆ. ನಿನ್ನೆ 15 ರನ್​ಗಳಿಗೆ 5 ವಿಕೆಟ್ ಪಡೆದಿದ್ದು​ ಅವರ ವೈಯುಕ್ತಿಕ ಬೆಸ್ಟ್​ ಆಗಿದ್ದು, 6.32 ಎಕಾನಮಿ ಕಾಯ್ದುಕೊಂಡಿದ್ದಾರೆ. 7 ಏಕದಿನ ಪಂದ್ಯಗಳನ್ನಾಡಿದ್ದು, 268 ರನ್​ ಬಿಟ್ಟುಕೊಟ್ಟು 18 ವಿಕೆಟ್ ಕಬಳಿಸಿದ್ದಾರೆ. ಏಕದಿನದಲ್ಲಿ 28 ರನ್​ಗೆ 4 ವಿಕೆಟ್​ ಪಡೆದಿದ್ದು ಅವರ ಅತ್ಯುತ್ತಮ ಪ್ರದರ್ಶನವಾಗಿದೆ.

ರೇಣುಕಾ ಪಾದಾರ್ಪಣೆ ಪಂದ್ಯಗಳು: 2021 ಅಕ್ಟೋಬರ್‌ನ ಆಸ್ಟ್ರೇಲಿಯಾ ಪ್ರವಾಸದಲ್ಲಿ ಅಂತಾರಾಷ್ಟ್ರೀಯ ಟಿ20ಗೆ ಪಾದಾರ್ಪಣೆ ಮಾಡಿದರು. ಆದರೆ ಮಳೆ ಅಡ್ಡಿಯಿಂದಾಗಿ ಮೊದಲ ಪಂದ್ಯದಲ್ಲಿ ಬೌಲಿಂಗ್​ ಮಾಡುವ ಅವಕಾಶವೇ ಸಿಗಲಿಲ್ಲ. ಸರಣಿಯ ಕೊನೆ ಟಿ20 ಪಂದ್ಯದಲ್ಲಿ ಅಂತಾರಾಷ್ಟ್ರೀಯ ಮೊದಲ ವಿಕೆಟ್​ ಪಡೆದರು. ಅಂತಾರಾಷ್ಟ್ರೀಯ ಏಕದಿನಕ್ಕೆ ನ್ಯೂಜಿಲೆಂಡ್​ ಪ್ರವಾಸದಲ್ಲಿ ಡೆಬ್ಯು ಮಾಡಿದರು. ಮೊದಲ ಪಂದ್ಯದಲ್ಲೇ ಒಂದು ವಿಕೆಟ್​ ಗಳಿಸಿದರು.

• The ICC Emerging Player of 2022 is now a Royal Challenger! 🔥
  
  Welcome to RCB, Renuka Singh! 🤩#PlayBold #WeAreChallengers #WPL2023 #WPLAuction #NowARoyalChallenger pic.twitter.com/X2YBCIofNj

  — Royal Challengers Bangalore (@RCBTweets) February 13, 2023 " class="align-text-top noRightClick twitterSection" data="

  The ICC Emerging Player of 2022 is now a Royal Challenger! 🔥
  
  Welcome to RCB, Renuka Singh! 🤩#PlayBold #WeAreChallengers #WPL2023 #WPLAuction #NowARoyalChallenger pic.twitter.com/X2YBCIofNj

  — Royal Challengers Bangalore (@RCBTweets) February 13, 2023

  ">

  The ICC Emerging Player of 2022 is now a Royal Challenger! 🔥
  
  Welcome to RCB, Renuka Singh! 🤩#PlayBold #WeAreChallengers #WPL2023 #WPLAuction #NowARoyalChallenger pic.twitter.com/X2YBCIofNj

  — Royal Challengers Bangalore (@RCBTweets) February 13, 2023

ಐಸಿಸಿ ರ್‍ಯಾಂಕಿಂಗ್​: ಟಿ20 ಐಸಿಸಿ ಶ್ರೇಯಾಂಕದಲ್ಲಿ 12ನೇ ಮತ್ತು ಏಕದಿನದಲ್ಲಿ 35ನೇ ಸ್ಥಾನವನ್ನು ರೇಣುಕಾ ಠಾಕೂರ್​ ಸಿಂಗ್​ ಪಡೆದಿದ್ದಾರೆ. ಇತ್ತೀಚೆಗೆ ನಡೆದ ಮೊದಲ ಮಹಿಳಾ ಪ್ರೀಮಿಯರ್​ ಲೀಗ್​ ಹರಾಜಿನಲ್ಲಿ 1.5 ಕೋಟಿ ರೂ.ಗೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಸೇರಿಕೊಂಡಿದ್ದಾರೆ.

ಇದನ್ನೂ ಓದಿ: ಟಿ20 ವಿಶ್ವಕಪ್​: ಇಂಗ್ಲೆಂಡ್​ ವಿರುದ್ಧ ಭಾರತ ನಾರಿಯರಿಗೆ 11 ರನ್​ ಸೋಲು