ಬದೌನಿ ಸ್ಫೋಟಕ ಬ್ಯಾಟಿಂಗ್​: ಚೆನ್ನೈ ವಿರುದ್ಧ ಲಖನೌಗೆ ರೋಚಕ ಗೆಲುವು

ಹಾಲಿ ಚಾಂಪಿಯನ್​ ಚೆನ್ನೈ ಸೂಪರ್ ಕಿಂಗ್ಸ್​ ವಿರುದ್ಧದ ಪಂದ್ಯದಲ್ಲಿ ಲಖನೌ ಸೂಪರ್ ಜೈಂಟ್ಸ್ ರೋಚಕ ಜಯ ಸಾಧಿಸಿದೆ.

ಮುಂಬೈ: ಇಂಡಿಯನ್​ ಪ್ರೀಮಿಯರ್ ಲೀಗ್​ನಲ್ಲಿ ಇದೇ ಮೊದಲ ಸಲ ಸ್ಪರ್ಧಿಯಾಗಿರುವ ಲಖನೌ ಸೂಪರ್​ ಜೈಂಟ್ಸ್​ ತಂಡ ಚೆನ್ನೈ ಸೂಪರ್ ಕಿಂಗ್ಸ್​ ವಿರುದ್ಧ ರೋಚಕ ಜಯ ಸಾಧಿಸಿತು. ಈ ಮೂಲಕ ಐಪಿಎಲ್​ ಆವೃತ್ತಿಯಲ್ಲಿ ಚೊಚ್ಚಲ ಗೆಲುವಿನ ನಗೆ ಬೀರಿದೆ. ಟಾಸ್​ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಸಿಎಸ್​​ಕೆ ನೀಡಿದ ಬೃಹತ್​ 211ರನ್‌ಗಳ ಗುರಿ ಬೆನ್ನತ್ತಿದ ಲಖನೌ, ಯುವ ಪ್ಲೇಯರ್​ ಬದೌನಿ ಆಕರ್ಷಕ ಆಟದಿಂದ ಗೆಲುವಿನ ಗಡಿ ತಲುಪಿತು.

• 𝗪𝗛𝗔𝗧. 𝗔. 𝗪𝗜𝗡! 👌 👌
  
  A mighty batting performance from @LucknowIPL to seal their maiden IPL victory. 👏 👏 #TATAIPL | #LSGvCSK
  
  Scorecard ▶️ https://t.co/uEhq27KiBB pic.twitter.com/amLhbG4w1L

  — IndianPremierLeague (@IPL) March 31, 2022 " class="align-text-top noRightClick twitterSection" data="

  𝗪𝗛𝗔𝗧. 𝗔. 𝗪𝗜𝗡! 👌 👌
  
  A mighty batting performance from @LucknowIPL to seal their maiden IPL victory. 👏 👏 #TATAIPL | #LSGvCSK
  
  Scorecard ▶️ https://t.co/uEhq27KiBB pic.twitter.com/amLhbG4w1L

  — IndianPremierLeague (@IPL) March 31, 2022

  ">

  𝗪𝗛𝗔𝗧. 𝗔. 𝗪𝗜𝗡! 👌 👌
  
  A mighty batting performance from @LucknowIPL to seal their maiden IPL victory. 👏 👏 #TATAIPL | #LSGvCSK
  
  Scorecard ▶️ https://t.co/uEhq27KiBB pic.twitter.com/amLhbG4w1L

  — IndianPremierLeague (@IPL) March 31, 2022

ಮುಂಬೈನ ಬ್ರಬೌರ್ನ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಚೆನ್ನೈ ಸೂಪರ್ ಕಿಂಗ್ಸ್​​​ ಆರಂಭಿಕರಾದ ರಾಬಿನ್ ಉತ್ತಪ್ಪ(50) ಹಾಗೂ ಮಧ್ಯಮ ಕ್ರಮಾಂಕದ ಶಿವಂ ದುಬೆ(49)ರನ್​ಗಳ ನೆರವಿನಿಂದ ನಿಗದಿತ 20 ಓವರ್​​ಗಳಲ್ಲಿ ಏಳು ವಿಕೆಟ್ ಕಳೆದುಕೊಂಡು 210ರನ್​ಗಳಿಕೆ ಮಾಡಿತು. ಮಧ್ಯಮ ಕ್ರಮಾಂಕದಲ್ಲಿ ಮೊಯಿನ್​ ಅಲಿ 35ರನ್​, ಅಂಬಾಟಿ ರಾಯಡು 27ರನ್, ಜಡೇಜಾ 17, ಧೋನಿ ಅಜೇಯ 16ರನ್​ಗಳಿಕೆ ಮಾಡಿ ತಂಡದ ಮೊತ್ತ ಹೆಚ್ಚಿಸುವಲ್ಲಿ ಯಶಸ್ವಿಯಾದರು. ತಂಡದ ಪರ ಆವೇಶ್ ಖಾನ್, ರವಿ ಬಿಷ್ಣೋಯ್ ಹಾಗೂ ಆಂಡ್ರ್ಯೂ ಟೈ ತಲಾ 2ವಿಕೆಟ್ ಪಡೆದುಕೊಂಡರು.

ಸ್ಪೋಟಕ ಆಟ ಪ್ರದರ್ಶಿಸಿದ ಲಿವಿಸ್​

211ರನ್​ಗಳ ಗುರಿ ಬೆನ್ನತ್ತಿದ ಲಖನೌ ಸೂಪರ್ ಜೈಂಟ್ಸ್​​ ಮೊದಲ ಓವರ್​​ನಿಂದಲೂ ಸ್ಫೋಟಕ ಆರಂಭ ಪಡೆದುಕೊಂಡಿತು. ಆರಂಭಿಕರಾಗಿ ಕಣಕ್ಕಿಳಿದ ನಾಯಕ ಕೆ.ಎಲ್.ರಾಹುಲ್​​, ಕ್ವಿಂಟನ್ ಡಿಕಾಕ್​​ ಜೋಡಿ ಮೊದಲ ವಿಕೆಟ್ ​ನಷ್ಟಕ್ಕೆ 99ರನ್​ಗಳ ಜೊತೆಯಾಟ ನೀಡಿದರು. 40ರನ್​ಗಳಿಕೆ ಮಾಡಿದ್ದ ರಾಹುಲ್ ಅವರು ಪ್ರಿಟೋರಿಯಸ್ ಓವರ್​​ನಲ್ಲಿ​​ ದೊಡ್ಡ ಹೊಡೆತಕ್ಕೆ ಮುಂದಾಗಿ ಕ್ಯಾಚಿತ್ತರು. ಇದರ ಬೆನ್ನಲ್ಲೇ ಕ್ರೀಸಿಗೆ ಬಂದ ಕನ್ನಡಿಗ ಮನೀಷ್ ಪಾಂಡೆ ಕೂಡ 5ರನ್​ಗಳಿಕೆ ಮಾಡಿ ಮತ್ತೊಮ್ಮೆ ನಿರಾಸೆ ಮೂಡಿಸಿದರು.

ಉತ್ತಮ ಜೊತೆಯಾಟ ನೀಡಿದ ಡಿಕಾಕ್​, ರಾಹುಲ್​​

ಲಿವಿಸ್​, ಬದೌನಿ ಸ್ಫೋಟಕ ಬ್ಯಾಟಿಂಗ್​: 61ರನ್​​​ಗಳಿಕೆ ಮಾಡಿದ್ದ ಕ್ವಿಂಟನ್ ಡಿಕಾಕ್​ ವಿಕೆಟ್ ಕಳೆದುಕೊಳ್ಳುತ್ತಿದ್ದಂತೆ ಮಧ್ಯಮ ಕ್ರಮಾಂಕದಲ್ಲಿ ಬ್ಯಾಟ್ ಬೀಸಿದ ಇವಿನ್​​ ಲಿವಿಸ್​ ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶನ ನೀಡಿದರು. ತಾವು ಎದುರಿಸಿದ 23 ಎಸೆತಗಳಲ್ಲಿ 3 ಸಿಕ್ಸರ್​, 6 ಬೌಂಡರಿ ಸೇರಿ 55ರನ್​​ಗಳಿಕೆ ಮಾಡಿ ಅಜೇಯರಾಗಿ ಉಳಿದರು. ತಂಡದ ಗೆಲುವಿಗೆ 24 ಎಸೆತಗಳಲ್ಲಿ 55ರನ್​ಗಳ ಅಗತ್ಯವಿದ್ದ ಸಂದರ್ಭದಲ್ಲಿ ಬ್ರಾವೋ ಓವರ್​​ನಲ್ಲಿ 13ರನ್​​ಗಳಿಕೆ ಮಾಡಿದ್ದ ದೀಪಕ್ ಹೂಡಾ ವಿಕೆಟ್ ಒಪ್ಪಿಸಿದರು.

ಈ ವೇಳೆ ಮೈದಾನಕ್ಕಿಳಿದ ಬದೌನಿ ತಾವು ಎದುರಿಸಿದ ಮೊದಲ ಎಸೆತದಲ್ಲೇ ಸಿಕ್ಸರ್ ಸಿಡಿಸಿದರು. ಎದುರಿಸಿದ 9 ಎಸೆತಗಳಲ್ಲಿ ಎರಡು ಸಿಕ್ಸರ್​ ಸೇರಿದಂತೆ 19ರನ್​​ಗಳಿಕೆ ಮಾಡಿ, ತಂಡಕ್ಕೆ ರೋಚಕ ಗೆಲುವು ತಂದಿಟ್ಟರು. ಲಖನೌ ತಂಡ 19.3 ಎಸೆತಗಳಲ್ಲಿ ಕೇವಲ 4 ವಿಕೆಟ್ ಕಳೆದುಕೊಂಡು 211ರನ್​ಗಳಿಕೆ ಮಾಡಿ ಐಪಿಎಲ್ ಆವೃತ್ತಿಯಲ್ಲಿ ಮೊದಲ ಗೆಲುವು ದಾಖಲು ಮಾಡಿದೆ. ಚೆನ್ನೈ ತಂಡದ ಪರ ಪ್ರಿಟೋರಿಯಸ್ 2 ವಿಕೆಟ್​, ತುಷಾರ್ ದೇಶಪಾಂಡೆ ಹಾಗೂ ಬ್ರಾವೋ ತಲಾ 1 ವಿಕೆಟ್ ಪಡೆದುಕೊಂಡರು.

ಡ್ವೇನ್ ಬ್ರಾವೋ ದಾಖಲೆ: ನಿನ್ನೆಯ ಪಂದ್ಯದಲ್ಲಿ ದೀಪಕ್ ಹೂಡಾ ವಿಕೆಟ್ ಪಡೆಯುವ ಮೂಲಕ ಡ್ವೇನ್ ಬ್ರಾವೋ ಹೊಸ ದಾಖಲೆ ಬರೆದರು. ಐಪಿಎಲ್ ಇತಿಹಾಸದಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಎನಿಸಿಕೊಂಡಿರುವ ಬ್ರಾವೋ, 170 ವಿಕೆಟ್ ಕಬಳಿಸಿದ ಮಾಲಿಂಗ ಅವರನ್ನು ಹಿಂದಿಕ್ಕಿದ್ದು, 171 ವಿಕೆಟ್ ಪಡೆದುಕೊಂಡಿದ್ದಾರೆ.

ಚೆನ್ನೈಗೆ ಐತಿಹಾಸಿಕ ಸೋಲು: ಇಂಡಿಯನ್​ ಪ್ರೀಮಿಯರ್ ಲೀಗ್​ ಇತಿಹಾಸದಲ್ಲೇ ಇದೇ ಮೊದಲ ಸಲ ಸೀಸನ್‌ ಆರಂಭದ ಎರಡೂ ಪಂದ್ಯಗಳಲ್ಲಿ ಸೋತಿರುವ ಕಳಪೆ ದಾಖಲೆ ಚೆನ್ನೈ ಸೂಪರ್ ಕಿಂಗ್ಸ್​ ಪಾಲಾಗಿದೆ.