ಮಹಿಪಾಲ್, ಜೈಸ್ವಾಲ್ ಸ್ಫೋಟಕ ಬ್ಯಾಟಿಂಗ್: ಪಂಜಾಬ್​ಗೆ 186 ರನ್​ಗಳ ಟಾರ್ಗೆಟ್​

ಟಾಸ್​ ಸೋತು ಬ್ಯಾಟಿಂಗ್ ಮಾಡಿದ ರಾಜಸ್ಥಾನ್​ ರಾಯಲ್ಸ್​​ 20 ಓವರ್​ಗಳಲ್ಲಿ ತನ್ನೆಲ್ಲಾ ವಿಕೆಟ್ ಕಳೆದುಕೊಂಡ 185 ರನ್​ಗಳಿಸಿದೆ.

ದುಬೈ: ಮಹಿಪಾಲ್​ ಲೋಮ್ರೋರ್​ ಮತ್ತು ಯಶಸ್ವಿ ಜೈಸ್ವಾಲ್​ ಅವರ ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ ರಾಜಸ್ತಾನ್​ ರಾಯಲ್ಸ್​ ತಂಡ ಪಂಜಾಬ್​ ಕಿಂಗ್ಸ್​ಗೆ 186 ರನ್​ಗಳ ಕಠಿಣ ಗುರಿ ನೀಡಿದೆ.

ಟಾಸ್​ ಸೋತು ಬ್ಯಾಟಿಂಗ್ ಮಾಡಿದ ರಾಜಸ್ಥಾನ್​ ರಾಯಲ್ಸ್ ​​20 ಓವರ್​ಗಳಲ್ಲಿ ತನ್ನೆಲ್ಲಾ ವಿಕೆಟ್ ಕಳೆದುಕೊಂಡ 185 ರನ್​ಗಳಿಗೆ ಆಲೌಟ್ ಆಯಿತು.

ಇಂದೇ ರಾಯಲ್ಸ್​ ಪರ ಪದಾರ್ಪಣೆ ಮಾಡಿದ ಎವಿನ್ ಲೂಯಿಸ್​ ಯುವ ಆಟಗಾರ ಜೈಸ್ವಾಲ್​ ಜೊತೆಗೂಡಿ ಮೊದಲ ವಿಕೆಟ್​ಗೆ 54 ರನ್​ ಸೇರಿಸಿ ಭರ್ಜರಿ ಆರಂಭ ಒದಗಿಸಿಕೊಟ್ಟರು.

ಕೇವಲ 21 ಎಸೆತಗಳಲ್ಲಿ 7 ಬೌಂಡರಿ ಮತ್ತು ಒಂದು ಸಿಕ್ಸರ್​ ಸಹಿತ 36 ರನ್​ಗಳಿಸಿ ಅರ್ಶದೀಪ್ ಸಿಂಗ್​ಗೆ ವಿಕೆಟ್​ ಒಪ್ಪಿಸಿದರು. ನಂತರ ಬಂದ ನಾಯಕ ಸ್ಯಾಮ್ಸನ್​ ಕೇವಲ 4 ರನ್​ಗಳಿಸಿ ಪದಾರ್ಪಣೆ ಬೌಲರ್​ ಇಶಾನ್ ಪೊರೆಲ್​ಗೆ ವಿಕೆಟ್ ಒಪ್ಪಿಸಿ ನಿರಾಶೆ ಮೂಡಿಸಿದರು.

3ನೇ ವಿಕೆಟ್​ಗೆ ಜೈಸ್ವಾಲ್ ಜೊತೆಗೂಡಿದ ಲಿವಿಂಗ್​ಸ್ಟೋನ್​(25)48 ರನ್​ ಸೇರಿಸಿ ಅರ್ಶದೀಪ್​ಗೆ 2ನೇ ಬಲಿಯಾದರು. ಇವರ ಬೆನ್ನಲ್ಲೇ 36 ಎಸೆತಗಳಲ್ಲಿ 2 ಸಿಕ್ಸರ್​ ಹಾಗೂ 6 ಬೌಂಡರಿ ಸಹಿತ 49 ರನ್​ಗಳಿಸಿದ್ದ ಜೈಸ್ವಾಲ್ ಹರ್ಪ್ರೀತ್​ ಬ್ರಾರ್​ಗೆ ವಿಕೆಟ್​ ಒಪ್ಪಿಸುವ ಮೂಲಕ ನಿರಾಶೆಯನುಭವಿಸಿದರು.

• Innings Break!
  
  5⃣ wickets for @arshdeepsinghh
  3⃣ wickets for @MdShami11 #PBKS bowl out Rajasthan Royals for 185. #PBKS chase to begin shortly.
  
  Scorecard 👉 https://t.co/odSnFtwBAF #VIVOIPL #PBKSvRR pic.twitter.com/hYrd5qg0vT

  — IndianPremierLeague (@IPL) September 21, 2021 " class="align-text-top noRightClick twitterSection" data="

  Innings Break!
  
  5⃣ wickets for @arshdeepsinghh
  3⃣ wickets for @MdShami11 #PBKS bowl out Rajasthan Royals for 185. #PBKS chase to begin shortly.
  
  Scorecard 👉 https://t.co/odSnFtwBAF #VIVOIPL #PBKSvRR pic.twitter.com/hYrd5qg0vT

  — IndianPremierLeague (@IPL) September 21, 2021

  ">

  Innings Break!
  
  5⃣ wickets for @arshdeepsinghh
  3⃣ wickets for @MdShami11 #PBKS bowl out Rajasthan Royals for 185. #PBKS chase to begin shortly.
  
  Scorecard 👉 https://t.co/odSnFtwBAF #VIVOIPL #PBKSvRR pic.twitter.com/hYrd5qg0vT

  — IndianPremierLeague (@IPL) September 21, 2021

ಇನ್ನು 5ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಯುವ ಬ್ಯಾಟ್ಸ್​ಮನ್​ ಮಹಿಪಾಲ್ ಲೋಮ್ರಾರ್​ ಬೌಂಡರಿ ಸಿಕ್ಸರ್​ಗಳ ಮೂಲಕ ಅಭಿಮಾನಿಗಳನ್ನು ರಂಜಿಸಿದರು. ಅವರು ಕೇವಲ 17 ಎಸೆತಗಳಲ್ಲಿ 2 ಬೌಂಡರಿ ಮತ್ತು 4 ಭರ್ಜರಿ ಸಿಕ್ಸರ್​ ಸಹಿತ 43 ರನ್​ಗಳಿಸಿದರು.

ಇವರ ವಿಕೆಟ್​ ಬೀಳುತ್ತಿದ್ದಂತೆ ಪಂಜಾಬ್​ ಬೌಲರ್​ಗಳ ಕಮ್​ಬ್ಯಾಕ್ ಮಾಡಿ ರಾಯಲ್ಸ್​ ರನ್​ಗತಿಗೆ ಕಡಿವಾಣ ಹಾಕಿದರು. ರಿಯಾನ್ ಪರಾಗ್​(4), ತೆವಾಟಿಯಾ(2), ಮೋರಿಸ್​(5), ಚೇತನ್ ಸಕಾರಿಯಾ(7) ಮತ್ತು ಕಾರ್ತಿಕ್ ತ್ಯಾಗಿ(1) ಕೊನೆಯಲ್ಲಿ ರನ್​ಗತಿ ಏರಿಸುವಲ್ಲಿ ವಿಫಲರಾದರು.

ಪಂಜಾಬ್ ಕಿಂಗ್ಸ್ ಪರ ಯುವ ಬೌಲರ್ ಅರ್ಶ್​ದೀಪ್​ ಸಿಂಗ್ 32 ರನ್​ ನೀಡಿ 5 ವಿಕೆಟ್ ಪಡೆದರೆ, ಅನುಭವಿ ಶಮಿ 21 ರನ್​ ನೀಡಿ 3 ವಿಕೆಟ್​ ಪಡೆದರು. ಬ್ರಾರ್​ ಮತ್ತು ಪೊರೆಲ್ ತಲಾ ಒಂದು ವಿಕೆಟ್ ಪಡೆದರು.