KL Rahul: ಗ್ಲೌಸ್​​ ತೊಟ್ಟು ಕೀಪಿಂಗ್​ ಅಭ್ಯಾಸ ಮಾಡುತ್ತಿದ್ದಾರೆ ರಾಹುಲ್​.. ತಂಡಕ್ಕೆ ಕಮ್​ಬ್ಯಾಕ್​ ಯಾವಾಗ ಎಂದ ಅಭಿಮಾನಿಗಳು

ಐಪಿಎಲ್​ ವೇಳೆ ಗಾಯಕ್ಕೆ ತುತ್ತಾದ ಕೆಎಲ್​ ರಾಹುಲ್​ ಶಸ್ತ್ರಚಿಕಿತ್ಸೆಗೆ ಒಳಗಾಗಿ ಬೆಂಗಳೂರಿನ ರಾಷ್ಟ್ರೀಯ ಕ್ರಿಕೆಟ್​ ಅಕಾಡೆಮಿಯಲ್ಲಿ ಚೇತರಿಸಿಕೊಂಡ ನಂತರ ಮೈದಾನದಲ್ಲಿ ಅಭ್ಯಾಸಕ್ಕಿಳಿದಿದ್ದಾರೆ.

ವಿಶ್ವಕಪ್​ಗೆ ಇನ್ನು ಕೆಲವೇ ಎರಡು ತಿಂಗಳು ಮಾತ್ರ ಬಾಕಿ ಇದೆ. ಈ ವೇಳೆ ಭಾರತಕ್ಕೆ ಸಿಹಿ ಸುದ್ದಿ ಸಿಕ್ಕಿದ್ದು ಮಧ್ಯಮ ಕ್ರಮಾಂಕದ ಬ್ಯಾಟರ್​ ಕಮ್​ ವಿಕೆಟ್​ ಕೀಪರ್ ಕನ್ನಡಿಗ ಕೆ. ಎಲ್.​​ ರಾಹುಲ್​ ಮೈದಾನಕ್ಕಿಳಿದು ಅಭ್ಯಾಸ ಮಾಡುವಷ್ಟು ಫಿಟ್​ ಆಗಿದ್ದಾರೆ. ಅವರು ತಮ್ಮ ಇನ್​​ಸ್ಟಾಗ್ರಾಮ್​ನಲ್ಲಿ ನೆಟ್ಸ್​ನಲ್ಲಿ ಬ್ಯಾಟಿಂಗ್​ ಮತ್ತು ಕೀಪಿಂಗ್​ ಮಾಡುವ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ.

ತಂಡಕ್ಕೆ ಕಮ್​ ಬ್ಯಾಕ್​ ಯಾವಾಗ?: ಐಪಿಎಲ್​ ವೇಳೆ ಗಾಯಕ್ಕೆ ತುತ್ತಾದ ಕೆ ಎಲ್ ರಾಹುಲ್​ ಇಂಗ್ಲೆಂಡ್​ನಲ್ಲಿ ಶಸ್ತ್ರಚಿಕಿತ್ಸೆ ಒಳಗಾಗಿ ನಂತರ ಬೆಂಗಳೂರಿನ ರಾಷ್ಟ್ರೀಯ ಕ್ರಿಕೆಟ್​ ಅಕಾಡೆಮಿಯಲ್ಲಿ ಪುನರ್ವಸತಿಗೆ ಒಳಗಾಗಿದ್ದರು. ಕೆ ಎಲ್​ ರಾಹುಲ್​ ಮತ್ತು ಐಪಿಎಲ್​ನಲ್ಲಿ ಗಾಯಕ್ಕೆ ತುತ್ತಾದ ಶ್ರೇಯಸ್​ ಅಯ್ಯರ್​​ ಐರ್ಲೆಂಡ್​​ ವಿರುದ್ಧದ ಟಿ20 ಸರಣಿಯಲ್ಲಿ ಕಮ್​ಬ್ಯಾಕ್ ಮಾಡುತ್ತಾರೆ ಎಂದು ನಂಬಲಾಗಿತ್ತು. ಆದರೆ ಐರ್ಲೆಂಡ್​ ವಿರುದ್ಧ​ದ ಸರಣಿಗೆ ಜಸ್ಪ್ರಿತ್​ ಬುಮ್ರಾ ಅವರ ನಾಯಕತ್ವದಲ್ಲಿ ತಂಡವನ್ನು ಬಿಸಿಸಿಐ ಪ್ರಕಟಿಸಿದೆ. ಹೀಗಾಗಿ ಕೆ ಎಲ್​ ರಾಹುಲ್​ ಅವರ ಕಮ್​ಬ್ಯಾಕ್​ ಯಾವಾಗ ಎಂದು ಅಭಿಮಾನಿಗಳು ಕೇಳುತ್ತಿದ್ದಾರೆ.

• KL Rahul has started wicketkeeping practice. pic.twitter.com/2iGefgeqc7

  — Mufaddal Vohra (@mufaddal_vohra) August 2, 2023 " class="align-text-top noRightClick twitterSection" data="

  KL Rahul has started wicketkeeping practice. pic.twitter.com/2iGefgeqc7

  — Mufaddal Vohra (@mufaddal_vohra) August 2, 2023

  ">

  KL Rahul has started wicketkeeping practice. pic.twitter.com/2iGefgeqc7

  — Mufaddal Vohra (@mufaddal_vohra) August 2, 2023

ಕೀಪರ್​ ಆಗಿ ಮುಂದು ವರೆಯುತ್ತಾರಾ ಕಿಶನ್​: ಇಶಾನ್​ ಕಿಶನ್​ ವೆಸ್ಟ್​​​ ಇಂಡೀಸ್​ ಸರಣಿಯಲ್ಲಿ ಸತತ ನಾಲ್ಕು ಅರ್ಧಶತಕದ ಮೂಲಕ ಉತ್ತಮ ಪ್ರದರ್ಶನ ನೀಡುತ್ತ ಬಂದಿದ್ದಾರೆ. ಅಲ್ಲದೇ ಏಕದಿನ ಕ್ರಿಕೆಟ್​ನಲ್ಲಿ ಉತ್ತಮ ಟ್ರ್ಯಾಕ್​ ರೆಕಾರ್ಡ್​ನ್ನು ಸಹ ಕಿಶನ್​ ಹೊಂದಿದ್ದಾರೆ. ಹೀಗಾಗಿ ಮುಂಬರುವ ಏಷ್ಯಾಕಪ್​ ಮತ್ತು ವಿಶ್ವಕಪ್​ನಲ್ಲಿ ವಿಕೆಟ್​ ಕೀಪರ್​ ಆಗಿ ಕಿಶನ್​ ಸ್ಥಾನ ಪಡೆಯುವುದು ಹೆಚ್ಚು ಕಮ್ಮಿ ಖಚಿತ ಎಂದು ತಜ್ಞರು ಹೇಳುತ್ತಿದ್ದಾರೆ. ಹೀಗಿರುವಾಗ ಎರಡನೇ ಕೀಪರ್​ ಆಗಿ ಕೆ. ಎಲ್ ರಾಹುಲ್​ ತಂಡದಲ್ಲಿ ಸ್ಥಾನ ಪಡೆದುಕೊಳ್ಳುವ ಸಾಧ್ಯತೆ ಇದೆ. ​

ಸಂಪೂರ್ಣ ಫಿಟ್​​ನೆಸ್​ಗೆ ಬಿಸಿಸಿಐ ಅವಕಾಶ: ಭಾರತೀಯ ಕ್ರಿಕೆಟ್​ ನಿಯಂತ್ರಣ ಮಂಡಳಿ (ಬಿಸಿಸಿಐ) ಗಾಯಗೊಂಡ ಆಟಗಾರರಿಗೆ ಕಮ್​ಬ್ಯಾಕ್​ ಮಾಡಲು ಸಂಪೂರ್ಣ ಸಮಯವನ್ನು ನೀಡುತ್ತಿದೆ. ಭಾರತ ತಂಡ ಸತತ ಗಾಯದ ಕಾರಣ ಸಮಸ್ಯೆ ಎದುರಿಸಿದ ಕಾರಣ ತುರ್ತಾಗಿ ತಂಡಕ್ಕೆ ಆಟಗಾರರನ್ನು ಸೇರಿಸುತ್ತಿಲ್ಲ. ಸಂಪೂರ್ಣ ಫಿಟ್​ ಆಗುವವರೆಗೂ ಕಾಯುತ್ತಿದೆ. ಜಸ್ಪ್ರಿತ್​ ಬುಮ್ರಾ ಅವರು ಸಂಪೂರ್ಣ ಫಿಟ್​ ಆಗಿ ನೆಟ್ಸ್​ನಲ್ಲಿ ಸತತ 10 ಓವರ್​ಗೂ ಹೆಚ್ಚು ಬೌಲ್​ನ್ನು ಸಂಪೂರ್ಣ ಕ್ಷಮತೆಯಿಂದ ಮಾಡಲು ಸಾಧ್ಯ ಆಗುವವರೆಗೆ ಕಾದಿದ್ದಾರೆ. ನಂತರ ಅವರನ್ನು ಐರ್ಲೆಂಡ್​ ವಿರುದ್ಧದ ಟಿ20 ಸರಣಿಗೆ ನಾಯಕರನ್ನಾಗಿ ಮಾಡಿ ವರ್ಷದ ನಂತರ ತಂಡಕ್ಕೆ ಸೇರಿಸಿಕೊಂಡಿದೆ.

ಇದನ್ನೂ ಓದಿ: Hardik Pandya: ವಿರಾಟ್​ ಕೊಹ್ಲಿ ನೀಡಿದ ಸಲಹೆ ನನಗೆ ತುಂಬಾ ಸಹಕಾರಿ ಆಯಿತು: ಹಾರ್ದಿಕ್​ ಪಾಂಡ್ಯ