ಮ್ಯಾಂಚೆಸ್ಟರ್: ಪ್ರಥಮ ದರ್ಜೆ ಕ್ರಿಕೆಟ್ನಲ್ಲಿ ಇಂಗ್ಲೆಂಡ್ ವೇಗಿ ಜೇಮ್ಸ್ ಆ್ಯಂಡರ್ಸನ್ 1000 ಸಾವಿರ ವಿಕೆಟ್ ಪಡೆಯುವ ಮೂಲಕ ಅಪೂರ್ವ ದಾಖಲೆ ಮಾಡಿದ್ದಾರೆ. ಎಮಿರೇಟ್ಸ್ ಓಲ್ಡ್ ಟ್ರ್ಯಾಫೋರ್ಡ್ನಲ್ಲಿ ನಡೆದ ಕೌಂಟಿ ಕ್ರಿಕೆಟ್ನಲ್ಲಿ ಲ್ಯಾನ್ಸೆಶೈರ್ ಪರ ಆಡಿದ್ದ ಆ್ಯಂಡರ್ಸನ್ ಕೆಂಟ್ ವಿರುದ್ಧ ಈ ಸಾಧನೆ ಮಾಡಿದ್ದಾರೆ.
ಮೊದಲ ಇನ್ನಿಂಗ್ಸ್‌ನಲ್ಲಿ ಆ್ಯಂಡರ್ಸನ್ ಝ್ಯಾಕ್ ಕ್ರಾವ್ಲೆ, ಜೋರ್ಡಾನ್ ಕಾಕ್ಸ್, ಆಲಿವರ್ ರಾಬಿನ್ಸನ್, ಜ್ಯಾಕ್ ಲೀನಿಂಗ್, ಹೀನೋ ಕುಹ್ನ್, ಮ್ಯಾಟ್ ಮಿಲ್ನೆಸ್ ಮತ್ತು ಹ್ಯಾರಿ ಪೋಡ್‌ಮೋರ್‌ರನ್ನು ಔಟ್ ಮಾಡಿದರು. ಈ ಮೂಲಕ ಕೆಂಟ್ 34 ರನ್ಗೆ 8 ವಿಕೆಟ್ ಕಳೆದುಕೊಂಡಿತು. ಕೆಂಟ್ ಪರ ಆಡುತ್ತಿದ್ದ ಹೀನೋ ಕುಹ್ನ್ ಅವರನ್ನು ಔಟ್ ಮಾಡುವ ಮೂಲಕ ಆ್ಯಂಡರ್ಸನ್ 1000 ವಿಕೆಟ್ ದಾಖಲೆ ಪೂರೈಸಿದರು.
ಓದಿ : 'IPL ಆಡಲು ನಾನು ರೆಡಿ'... ಯುಎಇಗೆ ಪ್ರಯಾಣ ಬೆಳೆಸಲಿದ್ದಾರೆ ಅಯ್ಯರ್
ಕಳೆದ ಜೂನ್ನಲ್ಲಿ ಜೇಮ್ಸ್ ಆ್ಯಂಡರ್ಸನ್ ಇಂಗ್ಲೆಂಡ್ ತಂಡದ ಪರ ಗರಿಷ್ಠ ಟೆಸ್ಟ್ ಪಂದ್ಯಗಳನ್ನಾಡಿದ ದಾಖಲೆಗೆ ಪಾತ್ರರಾಗಿದ್ದರು. ನ್ಯೂಜಿಲ್ಯಾಂಡ್ ವಿರುದ್ಧದ 2ನೇ ಟೆಸ್ಟ್ ಪಂದ್ಯದಲ್ಲಿ 11ರ ಬಳಗದಲ್ಲಿ ಅವಕಾಶ ಪಡೆಯುವ ಮೂಲಕ ಲೆಜೆಂಡರಿ ಇಂಗ್ಲಿಷ್ ಬ್ಯಾಟ್ಸ್ಮನ್ ಅಲಸ್ಟೈರ್ ಕುಕ್ ಅವರನ್ನು ಹಿಂದಿಕ್ಕಿದ್ದರು.
ಅಲಸ್ಟೈರ್ ಕುಕ್ ಇಂಗ್ಲೆಂಡ್ ಪರ 161 ಟೆಸ್ಟ್ ಪಂದ್ಯಗಳನ್ನಾಡಿದ್ದಾರೆ. ಅವರು 33 ಶತಕಗಳ ಸಹಿತ 12,472 ರನ್ ಗಳಿಸಿದ್ದಾರೆ. ಜೇಮ್ಸ್ ಆ್ಯಂಡರ್ಸನ್ 162 ಪಂದ್ಯಗಳನ್ನಾಡುವ ಮೂಲಕ ಇಂಗ್ಲೆಂಡ್ ಪರ ಗರಿಷ್ಠ ಟೆಸ್ಟ್ ಪಂದ್ಯಗಳಲ್ಲಿ ಪ್ರತಿನಿಧಿಸಿ ಕ್ರಿಕೆಟರ್ ಎನಿಸಿಕೊಂಡಿದ್ದಾರೆ.
