ತಮ್ಮ ಜೆರ್ಸಿ ಸಂಖ್ಯೆ 18ರ ಹಿಂದಿನ ರಹಸ್ಯ ಬಹಿರಂಗ ಪಡಿಸಿದ ಕೊಹ್ಲಿ

ತಮ್ಮ ಜೆರ್ಸಿ ಸಂಖ್ಯೆ 18ರ ಬಗ್ಗೆ ಸ್ವತಃ ವಿರಾಟ್ ಕೊಹ್ಲಿ ಮುಕ್ತವಾಗಿ ಮಾತನಾಡಿರುವ ಹಳೆಯ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.

ನವದೆಹಲಿ: ಭಾರತೀಯ ಕ್ರಿಕೆಟ್​ ಮತ್ತು ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು (ಆರ್​ಸಿಬಿ) ತಂಡದ ಸ್ಟಾರ್​ ಆಟಗಾರ ವಿರಾಟ್​ ಕೊಹ್ಲಿ ತಮ್ಮ ಜೆರ್ಸಿ ಸಂಖ್ಯೆ 18ರೊಂದಿಗೆ ವಿಶೇಷ ಮತ್ತು ಭಾವನಾತ್ಮಕ ಸಂಬಂಧ ಹೊಂದಿದ್ದಾರೆ. ತಮ್ಮ ಜೆರ್ಸಿ ಸಂಖ್ಯೆ 18ರ ಬಗ್ಗೆ ಸ್ವತಃ ಕೊಹ್ಲಿ ಈ ಹಿಂದೆ ಮುಕ್ತವಾಗಿ ಮಾತನಾಡಿದ್ದು, ಇದರ ವಿಡಿಯೋ ತುಣುಕು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.

ಕ್ರಿಕೆಟ್​ ಮೈದಾನದಲ್ಲಿ ಜೆರ್ಸಿ ಸಂಖ್ಯೆ 18 ಕಂಡ ಕೂಡಲೇ ಥಟ್ಟನೇ ವಿರಾಟ್​ ಕೊಹ್ಲಿ ನೆನಪಿಗೆ ಬರುತ್ತಾರೆ. ಜಗತ್ತಿನಾದ್ಯಂತ ಇರುವ ಕ್ರಿಕೆಟ್​ ಅಭಿಮಾನಿಗಳಿಗೆ ಜೆರ್ಸಿ ನಂಬರ್ 18 ಕಿಂಗ್​ ಕೊಹ್ಲಿ ಅವರದ್ದು ಎಂಬುವುದು ಗೊತ್ತಿದೆ. ಟೀಂ ಇಂಡಿಯಾ ಯಾವುದೇ ಮಾದರಿಯ ಪಂದ್ಯವಾಗಲಿ ಅಥವಾ ಇಂಡಿಯನ್​ ಪ್ರೀಮಿಯರ್​ ಲೀಗ್ (ಐಪಿಎಲ್​) ಪಂದ್ಯಗಳನ್ನಾಡಿದಾಗಲೂ ಇದೇ ನಂಬರ್​ನ ಜೆರ್ಸಿಯನ್ನೇ ವಿರಾಟ್​ ತೊಡುತ್ತಾರೆ. ಹೀಗಾಗಿ, ಈ ಜೆರ್ಸಿ ಸಂಖ್ಯೆಯ ಹಿಂದಿನ ರಹಸ್ಯ ಬಗ್ಗೆ ಸಾಮಾನ್ಯವಾಗಿ ಅಭಿಮಾನಿಗಳಲ್ಲಿ ಕುತೂಹಲ ಅಂತೂ ಇದ್ದೆ ಇರುತ್ತದೆ.

ಕೊಹ್ಲಿ ಈ 18 ನಂಬರ್​ಅನ್ನೇ ಏಕೆ ಇಷ್ಟ ಪಡುತ್ತಾರೆ ಎಂದು ಅಭಿಮಾನಿಗಳು ಕೂಡ ತಿಳಿದುಕೊಳ್ಳಲು ಬಯಸುತ್ತಾರೆ. ಈ ಜೆರ್ಸಿ ನಂಬರ್ ಬಗ್ಗೆ ಸಾಕಷ್ಟು ಚರ್ಚೆಗಳನ್ನೂ ನಡೆಸಿದ್ದಾರೆ. ಆದರೆ, ಕಿಂಗ್​ ವಿರಾಟ್ ಕೊಹ್ಲಿ ಇದೇ ನಂಬರ್​ ಜೆರ್ಸಿ ಧರಿಸುವುದರ ಹಿಂದೆ ಪ್ರಮುಖ ಕಾರಣಗಳು ಇವೆ. ಸ್ಮರಣೀಯ ಕ್ಷಣಗಳು ಈ ಸಂಖ್ಯೆಯೊಂದಿಗೆ ಸಂಬಂಧ ಹೊಂದಿವೆ. ವಿರಾಟ್ ಕೊಹ್ಲಿ ಈ ಹಿಂದೆ ತಮ್ಮ ಸಂದರ್ಶನವೊಂದರಲ್ಲಿ ಜೆರ್ಸಿಯ ನಂಬರ್ 18 ಕುರಿತು ಮುಕ್ತವಾಗಿ ಮಾತನಾಡಿದ್ದಾರೆ. ಸಂದರ್ಶನದಲ್ಲಿ ಈ ಸಂಖ್ಯೆಗೆ ಸಂಬಂಧಿಸಿದ ಕೆಲವು ರಹಸ್ಯಗಳನ್ನು ಅವರು ಬಹಿರಂಗಪಡಿಸಿದ್ದಾರೆ.

• Virat Kohli talking about his Jersey number story.
  
  A must watch interview of the King.pic.twitter.com/3dbCVR3bc2

  — Johns. (@CricCrazyJohns) May 18, 2023 " class="align-text-top noRightClick twitterSection" data="

  Virat Kohli talking about his Jersey number story.
  
  A must watch interview of the King.pic.twitter.com/3dbCVR3bc2

  — Johns. (@CricCrazyJohns) May 18, 2023

  ">

  Virat Kohli talking about his Jersey number story.
  
  A must watch interview of the King.pic.twitter.com/3dbCVR3bc2

  — Johns. (@CricCrazyJohns) May 18, 2023

ಭಾರತೀಯ ಅಂಡರ್-19 ತಂಡದ ಜೆರ್ಸಿಯನ್ನು ಕೊಹ್ಲಿ ಪಡೆದಾಗ, ಆ ಜೆರ್ಸಿಯ ಹಿಂಭಾಗದಲ್ಲಿ ಕೊಹ್ಲಿ ಹೆಸರೊಂದಿಗೆ ನಂಬರ್ 18 ಕೂಡ ಬರೆಯಲಾಗಿತ್ತು. ಆ ದಿನದ ನಂತರ ಈ 18 ಸಂಖ್ಯೆ ಅವರಿಗೆ ವಿಶೇಷವಾಗಿತ್ತು. ಕೊಹ್ಲಿ 2008ರ ಆಗಸ್ಟ್ 18ರಂದು ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್ ವೃತ್ತಿಜೀವನಕ್ಕೆ ಪದಾರ್ಪಣೆ ಮಾಡಿದ್ದರು. ಆ ಪಂದ್ಯವನ್ನು ಶ್ರೀಲಂಕಾ ವಿರುದ್ಧ ಆಡಿದ್ದರು. ಈ ಮೂಲಕ ಕೊಹ್ಲಿಗೆ 18 ಸಂಖ್ಯೆಯ ಅದೃಷ್ಟ ಒಲಿದಿತ್ತು. ಇದೇ ವೇಳೆ ಕೊಹ್ಲಿ ಸಂಖ್ಯೆ 18ರೊಂದಿಗೆ ಭಾವನಾತ್ಮಕ ಸಂಬಂಧವನ್ನೂ ಹೊಂದಿದ್ದಾರೆ.

ವಿರಾಟ್ ಕೊಹ್ಲಿಯ ತಂದೆ 2006ರ ಡಿಸೆಂಬರ್ 18ರಂದು ನಿಧನರಾಗಿದ್ದರು. ಹೀಗಾಗಿ ನಂಬರ್​ 18 ಅನ್ನೋದು ಕೊಹ್ಲಿಗೆ ಭಾವನಾತ್ಮಕವಾದ ಸಂಖ್ಯೆ ಹೌದು. ಆದರೆ, ನಾನು ಈ ಜೆರ್ಸಿ ಸಂಖ್ಯೆಯನ್ನು ಕೇಳಿಯೇ ಇರಲಿಲ್ಲ ಎಂದು ಕೊಹ್ಲಿ ಹೇಳುತ್ತಾರೆ. 2008ರಿಂದಲೂ ಇದೇ ಸಂಖ್ಯೆ ಒಲಿದು ಬಂದಿದೆ. 2008ರಲ್ಲಿ ಅಂಡರ್​​-19 ವಿಶ್ವಕಪ್​ ವಿಜೇತ ತಂಡದ ನಾಯಕ ಕೊಹ್ಲಿ, ಅಂದಿನಿಂದಲೂ ಇದೇ ನಂಬರ್ 18ರ ಜೆರ್ಸಿ​ ಧರಿಸುತ್ತಾ ಬಂದಿದ್ದಾರೆ. ಟೀಮ್​ ಇಂಡಿಯಾಗೆ ಕೊಹ್ಲಿ ಹೆಜ್ಜೆ ಇಟ್ಟಾಗಲೂ 18ನೇ ಸಂಖ್ಯೆ ಜೆರ್ಸಿ ಖಾಲಿ ಇತ್ತು. ಐಪಿಎಲ್​ನಲ್ಲೂ ಸಂಖ್ಯೆ 18ರ ಜೆರ್ಸಿ ಸಿಕ್ಕಿದೆ.

ಇದನ್ನೂ ಓದಿ: ಪ್ಲೇಆಫ್​ ರೇಸಿಂದ ಹೊರಬಿದ್ದ ಪಂಜಾಬ್​​: ದೆಹಲಿಗೆ ಆಟಕ್ಕುಂಟು ಲೆಕ್ಕಕ್ಕಿಲ್ಲದ ಗೆಲುವು