IPL 2023 Final: ಚೆನ್ನೈ vs ಗುಜರಾತ್ ಫೈನಲ್​ ಪಂದ್ಯಕ್ಕೆ ಮಳೆ ಅಡ್ಡಿ, ಅಭಿಮಾನಿಗಳಿಗೆ ನಿರಾಸೆ

ಚೆನ್ನೈ ಸೂಪರ್​ ಕಿಂಗ್ಸ್​ ಮತ್ತು ಗುಜರಾತ್​ ಟೈಟಾನ್ಸ್​ ನಡುವಿನ 16 ನೇ ಐಪಿಎಲ್​ ಆವೃತ್ತಿಯ ಫೈನಲ್​ ಪಂದ್ಯಕ್ಕೆ ಮಳೆ ಅಡ್ಡಿಪಡಿಸಿದ್ದು, ಮ್ಯಾಚ್​ ಮೀಸಲು ದಿನಕ್ಕೆ ಮುಂದೂಡುವ ಸಾಧ್ಯತೆ ಇದೆ.

ಅಹಮದಾಬಾದ್​ (ಗುಜರಾತ್​): ಇಂಡಿಯನ್​ ಪ್ರೀಮಿಯರ್​ ಲೀಗ್​ ಫೈನಲ್​ ಪಂದ್ಯಕ್ಕೆ ವರುಣ ಅಡ್ಡಿಪಡಿಸಿದ್ದು, ಕೊನೆಗೆ ಐದು ಓವರ್​ನ ಪಂದ್ಯವನ್ನಾದರೂ ನೋಡಲು ಸಿಗುತ್ತದೆಯೇ ಎಂದು ಅಭಿಮಾನಿಗಳು ಕಾಯುವಂತಾಗಿದೆ. ಆದರೆ ಮಳೆ ಎಡೆ ಬಿಡದೇ ಸುರಿಯುತ್ತಿದೆ. ಇದರಿಂದ 1,32,000 ಪ್ರೇಕ್ಷಕರು ಇಂದು ನಿರಾಸೆ ಅನುಭವಿಸಿದ್ದಾರೆ.

ಗುಜರಾತ್ ಟೈಟನ್ಸ್ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ತಂಡಗಳ ನಡುವಣ ಫೈನಲ್ ಪಂದ್ಯಕ್ಕೆ ವರುಣ ಕಾಡಿದ್ದಾನೆ. ಟಾಸ್​ಗೆ ಇನ್ನು ಕೆಲವೇ ಕ್ಷಣ ಇದೆ ಎನ್ನುವಾಗ ಆರಂಭವಾದ ಮಳೆ 10:30 ಆದರೂ ಬಿಡಲಿಲ್ಲ. ರಾತ್ರಿ 12.06 ನಿಮಿಷದ ವರೆಗೂ ಪಂದ್ಯವನ್ನು ರದ್ದು ಮಾಡದೇ 5 ಓವರ್​ನ ಪಂದ್ಯವನ್ನಾದರೂ ಆಡಿಸುವ ಅವಕಾಶಕ್ಕೆ ಐಪಿಎಲ್​ ಕಮಿಟಿ ಎದುರು ನೋಡುತ್ತಿದೆ. ಒಂದು ವೇಳೆ ಇಂದು ರಾತ್ರಿ 12 ಆದರೂ ಮಳೆ ಬಿಡದಿದ್ದಲ್ಲಿ ಪಂದ್ಯವನ್ನು ನಾಳಿನ ಮೀಸಲು ದಿನಕ್ಕೆ ಮಂದೂಡಲಾಗುತ್ತದೆ. ಆದರೆ ಗಿಲ್​, ರಶೀದ್​ ಖಾನ್​, ಹಾರ್ದಿಕ್​ ಪಾಂಡ್ಯ, ಧೋನಿ, ದುಬೆ ಅವರ ಆಟವನ್ನು ನೋಡಲು ಬಂದ ಅಭಿಮಾನಿಗಳ ಆಸೆ ಮಳೆಯಲ್ಲಿ ಕೊಚ್ಚಿಹೋಗಿದೆ.

• The rain 🌧️ returns
  
  The covers are back 🔛
  
  The wait continues ⌛️
  
  Follow the match ▶️ https://t.co/IUkeFQS4Il#TATAIPL | #Final | #CSKvGT pic.twitter.com/rGesIuwWJu

  — IndianPremierLeague (@IPL) May 28, 2023 " class="align-text-top noRightClick twitterSection" data="

  The rain 🌧️ returns
  
  The covers are back 🔛
  
  The wait continues ⌛️
  
  Follow the match ▶️ https://t.co/IUkeFQS4Il#TATAIPL | #Final | #CSKvGT pic.twitter.com/rGesIuwWJu

  — IndianPremierLeague (@IPL) May 28, 2023

  ">

  The rain 🌧️ returns
  
  The covers are back 🔛
  
  The wait continues ⌛️
  
  Follow the match ▶️ https://t.co/IUkeFQS4Il#TATAIPL | #Final | #CSKvGT pic.twitter.com/rGesIuwWJu

  — IndianPremierLeague (@IPL) May 28, 2023

ಉಭಯ ತಂಡಗಳ ಫೈನಲ್​ ಹಾದಿ..: ಕಳೆದ ವರ್ಷ ಕಳಪೆ ಪ್ರದರ್ಶನದಿಂದ ಲೀಗ್​ ಹಂತದಲ್ಲೇ ಹೊರಗುಳಿದು ಅಂಕ ಪಟ್ಟಿಯಲ್ಲಿ 9ನೇ ಸ್ಥಾನದಲ್ಲಿದ್ದ ಚೆನ್ನೈ ಸೂಪರ್​ ಕಿಂಗ್ಸ್​ ಈ ವರ್ಷ ಫೀನಿಕ್ಸ್​ನಂತೆ ಮೇಲೆದ್ದು ತನ್ನ ಸಾಮರ್ಥ್ಯ ಏನೆಂಬುದನ್ನು ತೋರಿಸಿದೆ. ಚೆನ್ನೈ ಸೂಪರ್​ ಕಿಂಗ್ಸ್​ ಧೋನಿ ನಾಯಕತ್ವದ ಅಡಿಯಲ್ಲಿ 6 ಕ್ಕೂ ಹೆಚ್ಚು ಅಂತಾರಾಷ್ಟ್ರೀಯ ಪಂದ್ಯಗಳನ್ನು ಆಡದ ಆಟಗಾರರನ್ನು ಆಡಿಸಿಕೊಂಡು ಫೈನಲ್​ಗೆ ಪ್ರವೇಶ ಪಡೆದಿದೆ. ಈ ಬಾರಿಯ ಲೀಗ್​ನಲ್ಲಿ ಹೆಚ್ಚು ಅನ್‌ಕ್ಯಾಪ್​ ಆಟಗಾರರು ಆಡುತ್ತಿರುವುದು ಸಿಎಸ್​ಕೆ ತಂಡದಲ್ಲೇ ಎಂಬುದು ಗಮನಾರ್ಹ. ಆದರೆ ಧೋನಿಯ ಚಾಣಾಕ್ಷ ನಿಲುವುಗಳು ಮತ್ತು ಅವರೊಂದಿಗೆ ಯುವ ಆಟಗಾರರು ನೀಡುತ್ತಿರುವ ಪ್ರದರ್ಶನದಿಂದಾಗಿ ತಂಡ ಕಪ್​ ಗೆಲ್ಲುವ ರೇಸ್​ನಲ್ಲಿ ನೆಚ್ಚಿನ ತಂಡವಾಗಿದೆ.

ಕಳೆದ ವರ್ಷ ತಂಡ ಕಟ್ಟಿದ ಗುಜರಾತ್​ ಚೊಚ್ಚಲ ವರ್ಷವೇ ಕಪ್​ ಗೆದ್ದು ತಾನು ಚಾಂಪಿಯನ್​ ಟೀಮ್​ ಎಂದು ಸಾಬೀತುಮಾಡಿತ್ತು. ಈ ವರ್ಷ ಆ ಮಾತನ್ನು ಉಳಿಸಿಕೊಂಡಿದೆ. ಲೀಗ್​ ಹಂತದಲ್ಲಿ 14 ಪಂದ್ಯಗಳನ್ನು 10 ಗೆದ್ದು 20 ಅಂಕದಿಂದ ಪಾಯಿಂಟ್​ ಪಟ್ಟಿಯಲ್ಲಿ ಅಗ್ರಸ್ಥಾನ ಪಡೆದುಕೊಂಡಿದೆ. ಗುಜರಾತ್​ ಟೈಟಾನ್ಸ್​ನ ಎಲ್ಲ ಆಟಗಾರರು ಫಾರ್ಮ್​ನಲ್ಲಿರುವುದು ತಂಡಕ್ಕೆ ಪ್ಲಸ್​ ಆಗಿದೆ. ಆರಂಭಿಕರಿಂದ 8ನೇ ಆಟಗಾರರ ವರೆಗೆ ಬ್ಯಾಟರ್​ಗಳಿದ್ದು, ಆಲ್​ರೌಂಡರ್​ಗಳಿಂದಲೂ ತಂಡ ತುಂಬಿಕೊಂಡಿದೆ. ಬೌಲಿಂಗ್​ನಲ್ಲಿ ಮೂವರು ಅಂತಾರಾಷ್ಟ್ರೀಯ ತಂಡದಲ್ಲಿ ಮಿಂಚಿದವರಿದ್ದಾರೆ.

ಎರಡೂ ತಂಡಗಳು ಈವರೆಗೆ ಐಪಿಎಲ್​ನಲ್ಲಿ 4 ಬಾರಿ ಮುಖಾಮುಖಿಯಾಗಿದ್ದು, 3 ಬಾರಿ ಗುಜರಾತ್​ ಗೆದ್ದುಕೊಂಡಿದೆ. ಮೊನ್ನೆ ನಡೆದ ಒಂದನೇ ಕ್ವಾಲಿಫೈಯರ್​ ಮುಖಾಮುಖಿಯಲ್ಲಿ ಚೆನ್ನೈ ಗೆಲ್ಲುವ ಮೂಲಕ ಜಿಟಿ ವಿರುದ್ಧ ಮೊದಲ ಜಯ ಸಾಧಿಸಿತು. ಈ ಆವೃತ್ತಿಯಲ್ಲಿ ಮೊದಲ ಪಂದ್ಯದಲ್ಲಿ ಎರಡೂ ತಂಡಗಳು ಇದೇ ಮೈದಾನದಲ್ಲಿ ಮುಖಾಮುಖಿಯಾಗಿದ್ದಾಗ ಗುಜರಾತ್​ ಗೆಲುವು ಸಾಧಿಸಿತ್ತು.

ಇದನ್ನೂ ಓದಿ: IPL ಮಹಾ ಮನರಂಜನೆಗೆ ಸಜ್ಜಾಗಿದೆ ವಿಶ್ವದ ಅತಿ ದೊಡ್ಡ ಕ್ರೀಡಾಂಗಣ: ಆಕರ್ಷಕ ವಿದ್ಯುದ್ದೀಪಾಲಂಕಾರ!