ಅಹಮದಾಬಾದ್: ಅಹಮದಾಬಾದ್: ಇಂಡಿಯನ್ ಪ್ರೀಮಿಯರ್ ಲೀಗ್2023 ಗುಜರಾತ್ ಟೈಟಾನ್ಸ್ ವಿರುದ್ದದ ಪಂದ್ಯದಲ್ಲಿ ರಾಜಸ್ಥಾನ ರಾಯಲ್ಸ್ ತಂಡ ರೋಚಕ ಜಯ ಸಾಧಿಸಿದೆ. ಭಾನುವಾರ ಇಲ್ಲಿಯ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ರಾಯಲ್ಸ್ ತಂಡ ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಗುಜರಾತ್ ಟೈಟಾನ್ಸ್ ನಿಗದಿತ 20 ಓವರ್ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 178 ರನ್ಗಳ ಗಳಿಸಿತು.
ಟೈಟಾನ್ಸ್ ಪರ ಶುಬ್ಮನ್ ಗಿಲ್ 34 ಎಸೆತಗಳಲ್ಲಿ 4ಬೌಂಡರಿ 1 ಸಿಕ್ಸರ್ ಸಮೇತ 45 ರನ್ಗಳ ಕಲೆ ಹಾಕಿದರೇ, ಡೇವಿಡ್ ಮಿಲ್ಲರ್ 30 ಎಸೆತಗಳಲ್ಲಿ 3 ಬೌಂಡರಿ ಮತ್ತು 2 ಸಿಕ್ಸ್ರ ಸಮೇತ 46 ರನ್ ಕಲೆ ಹಾಕುವ ಮೂಲಕ ತಂಡದ ಮೊತ್ತವನ್ನು 177ಕ್ಕೆ ಕೊಂಡೊಯ್ದರು. ಗುಜರಾತ್ ಟೈಟಾನ್ಸ್ ನೀಡಿದ್ದ 178 ರನ್ಗಳ ಗುರಿಯನ್ನು ಬೆನ್ನಟ್ಟಿದ ರಾಜಸ್ಥಾನ್ ರಾಯಲ್ಸ್ ಕಳಪೆ ಆರಂಭವನ್ನು ಪಡೆಯಿತು.
ಆರಂಭಿಕ ಮೂರು ಓವರ್‌ಗಳ ಅಂತರದಲ್ಲಿ ರಾಯಲ್ಸ್ ತಂಡ ಟಾಪ್ ಆರ್ಡರ್ ಬ್ಯಾಟರ್ಗಳ ವಿಕೆಟ್‌ಗಳನ್ನು ಕಳೆದುಕೊಂಡಿತು. ಆರಂಭಿಕ ಆಟಗಾರ ಯಶಸ್ವಿ ಜೈಸ್ವಾಲ್ (1) ಇನ್ನಿಂಗ್ಸ್ನ ಎರಡನೇ ಓವರನ ಹಾರ್ದಿಕ್ ಪಾಂಡ್ಯ ಎಸೆತದಲ್ಲಿ ಶುಬ್ಮನ್ ಗಿಲ್ ಗೆ ಕ್ಯಾಚ್ ನೀಡಿ ಔಟಾದರೇ, ಮೂರನೇ ಓವರ್ನಲ್ಲಿ ಜೋಸ್ ಬಟ್ಲರ್ (0) ಖಾತೆ ತೆರೆಯದೆ ಪೆವಿಲಿಯನ್ಗೆ ಮರಳಿದರು. ದೇವದತ್ ಪಡಿಕ್ಕಲ್ (26) ಕೆಲ ಕಾಲ ಕ್ರೀಸ್ನಲ್ಲಿದ್ದು ತಂಡದ ಮೊತ್ತವನ್ನು ಹೆಚ್ಚಿಸುವಲ್ಲಿ ಪ್ರಯತ್ನಿಸಿದರು. ಬಳಿಕ ರಶೀದ್ ಖಾನ್ಗೆ ತಮ್ಮ ವಿಕೆಟ್ ಒಪ್ಪಿಸಿಹೊರ ನಡೆದರು. ಪಡಿಕ್ಕಲ್ ನಂತರ ಬಂದ ರಿಯಾನ್ ಪರಾಗ್ (5) ಬಹುಬೇಗ ನಿರ್ಗಮಿಸುವ ಮೂಲಕ ಮತ್ತೊಮ್ಮೆ ನಿರಾಸೆ ಮೂಡಿಸಿದರು. ಬಳಿಕ ಕ್ರೀಸ್ಗಿಳಿದ ಸಂಜು ಸ್ಯಾಮ್ಸನ್ ಐದನೇ ವಿಕೆಟ್‌ಗೆ ಶಿಮ್ರಾನ್ ಹೆಟ್ಮೆಯರ್ ಅವರೊಂದಿಗೆ ಬಿರುಸಿನ ಆಟವಾಡಿ 50 ಪ್ಲಸ್ ಜೊತೆಯಾಟವನ್ನು ಆಡುವ ಮೂಲಕ ತಂಡದ ಸ್ಕೋರ್ ಬೊರ್ಡ್ ಹೆಚ್ಚಿಸಿದರು.
ನಾಯಕ ಸಂಜು ಸ್ಯಾಮ್ಸನ್ 32 ಎಸೆತಗಳಲ್ಲಿ 3 ಬೌಂಡರಿ 6 ಸಿಕ್ಸರ್ ಸಮೇತ 60 ರನ್ ಗಳಿಸಿ ನೂರ್ ಅಹ್ಮದ್ಗೆ ವಿಕೆಟ್ ನೀಡಿ ಪೆವಿಲಿಯನ್ಗೆ ತೆರಳಿದರು. ಸ್ಯಾಮ್ಸನ್ ನಿರ್ಗಮನದ ನಂತರ ಕ್ರೀಸ್ಗಿಳಿದ ಧ್ರುವ್ ಜುರೆಲ್ (18) ಗಳಿಸಿ ನಿರ್ಗಮಿಸಿದರು. ಕ್ರೀಸ್ಗಿಳಿದ ಅಶ್ವಿನ್ ಮೂರು ಎಸೆತಗಳಲ್ಲಿ 10 ರನ್ಗಳಿಸಿ ಪೆವಿಲಿಯನ್ಗೆ ಮರಳಿದರು. ಮತ್ತೊಂದೆಡೆ ಹೆಟ್ಮೆಯರ್ ಬಿರುಸಿನ ಬ್ಯಾಟಿಂಗ್ ಮುಂದುವರಿಸಿ 26 ಎಸೆತಗಳಲ್ಲಿ 2 ಬೌಂಡರಿ ಮತ್ತು 5 ಸಿಕ್ಸ್ರ ಸಮೇತ 56 ರನ್ಗಳಿಸುವ ಮೂಲಕ ಅರ್ಧಶತಕವನ್ನು ಪೂರೈಸಿ ಅಜೇಯರಾಗಿ ಉಳಿದರು. ಅಲ್ಲದೇ ತಂಡವನ್ನು ಗೆಲುವಿನ ದಡ ಸೇರಿಸಿದರು.
ಸ್ಕೋರ್ ವಿವಿರ, ಗುಜರಾತ್ ಟೈಟಾನ್ಸ್: 20 ಓವರ್‌ಗಳಿಗೆ 177-7 (ಶುಭಮನ್ ಗಿಲ್ 45, ಡೇವಿಡ್ ಮಿಲ್ಲರ್ 46, ಹಾರ್ದಿಕ್ ಪಾಂಡ್ಯ 28; ಸಂದೀಪ್ ಶರ್ಮಾ 25ಕ್ಕೆ 2, ಬೋಲ್ಟ್, ಜಂಪಾ, ಚಹಾಲ್ ತಲಾ ಒಂದು ವಿಕೆಟ್)
ರಾಜಸ್ಥಾನ ರಾಯಲ್ಸ್: 19.2 ಓವರ್‌ಗಳಿಗೆ 179-7 (ಸಂಜು ಸಾಮ್ಸನ್ 60, ಶಿಮ್ರಾನ್ ಹೆಟ್ಮಾಯರ್ 56, ದೇವದತ್ ಪಡಿಕ್ಕಲ್ 26; ಮೊಹ್ಮದ್ ಶಮಿ 25ಕ್ಕೆ 3, ರಾಶೀದ್ ಖಾನ್ 46ಕ್ಕೆ 2, ಹಾರ್ದಿಕ್ ಪಾಂಡ್ಯ, ನೂರ್ ಅಹ್ಮದ್ ತಲಾ ಒಂದು ವಿಕೆಟ್)
ಇದನ್ನೂ ಓದಿ: MI vs KKR: ಕಿಶನ್-ಸೂರ್ಯ ಅಬ್ಬರಕ್ಕೆ ಮುಂಬೈಗೆ ಜಯ, ಅಯ್ಯರ್ ಶತಕ ವ್ಯರ್ಥ
