ಮುಂಬೈ: ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಹಾಲಿ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್ ಹಣೆಬರಹ ಸರಿ ಇರುವ ಹಾಗೇ ಕಾಣಿಸ್ತಿಲ್ಲ. ಈಗಾಗಲೇ ಪ್ಲೇ-ಆಫ್ ರೇಸ್ನಿಂದ ಬಹುತೇಕ ಹೊರಬಿದ್ದಿರುವ ತಂಡ ಮುಂಬೈ ಇಂಡಿಯನ್ಸ್ ವಿರುದ್ಧದ ಪಂದ್ಯದಲ್ಲಿ ಮತ್ತೊಂದು ಕಳಪೆ ದಾಖಲೆಗೆ ಪಾತ್ರವಾಯಿತು. ಮುಂಬೈ ಇಂಡಿಯನ್ಸ್ ವಿರುದ್ಧದ ಪಂದ್ಯದಲ್ಲಿ ಸಂಪೂರ್ಣವಾಗಿ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿದ ಸಿಎಸ್ಕೆ ಕೇವಲ 97ರನ್ಗಳಿಗೆ ಆಲೌಟ್ ಆಯಿತು. ಈ ಮೂಲಕ ಮತ್ತೊಮ್ಮೆ ಕಡಿಮೆ ಸ್ಕೋರ್ಗಳಿಸಿರುವ ಕೆಟ್ಟ ದಾಖಲೆ ಬರೆಯಿತು.
ಐಪಿಎಲ್ನಲ್ಲಿ ಸಿಎಸ್ಕೆ 2008ರಲ್ಲಿ ರಾಜಸ್ಥಾನ ರಾಯಲ್ಸ್ ವಿರುದ್ಧ 109ರನ್, 2013ರಲ್ಲಿ ಮುಂಬೈ ಇಂಡಿಯನ್ಸ್ ವಿರುದ್ಧ 79ರನ್ ಹಾಗೂ 2019ರಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ವಿರುದ್ಧ ಕೇವಲ 109ರನ್ಗಳಿಗೆ ಆಲೌಟ್ ಆಗುವ ಮೂಲಕ ಅತಿ ಕಡಿಮೆ ಸ್ಕೋರ್ಗಳಿಕೆ ಮಾಡಿರುವ ತಂಡವಾಗಿತ್ತು. ಇದೀಗ 2022ರಲ್ಲೂ ಮುಂಬೈ ಇಂಡಿಯನ್ಸ್ ವಿರುದ್ಧ ವಾಂಖೆಡೆ ಮೈದಾನದಲ್ಲಿ ಕೇವಲ 97ರನ್ಗಳಿಗೆ ಆಲೌಟ್ ಆಗಿದೆ.
ಇದನ್ನೂ ಓದಿ: MI vs CSK ಪಂದ್ಯದಲ್ಲೊಂದು ಅಚ್ಚರಿ ಘಟನೆ.. ಸ್ಟೇಡಿಯಂನಲ್ಲಿ ಪವರ್ಕಟ್ ಲಾಭ ಪಡೆದ ಮುಂಬೈ!
ಧೋನಿ ರೆಕಾರ್ಡ್: ಅತಿ ಕಡಿಮೆ ಸ್ಕೋರ್ ಮಾಡಿರುವ ಈ ಪಂದ್ಯದಲ್ಲೂ ಧೋನಿ ರೆಕಾರ್ಡ್ ಬರೆದಿದ್ದು, ತಂಡದ ಪರ 21ನೇ ಸಲ ಅತಿ ಹೆಚ್ಚು ವೈಯಕ್ತಿಕ ಸ್ಕೋರ್ ಗಳಿಕೆ ಮಾಡಿರುವ ಪ್ಲೇಯರ್ ಆಗಿ ಹೊರಹೊಮ್ಮಿದ್ದಾರೆ. ಇಂದಿನ ಪಂದ್ಯದಲ್ಲಿ ಧೋನಿ 36ರನ್ಗಳಿಕೆ ಮಾಡಿದರು. ಮುಂಬೈ ವಿರುದ್ಧದ ಪಂದ್ಯದಲ್ಲಿ ಸಿಎಸ್ಕೆ ತಂಡದ ಮೂವರು ಪ್ಲೇಯರ್ಸ್ ಶೂನ್ಯಕ್ಕೆ ಔಟಾದರೆ,ನಾಲ್ವರು ಬ್ಯಾಟರ್ ಒಂದಕ್ಕಿ ಹಾಗೂ ಧೋನಿ, ಶಿವಂ ದುಬೆ ಸೇರಿದಂತೆ ನಾಲ್ವರು ಎರಡಕ್ಕಿ ರನ್ಗಳಿಸಿದರು.
