ಚೆನ್ನೈ (ತಮಿಳುನಾಡು): ಎಂ.ಎಸ್‌.ಧೋನಿ ಅವರಿಂದು ಚೆನ್ನೈ ಸೂಪರ್ ಕಿಂಗ್ಸ್ನ 200ನೇ ಪಂದ್ಯದ ನಾಯಕತ್ವ ವಹಿಸಿಕೊಳ್ಳಲಿದ್ದಾರೆ. ಇಂಡಿಯನ್ ಪ್ರೀಮಿಯರ್ ಲೀಗ್ನ(ಐಪಿಎಲ್) ಅತ್ಯಂತ ಯಶಸ್ವಿ ನಾಯಕನೆಂದೇ ಕರೆಸಿಕೊಳ್ಳುವ ಎಂಎಸ್ಡಿ ಚೆನ್ನೈಗೆ ನಾಲ್ಕು ಕಪ್ ಗೆಲ್ಲಿಸಿಕೊಟ್ಟಿದ್ದಾರೆ.
ಧೋನಿ ಈವರೆಗಿನ ಐಪಿಎಲ್ ಇತಿಹಾಸದಲ್ಲಿ ಅತ್ಯಂತ ಸ್ಥಿರತೆ ಹೊಂದಿದ ಮತ್ತು ಯಶಸ್ವಿ ನಾಯಕ. ನಾಯಕನಾಗಿದ್ದ 2010, 2011, 2018 ಮತ್ತು 2021ರ ಆವೃತ್ತಿಗಳಲ್ಲಿ ತಂಡ ನಾಲ್ಕು ಬಾರಿ ಚಾಂಪಿಯನ್ ಆಗಿದೆ. ಮುಂಬೈ ಇಂಡಿಯನ್ಸ್ ಐದು ಬಾರಿ ಟ್ರೋಫಿ ಗೆದ್ದರೂ, ಧೋನಿ ನಾಯಕತ್ವದಲ್ಲಿ ಸಿಎಸ್ಕೆ ಸ್ಥಿರ ಪ್ರದರ್ಶನ ನೀಡಿದೆ. 13 ಆವೃತ್ತಿಯಲ್ಲಿ (ಎರಡು ಆವೃತ್ತಿ ಸಿಎಸ್ಕೆ ಬ್ಯಾನ್ ಆಗಿತ್ತು) ಚೆನ್ನೈ ಸೂಪರ್ ಕಿಂಗ್ಸ್ 11ರಲ್ಲಿ ಟಾಪ್ ನಾಲ್ಕರಲ್ಲಿ ಬಂದರೆ, 5 ಬಾರಿ ರನ್ನರ್ ಅಪ್ ಆಗಿದೆ.
-
#Thala200 #WhistlePodu 🦁💛 pic.twitter.com/WTaPw7tpXz
— Chennai Super Kings (@ChennaiIPL) April 12, 2023 " class="align-text-top noRightClick twitterSection" data="
">#Thala200 #WhistlePodu 🦁💛 pic.twitter.com/WTaPw7tpXz
— Chennai Super Kings (@ChennaiIPL) April 12, 2023#Thala200 #WhistlePodu 🦁💛 pic.twitter.com/WTaPw7tpXz
— Chennai Super Kings (@ChennaiIPL) April 12, 2023
ಒಟ್ಟಾರೆಯಾಗಿ ಧೋನಿ ಐಪಿಎಲ್‌ನಲ್ಲಿ 213 ಪಂದ್ಯಗಳ ನಾಯಕತ್ವ ವಹಿಸಿದ್ದಾರೆ. ಈ ಪೈಕಿ ಅವರು 125 ಪಂದ್ಯಗಳನ್ನು ಗೆದ್ದರೆ, 87ರಲ್ಲಿ ಸೋತಿದ್ದಾರೆ. ಒಂದು ಪಂದ್ಯದಲ್ಲಿ ಫಲಿತಾಂಶ ಬಂದಿರಲಿಲ್ಲ. ಇವರ ಗೆಲುವಿನ ಪ್ರಮಾಣ ಶೇ 58.96. ಅತ್ಯಂತ ದೀರ್ಘ ಕಾಲ ಒಂದು ತಂಡವನ್ನು ಮುನ್ನಡೆಸಿದ ಕೀರ್ತಿ ಧೋನಿಯದ್ದು.
2016 ಮತ್ತು 2017 ರಲ್ಲಿ ರೈಸಿಂಗ್ ಪುಣೆ ಸೂಪರ್‌ಜೈಂಟ್‌ ತಂಡದಲ್ಲಿ ಧೋನಿ ಕಾಣಿಸಿಕೊಂಡರು. 2016ರಲ್ಲಿ ಪುಣೆಯ ನಾಯಕರಾಗಿದ್ದರು. ಆ ಸಂದರ್ಭದಲ್ಲಿ ತಂಡ ಉತ್ತಮ ಪ್ರದರ್ಶನ ನೀಡಿರಲಿಲ್ಲ. 14 ಪಂದ್ಯದಲ್ಲಿ ಒಂಬತ್ತನ್ನು ಸೋತು ಅಂಕಪಟ್ಟಿಯಲ್ಲಿ ಕೊನೆಯ ಸ್ಥಾನ ಪಡೆದುಕೊಂಡಿತ್ತು. ಧೋನಿ 237 ಐಪಿಎಲ್ ಪಂದ್ಯಗಳನ್ನಾಡಿದ್ದು, 39.09 ಸರಾಸರಿಯಲ್ಲಿ ಮತ್ತು 135 ಸ್ಟ್ರೈಕ್ ರೇಟ್‌ನಲ್ಲಿ 24 ಅರ್ಧಶತಕ ಸಹಿತ 5,004 ರನ್ ಗಳಿಸಿದ್ದಾರೆ. ಅಜೇಯ 84 ಅವರ ಬೆಸ್ಟ್ ಸ್ಕೋರ್ ಆಗಿದೆ.
"ನಾನೇನು ಹೇಳಲಿ, ಅವರು ಭಾರತೀಯ ಕ್ರಿಕೆಟ್ನ ದಂತಕಥೆ. ಶುಭ ಹಾರೈಸುತ್ತೇನೆ. 200ನೇ ಪಂದ್ಯವನ್ನು ನಾವು ಚೆಪಾಕ್‌ನಲ್ಲಿ ಗೆಲ್ಲುತ್ತೇವೆ. ಗೆಲುವಿನ ಉಡುಗೊರೆ ನೀಡುತ್ತೇವೆ. ತವರಿನಲ್ಲಿ ಅವಿಸ್ಮರಣೀಯ ಪಂದ್ಯ ಆಡುತ್ತಿರುವುದಕ್ಕೆ ಸಂತೋಷವಿದೆ" ಎಂದು ರವೀಂದ್ರ ಜಡೇಜ ಹೇಳಿದ್ದಾರೆ.
ಧೋನಿಗೆ ಇದು ಕಡೆ ಐಪಿಎಲ್?: ಕೆಲವು ಮಾಧ್ಯಮಗಳ ವರದಿಯಂತೆ ಈ ಬಾರಿಯ ಐಪಿಎಲ್ ನಂತರ ಧೋನಿ ಕ್ರಿಕೆಟ್ನ ಎಲ್ಲಾ ಮಾದರಿಗೂ ವಿದಾಯ ಹೇಳುವ ಸಾಧ್ಯತೆ ಇದೆ. ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಆಗಸ್ಟ್ 15 2020ರಲ್ಲಿ ವಿದಾಯ ಹೇಳಿದ್ದರು. 41 ವರ್ಷದ ಧೋನಿ ಪ್ರಸಕ್ತ ವರ್ಷದ ಐಪಿಎಲ್ ನಂತರ ಕ್ರಿಕೆಟ್ ನಿವೃತ್ತಿ ಹೇಳಲಿದ್ದಾರೆ ಎಂದು ಹೇಳಲಾಗುತ್ತಿದೆ.
ಇದನ್ನೂ ಓದಿ: IPL ನಲ್ಲಿಂದು ರಾಜಸ್ಥಾನ- ಚೆನ್ನೈ ಫೈಟ್: 200ನೇ ಪಂದ್ಯ ಮುನ್ನಡೆಸಲಿದ್ದಾರೆ ಧೋನಿ
