ಎಬಿಡಿ, ಮ್ಯಾಕ್ಸ್​ವೆಲ್ vs ರಶೀದ್ ಖಾನ್.... ಹೈದರಾಬಾದ್​-ಬೆಂಗಳೂರು ಕಾಳಗದಲ್ಲಿ ಯಾರಿಗೆ ಸಿಗುತ್ತೆ ಗೆಲುವು?

ಎರಡು ತಂಡಗಳು ಒಟ್ಟು 18 ಪಂದ್ಯಗಳಲ್ಲಿ ಮುಖಾಮುಖಿಯಾಗಿದ್ದು, ಹೈದರಾಬಾದ್​ 10ರಲ್ಲಿ ಆರ್​ಸಿಬಿ 7ರಲ್ಲಿ ಜಯ ಸಾಧಿಸಿದೆ. ಒಂದು ಒಂದ್ಯ ರದ್ದಾಗಿದೆ.

ಚೆನ್ನೈ: ಐಪಿಎಲ್​ನ 6ನೇ ಪಂದ್ಯದಲ್ಲಿ ಸನ್​ ರೈಸರ್ಸ್​ ಹೈದರಾಬಾದ್​ ಹಾಗೂ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ತಂಡಗಳು ಇಂದು ಚೆನ್ನೈನ ಎಂ.ಎ.ಚಿದಂಬರಂ ಸ್ಟೇಡಿಯಂನಲ್ಲಿ ಕಾದಾಡಲಿವೆ. ಇಂದಿನ ಪಂದ್ಯದಲ್ಲಿ ರಶೀದ್​ ಖಾನ್​ ಆರ್​ಸಿಬಿಯ ಸ್ಫೋಟಕ ದಾಂಡಿಗರಾದ ಎಬಿಡಿ ಮತ್ತು ಮ್ಯಾಕ್ಸ್​ವೆಲ್​ಗೆ ಯಾವ ರೀತಿ ಸವಾಲಾಗಲಿದ್ದಾರೆ ಎಂಬುದು ಕುತೂಹಲಕಾರಿ ಅಂಶವಾಗಿದೆ.

ಆರ್​ಸಿಬಿ ತನ್ನ ಮೊದಲ ಪಂದ್ಯದಲ್ಲಿ ಆಲ್​ರೌಂಡ್ ಪ್ರದರ್ಶನ ತೋರಿ ಹಾಲಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್​ ವಿರುದ್ಧ ಗೆಲುವು ಸಾಧಿಸಿದರೆ, ಸನ್ ​ರೈಸರ್ಸ್ ಹೈದರಾಬಾದ್ ತಂಡ ಕೆಕೆಆರ್​ ವಿರುದ್ಧ 10 ರನ್​ಗಳ ಸೋಲು ಕಂಡಿದೆ.

ಆರ್​ಸಿಬಿ ಕಳೆದ ಕೆಲವು ವರ್ಷಗಳಿಂದ ಸಮಸ್ಯೆಯಾಗಿದ್ದ ಡೆತ್​ ಓವರ್​ ಸಮಸ್ಯೆಯನ್ನು ಹರ್ಷೆಲ್ ಪಟೇಲ್ ಮತ್ತು ಜೆಮೀಸನ್​ ಸೇರ್ಪಡೆಯಿಂದ ಸರಿದೂಗಿಸಿಕೊಂಡಿದೆ. ಮ್ಯಾಕ್ಸ್​ವೆಲ್ ಮತ್ತು ಕ್ರಿಸ್ಚಿಯನ್ ಮಧ್ಯಮ ಕ್ರಮಾಂಕದ ಬಲ ತುಂಬಲಿದ್ದಾರೆ. ಸ್ವತಃ ಕೊಹ್ಲಿಯೇ ಆರಂಭಿಕನಾಗಿರುವುದರಿಂದ ತಂಡ ಉತ್ತಮ ಆರಂಭ ಸಾಧಿಸಲು ನೆರವಾಗಿದೆ. ಆರಂಭಿಕರು ಮತ್ತಯ ಮಧ್ಯಮ ಕ್ರಮಾಂಕ ಬಲಿಷ್ಠವಾಗಿರುವುದರಿಂದ ಎಬಿಡಿ ಯಾವುದೇ ಕ್ರಮಾಂಕದಲ್ಲಾದರೂ ಒತ್ತಡವಿಲ್ಲದೆ ಲೀಲಾಜಾಲವಾಗಿ ಬ್ಯಾಟ್​ ಬೀಸಲು ಸಿದ್ಧರಿದ್ದಾರೆ. ಜೊತೆಗೆ ಕೊರೊನಾದಿಂದ ಚೇತರಿಸಿಕೊಂಡಿರುವ ದೇವದತ್​ ಪಡಿಕ್ಕಲ್ ಇಂದು ಕೊಹ್ಲಿ ಜೊತೆ ಇನ್ನಿಂಗ್ಸ್​ ಆರಂಭಿಸುವ ಸಾಧ್ಯತೆಯಿದೆ.

• When you realise tomorrow is matchday🤟✊#PlayBold #WeAreChallengers #IPL2021 pic.twitter.com/UWn1Asakh6

  — Royal Challengers Bangalore (@RCBTweets) April 13, 2021 " class="align-text-top noRightClick twitterSection" data="

  When you realise tomorrow is matchday🤟✊#PlayBold #WeAreChallengers #IPL2021 pic.twitter.com/UWn1Asakh6

  — Royal Challengers Bangalore (@RCBTweets) April 13, 2021

  ">

  When you realise tomorrow is matchday🤟✊#PlayBold #WeAreChallengers #IPL2021 pic.twitter.com/UWn1Asakh6

  — Royal Challengers Bangalore (@RCBTweets) April 13, 2021

ಇತ್ತ ಸನ್ ​ರೈಸರ್ಸ್​ ಹೈದರಾಬಾದ್ ಕೂಡ ಸಮತೋಲನ ತಂಡವಾಗಿದ್ದರೂ ಅವರ ಯೋಜನೆಗಳು ಫಲಪ್ರದವಾಗಿಲ್ಲ. ಮೊದಲ ಪಂದ್ಯದಲ್ಲಿ ಬೇಗ ವಿಕೆಟ್​ ಕಳೆದುಕೊಂಡರೂ ಅದ್ಭುತವಾಗಿ ಹಿಂತಿರುಗಿದ್ದರು. ಆದರೆ ಕೊನೆಯಲ್ಲಿ ತಮ್ಮ ನಿಧಾನಗತಿ ಆಟದಿಂದ ಗೆಲ್ಲುವ ಪಂದ್ಯವನ್ನು ಕಳೆದುಕೊಂಡಿದ್ದರು. ಇನ್ನು ನಾಯಕ ವಾರ್ನರ್​ ಮತ್ತು ಆರಂಭಿಕ ಆಟಗಾರ ಸಹಾ ಕೂಡ ವಿಫಲರಾಗಿದ್ದರು. ಇದೀಗ ಆರ್​ಸಿಬಿ ವಿರುದ್ಧ ಫಾರ್ಮ್​ ಕಂಡುಕೊಂಡು ಮೊದಲ ಗೆಲುವಿನ ನಿರೀಕ್ಷೆಯಲ್ಲಿದ್ದಾರೆ. ಯುವ ಆಟಗಾರ ಸಮದ್​ರನ್ನು ಇಂದಿನ ಪಂದ್ಯದಲ್ಲಿ 4 ಅಥವಾ 5ನೇ ಕ್ರಮಾಂಕದಲ್ಲಿ ಆಡಿಸುವ ಸಾಧ್ಯತೆಯಿದೆ.

ಮೊದಲ ಪಂದ್ಯದಲ್ಲಿ ದುಬಾರಿಯಾಗಿದ್ದ ಸಂದೀಪ್ ಶರ್ಮಾ ಬದಲಿಗೆ ಶಹಬಾಜ್ ನದೀಮ್ ಕಣಕ್ಕಿಳಿಯುವ ಸಾಧ್ಯತೆ ಇದೆ.

ಮುಖಾಮುಖಿ

• Our past against RCB looks 🔝
  
  Time to keep at it 💪🏻#SRHvRCB #OrangeOrNothing #OrangeArmy #IPL2021 pic.twitter.com/I9CH3sKRV5

  — SunRisers Hyderabad (@SunRisers) April 14, 2021 " class="align-text-top noRightClick twitterSection" data="

  Our past against RCB looks 🔝
  
  Time to keep at it 💪🏻#SRHvRCB #OrangeOrNothing #OrangeArmy #IPL2021 pic.twitter.com/I9CH3sKRV5

  — SunRisers Hyderabad (@SunRisers) April 14, 2021

  ">

  Our past against RCB looks 🔝
  
  Time to keep at it 💪🏻#SRHvRCB #OrangeOrNothing #OrangeArmy #IPL2021 pic.twitter.com/I9CH3sKRV5

  — SunRisers Hyderabad (@SunRisers) April 14, 2021

ಎರಡು ತಂಡಗಳು ಒಟ್ಟು 18 ಪಂದ್ಯಗಳಲ್ಲಿ ಮುಖಾಮುಖಿಯಾಗಿದ್ದು, ಹೈದರಾಬಾದ್​ 10ರಲ್ಲಿ, ಆರ್​ಸಿಬಿ 7ರಲ್ಲಿ ಜಯ ಸಾಧಿಸಿದೆ. ಒಂದು ಒಂದ್ಯ ರದ್ದಾಗಿದೆ.

ಎಸ್​ಆರ್​ಹೆಚ್​: ಸಂಭವನೀಯ ತಂಡ

ಡೇವಿಡ್ ವಾರ್ನರ್ (ನಾಯಕ), ವೃದ್ಧಿಮಾನ್ ಸಹಾ (ವಿಕೀ), ಮನೀಶ್ ಪಾಂಡೆ, ಜಾನಿ ಬೈರ್‌ಸ್ಟೋವ್, ಜೇಸನ್ ಹೋಲ್ಡರ್ / ಮೊಹಮ್ಮದ್ ನಬಿ, ವಿಜಯ್ ಶಂಕರ್, ಅಬ್ದುಲ್ ಸಮದ್, ರಶೀದ್ ಖಾನ್, ಭುವನೇಶ್ವರ್ ಕುಮಾರ್, ಶಹಬಾಜ್ ನದೀಮ್ / ಸಂದೀಪ್ ಶರ್ಮಾ.

ಆರ್​ಸಿಬಿ ಸಂಭವನೀಯ ತಂಡ

ವಿರಾಟ್ ಕೊಹ್ಲಿ (ನಾಯಕ), ದೇವದತ್ ಪಡಿಕ್ಕಲ್, ರಜತ್ ಪಾಟಿದಾರ್, ಗ್ಲೆನ್ ಮ್ಯಾಕ್ಸ್​​​ವೆಲ್, ಎಬಿ ಡಿ ವಿಲಿಯರ್ಸ್ (ವಿಕೀ), ವಾಷಿಂಗ್ಟನ್ ಸುಂದರ್, ಡೇನಿಯಲ್ ಕ್ರಿಶ್ಚಿಯನ್, ಕೈಲ್ ಜೇಮೀಸನ್, ಹರ್ಷಲ್ ಪಟೇಲ್, ಮೊಹಮ್ಮದ್ ಸಿರಾಜ್, ಯುಜ್ವೇಂದ್ರ ಚಹಲ್.