ಎಬಿಡಿ ಸ್ಫೋಟಕ ಅರ್ಧಶತಕ: ಡೆಲ್ಲಿ ಕ್ಯಾಪಿಟಲ್ಸ್​ಗೆ 172 ರನ್​ಗಳ ಸ್ಪರ್ಧಾತ್ಮಕ ಗುರಿ ನೀಡಿದ ಆರ್​ಸಿಬಿ

ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಅಬ್ಬರದ ಬ್ಯಾಟಿಂಗ್ ಪ್ರದರ್ಶನ ತೋರಿದ ಎಬಿ ಡಿ ವಿಲಿಯರ್ಸ್ 42 ಎಸೆತಗಳಲ್ಲಿ 5 ಸಿಕ್ಸರ್​ ಮತ್ತು 3 ಬೌಂಡರಿ ಸಹಿತ 75 ರನ್​ಗಳಿಸಿ 171 ರನ್​ಗಳ ಸ್ಪರ್ಧಾತ್ಮಕ ಮೊತ್ತಕ್ಕೆ ಕಾರಣರಾದರು.

ಅಹ್ಮದಾಬಾದ್​: ಆಪತ್ಪಾಂಧವ ಎಬಿ ಡಿ ವಿಲಿಯರ್ಸ್ ಅವರ ಆಕರ್ಷಕ ಅರ್ಧಶತಕದ ನೆರವಿನಿಂದ ಆರ್​ಸಿಬಿ, ಡೆಲ್ಲಿ ಕ್ಯಾಪಿಟಲ್ಸ್ ತಂಡಕ್ಕೆ 172 ರನ್​​ಗಳ ಸ್ಪರ್ಧಾತ್ಮಕ ಗುರಿ ನೀಡಿದೆ.

ಟಾಸ್​ ಸೋತು ಬ್ಯಾಟಿಂಗ್ ಆರಂಭಿಸಿದ ಆರ್​ಸಿಬಿ ನಾಯಕ ಕೊಹ್ಲಿ ಮತ್ತು ಪಡಿಕ್ಕಲ್ ಇಬ್ಬರನ್ನು ಸತತ 2 ಎಸೆತಗಳಲ್ಲಿ ಕಳೆದುಕೊಂಡು ಆಘಾತ ಅನುಭಿವಿಸಿತು. ಕೊಹ್ಲಿ 12 ರನ್​ಗಳಿಸಿ ಆವೇಶ್ ಖಾನ್​ಗೆ ವಿಕೆಟ್ ಒಪ್ಪಿಸಿದರೆ, ಪಡಿಕ್ಕಲ್​ 17 ರನ್​ಗಳಿಸಿ ಇಶಾಂತ್​ ಶರ್ಮಾಗೆ ಬೌಲ್ಡ್​ ಆದರು.

ನಂತರ ಜೊತೆಗೂಡಿದ ರಜಪ್​ ಪಾಟಿದಾರ್​ ಮತ್ತು ಮ್ಯಾಕ್ಸ್​ವೆಲ್​ 30 ರನ್​ಗಳ ಜೊತೆಯಾಟ ನೀಡಿ ಆರಂಭಿಕ ಆಘಾತದಿಂದ ಪಾರು ಮಾಡಿದರು. 20 ಎಸೆತಗಳಲ್ಲಿ 25 ರನ್​ಗಳಿಸಿ ಉತ್ತಮವಾಗಿ ಆಡುತ್ತಿದ್ದ ಮ್ಯಾಕ್ಸ್​ವೆಲ್ ಮಿಶ್ರಾ ಬೌಲಿಂಗ್​ನಲ್ಲಿ ಸ್ಟೀವ್ ಸ್ಮಿತ್​ಗೆ ಕ್ಯಾಚ್​ ನೀಡಿ ನಿರ್ಗಮಿಸಿದರು.

• Innings Break: @ABdeVilliers17 once again rescues #RCB. His action-packed knock of 75* from 42 has powered his team to 171-5. #DC bowlers did well to keep the batters in check but could not stop de Villiers! https://t.co/NQ9SSSBbVT #DCvRCB #VIVOIPL pic.twitter.com/xgZGcToDX3

  — IndianPremierLeague (@IPL) April 27, 2021 " class="align-text-top noRightClick twitterSection" data="

  Innings Break: @ABdeVilliers17 once again rescues #RCB. His action-packed knock of 75* from 42 has powered his team to 171-5. #DC bowlers did well to keep the batters in check but could not stop de Villiers! https://t.co/NQ9SSSBbVT #DCvRCB #VIVOIPL pic.twitter.com/xgZGcToDX3

  — IndianPremierLeague (@IPL) April 27, 2021

  ">

  Innings Break: @ABdeVilliers17 once again rescues #RCB. His action-packed knock of 75* from 42 has powered his team to 171-5. #DC bowlers did well to keep the batters in check but could not stop de Villiers! https://t.co/NQ9SSSBbVT #DCvRCB #VIVOIPL pic.twitter.com/xgZGcToDX3

  — IndianPremierLeague (@IPL) April 27, 2021

ನಂತರ ಎಬಿಡಿ ಜೊತೆಗೂಡಿದ ಪಾಟಿದಾರ್ ವಿಕೆಟ್ ಉಳಿಸಿಕೊಂಡು ವೇಗವಾಗಿ ರನ್​ಗಳಿಸಿದರು. ಪಾಟಿದಾರ್​ ಔಟಾಗುವ ಮುನ್ನ 22 ಎಸೆತಗಳಲ್ಲಿ 2 ಸಿಕ್ಸರ್​ಗಳ ಸಹಿತ 31 ರನ್​ಗಳಿಸಿ 54 ರನ್​ಗಳ ಅಮೂಲ್ಯ ಜೊತೆಯಾಟದಲ್ಲಿ ಭಾಗಿಯಾಗಿದ್ದರು. ನಂತರ ಬಂದ ಸುಂದರ್ ಕೇವಲ 6 ರನ್​ಗಳಿಸಿ ಔಟಾದರು.

ಎಬಿಡಿ ಅಬ್ಬರ:

9ನೇ ಓವರ್​ನಲ್ಲಿ ಬ್ಯಾಟಿಂಗ್​ ಆಗಮಿಸಿದರೂ ತಾಳ್ಮೆಯಿಂದ ಬ್ಯಾಟಿಂಗ್ ಮಾಡಿದ ವಿಲಿಯರ್ಸ್​ ಕೊನೆಯ ಕೆಟ್ಟ ಎಸೆತಗಳನ್ನು ದಂಡಿಸುತ್ತಾ 35ನೇ ಅರ್ಧಶತಕ ಪೂರೈಸಿದರು. ಕೊನೆಯ ಓವರ್​ನಲ್ಲಿ ಅಬ್ಬರಿಸಿದ ಮಿಸ್ಟರ್​ 360 ಭರ್ಜರಿ 3 ಸಿಕ್ಸರ್​ಗಳ ಸಹಿತ 23 ರನ್​ ಸೂರೆಗೈದರು. ಒಟ್ಟಾರೆ 42 ಎಸೆತಗಳಲ್ಲಿ 5 ಸಿಕ್ಸರ್​ ಮತ್ತು 3 ಬೌಂಡರಿ ಸಹಿತ 75 ರನ್​ಗಳಿಸಿ 171 ರನ್​ಗಳ ಸ್ಪರ್ಧಾತ್ಮಕ ಮೊತ್ತಕ್ಕೆ ಕಾರಣರಾದರು.

ಡೆಲ್ಲಿ ಪರ ಇಶಾಂತ್ ಶರ್ಮಾ 26ಕ್ಕೆ 1, ರಬಾಡ 38ಕ್ಕೆ 1, ಆವೇಶ್ ಖಾನ್ 24ಕ್ಕೆ1, ಅಮಿತ್ ಮಿಶ್ರಾ 27ಕ್ಕೆ 1, ಅಕ್ಷರ್ ಪಟೇಲ್ 33ಕ್ಕೆ 1 ವಿಕೆಟ್​ ಪಡೆದರು.