ಪ್ರಿಯಂ ಗರ್ಗ್ ಮಿಂಚಿನ ಆಟ... ಹೈದರಾಬಾದ್​ಗೆ ಜಯ... ಗೆಲುವಿನ ದಡದಲ್ಲಿ ಎಡವಿದ ಧೋನಿ

ಚೆನ್ನೈ ವಿರುದ್ಧದ ಪಂದ್ಯದಲ್ಲಿ ಮಿಂಚಿನ ಆಟ ಪ್ರದರ್ಶಿಸಿದ ಪ್ರಿಯಂ ಗರ್ಗ್ (51) ಹೈದರಾಬಾದ್ ತಂಡಕ್ಕೆ ಗೆಲುವು ತಂದಿತ್ತಿದ್ದಾರೆ. ಇನ್ನು ಗ್ರೇಟ್ ಫಿನಿಷರ್ ಧೋನಿ ತಂಡವನ್ನು ಜಯದ ದಡ ಸೇರಿಸಲು ವಿಫಲರಾದರು.

ದುಬೈ: ಇಲ್ಲಿನ ದುಬೈ ಇಂಟರ್ ನ್ಯಾಷನಲ್ ಸ್ಟೇಡಿಯಂನಲ್ಲಿ ಶುಕ್ರವಾರ (ಅಕ್ಟೋಬರ್ 2) ನಡೆದ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್)ನ 14ನೇ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಸನ್ ರೈಸರ್ಸ್ ಹೈದರಾಬಾದ್ 7 ರನ್​ಗಳ ಗೆಲುವು ಸಾಧಿಸಿತು. ಕೇವಲ 26 ಎಸೆತಗಳಲ್ಲಿ ಅಜೇಯ ಅರ್ಧಶತಕ ಗಳಿಸಿದ ಪ್ರಿಯಂ ಗರ್ಗ್ ತಂಡದ ಗೆಲವಿಗೆ ಕಾರಣರಾದರು.

ಇಲ್ಲಿನ ಇಂಟರ್​ನ್ಯಾಷನಲ್ ಸ್ಟೇಡಿಯಂನಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ಟಾಸ್ ಗೆದ್ದ ಹೈದರಾಬಾದ್ ಮೊದಲು ಬ್ಯಾಟಿಂಗ್ ಆಯ್ದುಕೊಂಡಿತು. ಆದ್ರೆ ಆರಂಭಿಕ ಆಟಗಾರ ಬೈರ್​ಸ್ಟೋವ್ ಸೊನ್ನೆಗೆ ಔಟಾಗುವ ಮೂಲಕ ತಂಡಕ್ಕೆ ಆರಂಭಿಕ ಆಘಾತ ನೀಡಿದರು.

ಇನ್ನು ಆರಂಭಿಕರಾಗಿ ಕಣಕ್ಕಿಳಿದಿದ್ದ ವಾರ್ನರ್, ಮನೀಷ್ ಪಾಂಡೆ ಜೊತೆ ಸೇರಿ ನಿಧಾನವಾಗಿ ರನ್ ಪೇರಿಸಲು ಆರಂಭಿಸಿದರು. ಈ ಜೋಡಿ ಉತ್ತಮವಾಗಿ ಆಡುತಿದ್ದಾಗ ಚೆನ್ನೈ ಬೌಲರ್ ಎಸ್​ಎಸ್ ಠಾಕೂರ್, ಮನೀಷ್ ಪಾಂಡೆ (29) ವಿಕೆಟ್ ಕಿತ್ತು, ಬೃಹತ್ ಮೊತ್ತಕ್ಕೆ ತಡೆಹಾಕಿದರು.

ಇನ್ನು ತಂಡದ ಮೊತ್ತ 69 ಆಗಿದ್ದಾಗ ಉತ್ತಮವಾಗಿ ಆಡುತ್ತಿದ್ದ ವಾರ್ನರ್ (28) ಚಾವ್ಲಾಗೆ ವಿಕೆಟ್ ಒಪ್ಪಿಸಿ ಹೊರನಡೆದರು. ಬಳಿಕ ಬಂದಷ್ಟೇ ವೇಗವಾಗಿ ವಿಲಿಯಮ್ಸ್​ನ್ (9) ಕೂಡ ಔಟಾದರು. ಈ ವೇಳೆ ಅಲ್ಪ ಮೊತ್ತಕ್ಕೆ ಕುಸಿಯುವ ಭೀತಿಯಲ್ಲಿದ್ದ ತಂಡಕ್ಕೆ ಪ್ರಿಯಂ ಗರ್ಗ್ 26 ಎಸೆತಗಳಲ್ಲಿ ಅಜೇಯ ಅರ್ಧಶತಕ (51) ಗಳಿಸಿ ಆಸರೆಯಾದರು. ಜೊತೆಗೆ ಅಭಿಶೇಕ ಶರ್ಮಾ (31) ರನ್ ಗಳಿಸಿದ ಪರಿಣಾಮ ಚೆನ್ನೈಗೆ ಸನ್​ರೈಸರ್ಸ್ 165 ರನ್​ಗಳ ಗುರಿ ನೀಡಿತು.

• 19-year old Priyam Garg is adjudged Man of the Match for his knock of 51* off 26 deliveries.
  
  First of many to come. Way to go, young lad 👏👏#Dream11IPL pic.twitter.com/I07kg3RHq7

  — IndianPremierLeague (@IPL) October 2, 2020 " class="align-text-top noRightClick twitterSection" data="

  19-year old Priyam Garg is adjudged Man of the Match for his knock of 51* off 26 deliveries.
  
  First of many to come. Way to go, young lad 👏👏#Dream11IPL pic.twitter.com/I07kg3RHq7

  — IndianPremierLeague (@IPL) October 2, 2020

  ">

  19-year old Priyam Garg is adjudged Man of the Match for his knock of 51* off 26 deliveries.
  
  First of many to come. Way to go, young lad 👏👏#Dream11IPL pic.twitter.com/I07kg3RHq7

  — IndianPremierLeague (@IPL) October 2, 2020

ಚೆನ್ನೈ ಪರ ಚಹಾರ್ 2 ಕಬಳಿಸಿದ್ರೆ, ಎಸ್​ಎನ್ ಠಾಕೂರ್ ಮತ್ತು ಚಾವ್ಲಾ ತಲಾ 1 ವಿಕೆಟ್ ಕಿತ್ತರು.

ಸಾಧಾರಣ ಗುರಿ ಬೆನ್ನತ್ತಿದ ಚೆನ್ನೈ ಸೂಪರ್​ಕಿಂಗ್ಸ್ 4 ರನ್ ಗಳಿಸುವಷ್ಟರಲ್ಲಿ ಭುವನೇಶ್ವರ್ ಬೌಲಿಂಗ್​ನಲ್ಲಿ ಶೇನ್ ವಾಟ್ಸನ್ (1) ವಿಕೆಟ್ ಕಳೆದುಕೊಂಡಿತು. ಬಳಿಕ ಆರಂಭಿಕರಾಗಿ ಬಂದಿದ್ದ ಫಾಫ್ ಡು ಪ್ಲೆಸಿಸ್ ಜೊತೆಯಾದ ಆಂಬಟಿ ರಾಯುಡು (8) ಕೂಡ ಹೆಚ್ಚು ಹೊತ್ತು ನಿಲ್ಲದೆ ನಟರಾಜನ್​ಗೆ ವಿಕೆಟ್ ಒಪ್ಪಿಸಿದರು. ನಂತರ ತಂಡದ ಮೊತ್ತ 36 ರನ್ ಆಗಿದ್ದಾಗ ಡು ಪ್ಲೆಸಿಸ್ (22) ರನ್ ಔಟ್ ಬಲೆಗೆ ಬಿದ್ದರು. ಇನ್ನು ಕೇದಾರ್ ಜಾಧವ್ (3) ಬಂದವಷ್ಟೇ ವೇಗವಾಗಿ ಪೆವಿಲಿಯನ್ ಸೇರಿದರು.

ಈ ವೇಳೆ 42 ರನ್​ಗಳಿಗೆ 4 ವಿಕೆಟ್ ಕಳೆದುಕೊಂಡು ತಂಡ ಸೋಲಿನ ಸುಳಿಗೆ ಸಿಲುಕಿತ್ತು. ಆಗ ಬಂದ ನಾಯಕ ಧೋನಿ ಅಜೇಯ (47) ಹಾಗೂ ರವೀಂದ್ರ ಜಡೇಜಾ (50) ಆಟ ತಂಡದಲ್ಲಿ ಗೆಲುವಿನ ಆಸೆ ಚಿಗುರೊಡೆಸಿತ್ತು. ಆದ್ರೆ ಜಡೇಜಾ ತಂಡದ ಮೊತ್ತ 114 ಆಗಿದ್ದಾಗ ವಿಕೆಟ್ ಒಪ್ಪಿಸಿದರು. ಬಳಿಕ ಬಂದ ಸ್ಯಾಮ್ ಕುರ್ರಾನ್ ಜೊತೆ ಆಟ ಆರಂಭಿಸಿದ ಧೋನಿ ತಂಡವನ್ನು ಗೆಲುವಿನ ದಡ ಸೇರಿಸಲು ಶ್ರಮಪಟ್ಟರೂ ಸಾಧ್ಯವಾಗಲಿಲ್ಲ. ಕೊನೆಗೆ ಚೆನ್ನೈ 157 ರನ್​ಗಳನ್ನಷ್ಟೇ ಗಳಿಸಿ, 7 ರನ್​ಗಳಿಂದ ಸೋಲೊಪ್ಪಿಕೊಂಡಿತು.

ಹೈದರಾಬಾದ್ ಪರ ಎನ್ ನಟರಾಜನ್ 2, ಭುವನೇಶ್ವರ್ ಕುಮಾರ್ ಮತ್ತು ಅಬ್ದುಲ್ ಸಮದ್ ತಲಾ 1 ವಿಕೆಟ್ ಪಡೆದರು.

ಸ್ಕೋರ್ ವಿವರ:

ಸನ್​ರೈಸರ್ಸ್ ಹೈದರಾಬಾದ್ - 164 (5 ವಿಕೆಟ್)

ಚೆನ್ನೈ ಸೂಪರ್ ಕಿಂಗ್ಸ್ - 157 (5 ವಿಕೆಟ್)

ಮ್ಯಾನ್ ಆಫ್ ದಿ ಮ್ಯಾಚ್ - ಪ್ರಿಯಂ ಗರ್ಗ್