ಹೈದರಾಬಾದ್: ಜಂಟಲ್ಮನ್ಸ್‌ ಗೇಮ್ ಕ್ರಿಕೆಟ್ನಲ್ಲಿ ಆಗಿಂದಾಗ್ಗೆ ಅಂಪೈರಿಂಗ್ ಯಡವಟ್ಟುಗಳ ಬಗ್ಗೆ ಅಪಸ್ವರ ಕೇಳಿ ಬರುತ್ತಿರುತ್ತದೆ. ಅಂಪೈರ್ ನೀಡಿದ ಒಂದು ಕೆಟ್ಟ ತೀರ್ಪಿನಿಂದ ಪಂದ್ಯದ ಫಲಿತಾಂಶವೇ ಬದಲಾಗಿರುವ ನಿದರ್ಶನಗಳು ಸಾಕಷ್ಟಿವೆ. ಈ ಬಾರಿಯ ಐಪಿಎಲ್ ಟೂರ್ನಿಯಲ್ಲಿಯೂ ಇಂತಹ ಘಟನೆ ನಡೆದಿರುವುದನ್ನು ನೋಡಿದ್ದೇವೆ.
ಕೆ.ಎಲ್. ರಾಹುಲ್ ಜೊತೆ ಪೂಮಾ ಇಂಡಿಯಾಗಾಗಿ ವಿರಾಟ್ ಕೊಹ್ಲಿ ಇನ್ಸ್ಟಾಗ್ರಾಮ್ ಮೂಲಕ ಲೈವ್‌ ನಡೆಸಿದ್ರು. ಈ ವೇಳೆ ಅಭಿಮಾನಿಗಳು ಕೇಳಿದ ಪ್ರಶ್ನೆಗೆ ಇಬ್ಬರು ಕ್ರಿಕೆಟಿಗರು ಉತ್ತರ ನೀಡುತ್ತಿದ್ದರು. ನಿಮಗೆ ಅವಕಾಶ ಸಿಕ್ಕರೆ ಐಪಿಎಲ್ನಲ್ಲಿ ನಿಮಗೆ ಅನುಕೂಲ ಆಗುವಂತೆ ಒಂದು ನಿಯಮ ತಿದ್ದುಪಡಿಗೆ ಬಯಸಿದರೆ ಏನು ಬದಲಾವಣೆ ಬಯಸುತ್ತೀರಿ? ಎಂದು ಅಭಿಮಾನಿಯೊಬ್ಬರು ಪ್ರಶ್ನೆ ಕೇಳಿದ್ದರು.
- " class="align-text-top noRightClick twitterSection" data="
">
ಈ ಪ್ರಶ್ನೆಗೆ ಉತ್ತರಿಸಿದ ರಾಹುಲ್, ಒಬ್ಬ ಬ್ಯಾಟ್ಸ್ಮನ್ 100 ಮೀಟರ್ಗಿಂತ ಹೆಚ್ಚಿನ ದೂರಕ್ಕೆ ಸಿಕ್ಸರ್ ಸಿಡಿಸಿದ್ರೆ ಅದಕ್ಕೆ ಹೆಚ್ಚು ರನ್ ನೀಡುವಂತೆ ಕೇಳುತ್ತೇನೆ ಎಂದರು. ಇದಕ್ಕೆ ಪ್ರತಿಕ್ರಿಯಿಸಿದ ವಿರಾಟ್, ಈ ಬಗ್ಗೆ ಮೊದಲು ನಿಮ್ಮ ತಂಡದ ಬೌಲರ್‌ಗಳ ಸಲಹೆ ಪಡೆದು ನಂತರ ಮನವಿ ಮಾಡಿ ಎಂದು ನಗುತ್ತಲೇ ತಿಳಿಸಿದರು.
ಇದೇ ಪ್ರಶ್ನೆಗೆ ಉತ್ತರಿಸಿದ ವಿರಾಟ್, ಒಬ್ಬ ನಾಯಕನಾಗಿ ನಾನಗೆ ಅವಕಾಶ ಸಿಕ್ಕರೆ ಆನ್ಫೀಲ್ಡ್ ಅಂಪೈರ್ ನೀಡುವ ವೈಡ್ ಅಥವಾ ನೋ ಬಾಲ್ ತೀರ್ಪನ್ನು ಮರು ಪರಿಶೀಲಿಸಲು ಅವಕಾಶ ಕೊಡಬೇಕೆಂದು ಕೇಳುವೆ ಎಂದಿದ್ದಾರೆ. ಯಾವುದಾದರೊಂದು ಪಂದ್ಯವನ್ನು ನಾವು ಒಂದು ರನ್ನಿಂದ ಸೋತರೆ ಅದೇ ಪಂದ್ಯದಲ್ಲಿ ಅಂಪೈರ್ ಕೆಟ್ಟ ತೀರ್ಪು ನೀಡಿದ್ದರೆ ಅದರ ಪರಿಣಾಮ ದೊಡ್ಡದಿರುತ್ತದೆ. ಹೀಗಾಗಿ ಅಂಪೈರ್ ತೀರ್ಪು ಪರಿಶೀಲಿಸುವ ಒಂದು ಅವಕಾಶ ನೀಡುವಂತೆ ಕೇಳುವೆ ಎಂದಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿದ ರಾಹುಲ್, ಈ ಟೂರ್ನಿಯ ಮೊದಲ ಪಂದ್ಯದಲ್ಲಿ ಅಂಪೈರ್ ನೀಡಿದ ಕೆಟ್ಟ ತೀರ್ಪಿನಿಂದ ನಾವು ಸೋಲು ಕಾಣಬೇಕಾಯ್ತು. ಇಂಥದ್ದೊಂದು ನಿಯಮ ಬರಬೇಕು ಎಂದಿದ್ದಾರೆ.
