Ashes 2023: ಖವಾಜಾ ವಿಕೆಟ್​ಗಾಗಿ ವಿಭಿನ್ನ ಫೀಲ್ಡಿಂಗ್​ ತಂತ್ರ​​​.. ಯಶಸ್ಸು ಕಂಡ ಇಂಗ್ಲೆಂಡ್​ ನಾಯಕ

ಎಡ್ಜ್‌ಬಾಸ್ಟನ್‌ ಟೆಸ್ಟ್​​ ಪಂದ್ಯದಲ್ಲಿ ತಾಳ್ಮೆಯ ಶತಕ ಗಳಿಸಿದ ಆಸ್ಟ್ರೇಲಿಯಾದ ಆರಂಭಿಕ ಆಟಗಾರ ಉಸ್ಮಾನ್​ ಖವಾಜಾರನ್ನು ಪೆವಿಲಿಯನ್​ಗೆ ಅಟ್ಟಲು ಇಂಗ್ಲೆಂಡ್​ ನಾಯಕ ಬೆನ್​ ಸ್ಟೋಕ್ಸ್​ ಕ್ಷೇತ್ರರಕ್ಷಣೆ ತಂತ್ರದಿಂದ ಗಮನ ಸೆಳೆದರು.

ಲಂಡನ್​: ಎಡ್ಜ್‌ಬಾಸ್ಟನ್‌ನಲ್ಲಿ ನಡೆಯುತ್ತಿರುವ ಆ್ಯಶಸ್ 2023 ಸರಣಿಯ ಮೊದಲ ಟೆಸ್ಟ್ ಪಂದ್ಯದ ಮೂರನೇ ದಿನ ಆಸ್ಟ್ರೇಲಿಯಾದ ಆರಂಭಿಕ ಬ್ಯಾಟರ್ ಉಸ್ಮಾನ್ ಖವಾಜಾ ವಿಕೆಟ್​ ಉರುಳಿಸಲು ಇಂಗ್ಲೆಂಡ್ ನಾಯಕ ಬೆನ್ ಸ್ಟೋಕ್ಸ್ ವಿಭಿನ್ನ ಫೀಲ್ಡಿಂಗ್ ಸೆಟ್​ ಮಾಡಿದ್ದರು. ಆಸ್ಟ್ರೇಲಿಯಾ ಒಂದೆಡೆ ವಿಕೆಟ್​ ಕಳೆದುಕೊಳ್ಳುತ್ತಿದ್ದರೂ ಏಕಾಂಗಿಯಾಗಿ ಶತಕ ಬಾರಿಸಿದ ಉಸ್ಮಾನ್ ಖವಾಜಾ ಆಂಗ್ಲ ಬೌಲರ್​ಗಳನ್ನು ಇನ್ನಿಲ್ಲದಂತೆ ಕಾಡಿದರು. ಮೊದಲ ದಿನದ ಅಂತ್ಯಕ್ಕೆ ಕ್ರೀಸ್​ಗಿಳಿದ ಖವಾಜಾ ಮೂರನೇ ದಿನವೂ ಆಟ ಮುಂದುವರೆಸಿದ್ದರು. ಇಂಗ್ಲೆಂಡ್​ಗೆ ತಲೆನೋವಾಗಿದ್ದ ಖವಾಜಾ ವಿಕೆಟ್​ ಕಬಳಿಸಲು ಆಕ್ರಮಣಕಾರಿ ಫೀಲ್ಡಿಂಗ್​ ಸೆಟ್​ ಮಾಡುವ ಮೂಲಕ ​ಸ್ಟೋಕ್ಸ್ ಕೊನೆಗೂ ಯಶಸ್ಸು ಕಂಡರು.

• SIX catchers in and the plan works 👏
  
  Khawaja gone for 141.
  
  COME ON ENGLAND! 🏴󠁧󠁢󠁥󠁮󠁧󠁿 #EnglandCricket | #Ashes pic.twitter.com/6MLJcQxzCX

  — England Cricket (@englandcricket) June 18, 2023 " class="align-text-top noRightClick twitterSection" data="

  SIX catchers in and the plan works 👏
  
  Khawaja gone for 141.
  
  COME ON ENGLAND! 🏴󠁧󠁢󠁥󠁮󠁧󠁿 #EnglandCricket | #Ashes pic.twitter.com/6MLJcQxzCX

  — England Cricket (@englandcricket) June 18, 2023

  ">

  SIX catchers in and the plan works 👏
  
  Khawaja gone for 141.
  
  COME ON ENGLAND! 🏴󠁧󠁢󠁥󠁮󠁧󠁿 #EnglandCricket | #Ashes pic.twitter.com/6MLJcQxzCX

  — England Cricket (@englandcricket) June 18, 2023

ನಾಲ್ಕು ಸೆಷನ್​ ಬ್ಯಾಟಿಂಗ್​ ಮಾಡಿದ ಖವಾಜಾ ತಮ್ಮ 15ನೇ ಟೆಸ್ಟ್​ ಶತಕ ಪೂರೈಸಿದರು. ಹೀಗಾಗಿ ಇಂಗ್ಲೆಂಡ್​​ ತಂಡದ ಮೇಲೆ ಒತ್ತಡ ಹೇರಿದ್ದರು. 43.92 ಸ್ಟ್ರೈಕ್ ರೇಟ್‌ನಲ್ಲಿ 321 ಎಸೆತಗಳನ್ನು ಎದುರಿಸಿ 141 ರನ್ ಗಳಿಸಿದ ಎಡಗೈ ಬ್ಯಾಟರ್ ಆಂಗ್ಲರ ಏಳು ಮಂದಿ ಬೌಲರ್​ಗಳನ್ನು ಯಶಸ್ವಿಯಾಗಿ ಎದುರಿಸಿದರು. ಇಂಗ್ಲೆಂಡ್​​ನಲ್ಲಿ ಖವಾಜಾ ಗಳಿಸಿದ ಮೊದಲ ಶತಕ ಇದಾಗಿದೆ.​

2ನೇ ದಿನದಂದು 150 ರನ್‌ ಗಡಿ ದಾಟುವ ಮುನ್ನವೇ ಆಸ್ಟ್ರೇಲಿಯಾ ನಾಲ್ಕು ವಿಕೆಟ್‌ ಕಳೆದುಕೊಂಡಿತ್ತು. ಹೀಗಾಗಿ ಆಸ್ಟ್ರೇಲಿಯಾದ ತಂಡಕ್ಕೆ ಆಂಗ್ಲರ ಮೊದಲ ಇನ್ನಿಂಗ್ಸ್​ 393 ರನ್​ಗೆ ತಿರುಗೇಟು ನೀಡಲು ದೊಡ್ಡ ಇನ್ನಿಂಗ್ಸ್​ವೊಂದರ ಅಗತ್ಯವಿತ್ತು. ಆರಂಭಿಕರಾಗಿ ಕಣಕ್ಕಿಳಿದ ಖವಾಜಾ ಆಸೀಸ್​ ಇನ್ನಿಂಗ್ಸ್​​ಗೆ ಬೆನ್ನೆಲುಬಾಗಿ ನಿಂತು ಶತಕದ ನಗೆ ಬೀರಿದರು.

• The dismissal of Usman Khawaja.
  
  A great tactical move to get the well settled Khawaja. pic.twitter.com/y5EJ14qYGj

  — Johns. (@CricCrazyJohns) June 18, 2023 " class="align-text-top noRightClick twitterSection" data="

  The dismissal of Usman Khawaja.
  
  A great tactical move to get the well settled Khawaja. pic.twitter.com/y5EJ14qYGj

  — Johns. (@CricCrazyJohns) June 18, 2023

  ">

  The dismissal of Usman Khawaja.
  
  A great tactical move to get the well settled Khawaja. pic.twitter.com/y5EJ14qYGj

  — Johns. (@CricCrazyJohns) June 18, 2023

ಖವಾಜಾ ರನ್​ ಗಳಿಕೆಗೆ ಕಡಿವಾಣ ಹಾಕುವ ಸಲುವಾಗಿ ಸ್ಟೋಕ್ಸ್​ ಅನೇಕ ಬೌಲಿಂಗ್ ಬದಲಾವಣೆ ಮಾಡಿದರು. ಖವಾಜಾಗೆ ಸ್ಟ್ರೈಕ್‌ ಬದಲಾವಣೆ ಮಾಡಲು ಅವಕಾಶ ಸಿಗದ ನಿಟ್ಟಿನಲ್ಲಿ ಕಟ್ಟಿಹಾಕಿದರು. ಆದರೆ ಧೃತಿಗೆಡದ ಖವಾಜಾ ತಾಳ್ಮೆಯ ಆಟ ಮುಂದುವರೆಸಿದ್ದರು. ಈ ವೇಳೆ ಇಂಗ್ಲೆಂಡ್ ನಾಯಕ ವಿಭಿನ್ನ ಬದಲಾವಣೆ ಮೂಲಕ ಪ್ರತ್ಯಸ್ತ್ರ ಹೂಡಿದರು. ಸ್ಟೋಕ್ಸ್‌ ಮಾಡಿದ ಹೊಸ ಕ್ಷೇತ್ರರಕ್ಷಣಾ​ ತಂತ್ರಗಳಿಂದ ಒತ್ತಡಕ್ಕೆ ಸಿಲುಕಿದಂತೆ ಕಂಡುಬಂದ ಖವಾಜಾ ಮುನ್ನುಗ್ಗಿ ಆಡುವ ಯತ್ನದಲ್ಲಿ ವಿಫಲರಾಗಿ​ ವಿಕೆಟ್​ ಕಳೆದುಕೊಂಡರು.

113ನೇ ಓವರ್‌ನ ನಾಲ್ಕನೇ ಎಸೆತದಲ್ಲಿ ಇಂಗ್ಲೆಂಡ್ ವೇಗಿ ಓಲಿ ರಾಬಿನ್ಸನ್ ಯಾರ್ಕರ್​ ಎಸೆದು ಯಶಸ್ಸು ಕಂಡರು. ಕ್ರೀಸ್​ನಿಂದ ಮುಂದೆ ಬಂದು ಬಾರಿಸಲು ಮುಂದಾದ ಖವಾಜಾ ಕ್ಲೀನ್​ ಬೌಲ್ಡ್​ ಆದರು. ಈ ತಂತ್ರಕ್ಕಾಗಿ ಸ್ಟೋಕ್ಸ್​ ಆರು ಮಂದಿ ಫೀಲ್ಡರ್​ಗಳನ್ನು ಅರ್ಧ ಕ್ರೀಸ್​ ಮುಂಭಾಗದಲ್ಲಿ ಬ್ಯಾಟರ್​ಗೆ ಎದುರಾಗಿ ನಿಲ್ಲಿಸಿದ್ದರು. ಇದರಿಂದ ಪ್ರೇರಿತಗೊಂಡು ಖವಾಜಾ ವಿಕೆಟ್​ ಬಿಟ್ಟು ಮುಂದೆ ಬಂದಿದ್ದರು. ಕೊನೆಗೆ ಬೆನ್ ಸ್ಟೋಕ್ಸ್ ಕ್ಷೇತ್ರರಕ್ಷಣಾ​ ರಣತಂತ್ರ ಯಶಸ್ಸು ಕಂಡಿತು.

ಎಂದಿನಂತೆ ಇನ್ನಿಂಗ್ಸ್​ನುದ್ದಕ್ಕೂ ಏಕಾಗ್ರತೆ, ತಾಳ್ಮೆ ತೋರಿದ ಖವಾಜಾ 14 ಬೌಂಡರಿ ಮತ್ತು 3 ಸಿಕ್ಸ್​ರ್​ ಸಹಿತ 141 ರನ್​ ಬಾರಿಸಿದರು. ಜೊತೆಗೆ ಆರಂಭಿಕರಾಗಿ ಆಸೀಸ್​ ಪರ 2,000 ರನ್​ ಗಳಿಸಿದ ದಾಖಲೆಗೆ ಪಾತ್ರರಾದರು.

ಇದನ್ನೂ ಓದಿ: Ashes 2023: ಆಸ್ಟ್ರೇಲಿಯಾಕ್ಕೆ ಕವಾಜಾ ಶತಕದ ನೆರವು.. 7 ರನ್​ ಹಿನ್ನಡೆಯಿಂದ ಅನುಭವಿಸಿದ ಕಾಂಗರೂ ಪಡೆ