ಟಿ20 ವಿಶ್ವಕಪ್​ಗೆ ಟೀಂ ಇಂಡಿಯಾ ಹೊಸ ಜರ್ಸಿ ಬಿಡುಗಡೆ.. ಆಕಾಶ ನೀಲಿ ಬಣ್ಣದಲ್ಲಿ ಮಿಂಚಿಂಗ್​

ವಿಶ್ವಕಪ್​ಗೆ ಮುನ್ನವೇ ಟೀಂ ಇಂಡಿಯಾ ಹೊಸ ಜರ್ಸಿಯನ್ನು ಬಿಡುಗಡೆ ಮಾಡಿದೆ. ಆಕಾಶ ನೀಲಿ ಬಣ್ಣದ ಜರ್ಸಿ ಇದಾಗಿದ್ದು, ಪ್ರಾಯೋಜಕತ್ವ ಹೊಂದಿರುವ ಎಂಪಿಎಲ್​ ಜರ್ಸಿಯನ್ನು ಅನಾವರಣಗೊಳಿಸಿತು.

ನವದೆಹಲಿ: ಕಾಂಗರೂ ನಾಡಿನಲ್ಲಿ ನಡೆಯುವ ಟಿ20 ವಿಶ್ವಕಪ್​ ಸಮರಕ್ಕೆ ಟೀಂ ಇಂಡಿಯಾ ಸಿದ್ಧತೆ ನಡೆಸುತ್ತಿದೆ. ಅದಕ್ಕೂ ಮೊದಲು ಆಸ್ಟ್ರೇಲಿಯಾ ಮತ್ತು ದಕ್ಷಿಣ ಆಫ್ರಿಕಾ ವಿರುದ್ಧ ಟಿ20 ಸರಣಿ ಆಡಲಿದೆ. ಈ ಮಧ್ಯೆಯೇ ತಂಡದ ಹೊಸ ಜರ್ಸಿಯನ್ನು ಭಾರತೀಯ ಕ್ರಿಕೆಟ್​ ನಿಯಂತ್ರಣ ಮಂಡಳಿ(ಬಿಸಿಸಿಐ) ಬಿಡುಗಡೆ ಮಾಡಿದೆ.

ಮಿಂಚುತ್ತಿದೆ ಭಾರತದ ಹೊಸ ಜರ್ಸಿ: ಟೀಮ್ ಇಂಡಿಯಾದ ಹೊಸ ಜೆರ್ಸಿಯನ್ನು ಬಿಸಿಸಿಐ ಭಾನುವಾರ ಅನಾವರಣಗೊಳಿತು. ಭಾರತ ತಂಡದ ಹೊಸ ಜೆರ್ಸಿ ಸಂಪೂರ್ಣವಾಗಿ ಆಕಾಶ ನೀಲಿಯಿಂದ ಕೂಡಿದ್ದು, ತೋಳಿನ ಭಾಗದಲ್ಲಿ ಮಾತ್ರ ಗಾಢ ನೀಲಿಯಲ್ಲಿದೆ. ಜೆರ್ಸಿ ಪ್ರಾಯೋಜಕತ್ವ ಪಡೆದಿರುವ ಎಂಪಿಎಲ್​ ಜೆರ್ಸಿಯ ಬಲಭಾಗದಲ್ಲಿ ದೊಡ್ಡ ಅಕ್ಷರಗಳಲ್ಲಿ ಕಾಣಬಹುದು.

ಹಳೆಯದಕ್ಕಿಂತ ಭಿನ್ನ ಹೊಸ ಜರ್ಸಿ: ಟೀಂ ಇಂಡಿಯಾದ ಹಳೆ ಜರ್ಸಿಗೂ ಹೊಸ ಜರ್ಸಿಗೂ ತುಂಬಾ ವ್ಯತ್ಯಾಸವಿದೆ. ಈ ಹಿಂದಿನ ಜರ್ಸಿ ಸಂಪೂರ್ಣವಾಗಿ ಗಾಢ ನೀಲಿಯಿಂದ ಕೂಡಿದ್ದರೆ, ಇದು ಆಕಾಶ ನೀಲಿಯಿಂದ ರೂಪಿಸಲಾಗಿದೆ. ತೋಳಿನ ಭಾಗವನ್ನು ಮಾತ್ರ ಗಾಢ ನೀಲಿಯಲ್ಲಿ ಉಳಿಸಿಕೊಳ್ಳಲಾಗಿದೆ.

ಹೊಸ ಜರ್ಸಿ ಬಿಡುಗಡೆ ಮಾಡಿರುವ ಬಿಸಿಸಿಐ, “ಇದು ಪ್ರತಿಯೊಬ್ಬ ಕ್ರಿಕೆಟ್ ಅಭಿಮಾನಿಗಳಿಗಾಗಿ, ಎಂಪಿಎಲ್​ ಹೊಸ ಜರ್ಸಿಯನ್ನು ಪ್ರಸ್ತುತಪಡಿಸುತ್ತಿದೆ" ಎಂದು ಬರೆದು ಟ್ವೀಟ್​ ಮಾಡಿದೆ.

• To every cricket fan out there, this one’s for you.
  
  Presenting the all new T20 Jersey - One Blue Jersey by @mpl_sport. #HarFanKiJersey#TeamIndia #MPLSports #CricketFandom pic.twitter.com/3VVro2TgTT

  — BCCI (@BCCI) September 18, 2022 " class="align-text-top noRightClick twitterSection" data="

  To every cricket fan out there, this one’s for you.
  
  Presenting the all new T20 Jersey - One Blue Jersey by @mpl_sport. #HarFanKiJersey#TeamIndia #MPLSports #CricketFandom pic.twitter.com/3VVro2TgTT

  — BCCI (@BCCI) September 18, 2022

  ">

  To every cricket fan out there, this one’s for you.
  
  Presenting the all new T20 Jersey - One Blue Jersey by @mpl_sport. #HarFanKiJersey#TeamIndia #MPLSports #CricketFandom pic.twitter.com/3VVro2TgTT

  — BCCI (@BCCI) September 18, 2022

ಹೊಸ ಜರ್ಸಿಯ ಬಿಡುಗಡೆಯ ಚಿತ್ರದಲ್ಲಿ ಭಾರತ ತಂಡದ ನಾಯಕ ರೋಹಿತ್​ ಶರ್ಮಾ, ಆಲ್​ರೌಂಡರ್​ ಹಾರ್ದಿಕ್​ ಪಾಂಡ್ಯಾ, ಸೂರ್ಯಕುಮಾರ್​ ಯಾದವ್​ ಇದ್ದರೆ, ಮಹಿಳಾ ತಂಡದ ಪರವಾಗಿ ನಾಯಕಿ ಹರ್ಮನ್​ಪ್ರೀತ್​ ಕೌರ್​, ಶೆಫಾಲಿ ವರ್ಮಾ, ರೇಣುಕಾ ಸಿಂಗ್​ ಇದ್ದಾರೆ.

ಲಕ್ಕಿ ಆಗುತ್ತಾ ಈ ಜರ್ಸಿ: ಭಾರತ ತಂಡದ ಮಾಜಿ ನಾಯಕ ಮಹೇಂದ್ರ ದೋನಿ ನೇತೃತ್ವದಲ್ಲಿ 2007 ರಲ್ಲಿ ಚೊಚ್ಚಲ ಟಿ20 ವಿಶ್ವಕಪ್​ ಜಯಿಸಿದ್ದ ಭಾರತ ಅಂದಿನಿಂದ ಇಂದಿನವರೆಗೂ ಟ್ರೋಫಿ ಗೆದ್ದಿಲ್ಲ. 2014 ರಲ್ಲಿ ಫೈನಲ್​ ತಲುಪಿದರೂ ಟ್ರೋಫಿ ಸಿಕ್ಕಿಲ್ಲ. ಈ ಬಾರಿ ಬದಲಾಗಿರುವ ಹೊಸ ಜರ್ಸಿ ಟೀಂ ಇಂಡಿಯಾಗೆ ಅದೃಷ್ಟ ಖುಲಾಯಿಸುವಂತೆ ಮಾಡುತ್ತದೆಯಾ ಎಂಬುದು ಅಭಿಮಾನಿಗಳ ನಿರೀಕ್ಷೆಯಾಗಿದೆ.

ಓದಿ: ವಿರಾಟ್​ ಕೊಹ್ಲಿಯ ಸ್ಟೈಲಿಶ್​ ಹೇರ್​ಸ್ಟೈಲ್​ಗೆ ಅಭಿಮಾನಿಗಳು ಫಿದಾ.. ನೀವೂ ನೋಡಿ