ಕೊಲಂಬೊ: ಆಲ್ರೌಂಡರ್ ಕೃನಾಲ್ಗೆ ಕೋವಿಡ್ ದೃಢಪಟ್ಟು ಐಸೋಲೇಷನ್ನಲ್ಲಿ ಇರುವ ಈ ಹೊತ್ತಲ್ಲೇ, ಮತ್ತಿಬ್ಬರು ಭಾರತೀಯ ಆಟಗಾರರಿಗೆ ಕೊರೊನಾ ತಗುಲಿದೆ. ಯುಜ್ವೇಂದ್ರ ಚಹಾಲ್ ಮತ್ತು ಕೆ.ಗೌತಮ್ಗೆ ಸೋಂಕು ತಗುಲಿದ್ದು, ಶ್ರೀಲಂಕಾದಲ್ಲಿಯೇ ಚಿಕಿತ್ಸೆ ಪಡೆಯಲಿದ್ದಾರೆ.
ಕೃನಾಲ್ ಪಾಂಡ್ಯಗೆ ಕೋವಿಡ್ ದೃಢಪಟ್ಟು ಇಂದಿಗೆ ನಾಲ್ಕು ದಿನಗಳಾಗಿದ್ದು, ಪ್ರತ್ಯೇಕವಾಗಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇದೀಗ ಈ ಇಬ್ಬರೂ ಆಟಗಾರರು ಅಲ್ಲಿಯೇ ಉಳಿಯಲಿದ್ದಾರೆ.
ಆರು ಪಂದ್ಯಗಳ ವೈಟ್- ಬಾಲ್ ಸರಣಿ ಪೂರ್ಣಗೊಳಿಸಿದ ನಂತರ ಭಾರತೀಯ ಕ್ರಿಕೆಟ್ ತಂಡವು ಇಂದು ಭಾರತಕ್ಕೆ ಮರಳಲಿದೆ. ಆದರೆ, ಈ ಮೂವರು ಆಟಗಾರರು ಕೋವಿಡ್ ನೆಗೆಟಿವ್ ವರದಿ ಬರುವವರೆಗೆ ಶ್ರೀಲಂಕಾದಲ್ಲಿಯೇ ಉಳಿಯಲಿದ್ದಾರೆ.
ಇದನ್ನೂ ಓದಿ: 3000 ಮೀಟರ್‌ ಸ್ಟೀಪಲ್‌ಚೇಸ್ ಫೈನಲ್ನಿಂದ ಹೊರ ಬಿದ್ದರೂ ರಾಷ್ಟ್ರೀಯ ದಾಖಲೆ ಬರೆದ ಅವಿನಾಶ್ ಸಾಬ್ಲೆ!
ಇಂಗ್ಲೆಂಡ್ ತಂಡದಲ್ಲಿರುವ ಇಬ್ಬರು ಆಟಗಾರರಾದ ಸೂರ್ಯಕುಮಾರ್ ಯಾದವ್ ಮತ್ತು ಪೃಥ್ವಿ ಶಾ ಕೊಲಂಬೊದಿಂದ ನೇರವಾಗಿ ಭಾರತಕ್ಕೆ ಹಿಂದಿರುಗುವ ಸಾಧ್ಯತೆಯಿದೆ.
