ಲಾರ್ಡ್ಸ್(ಲಂಡನ್): ಆತಿಥೇಯ ಇಂಗ್ಲೆಂಡ್ ವಿರುದ್ಧ ಟೀಂ ಇಂಡಿಯಾ ಲಾರ್ಡ್ಸ್ ಮೈದಾನದಲ್ಲಿ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಭಾಗಿಯಾಗಿದ್ದು, ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿರುವ ಟೀಂ ಇಂಡಿಯಾ ಉತ್ತಮ ಆರಂಭ ಪಡೆದುಕೊಂಡಿದೆ. ಮಳೆಯಿಂದಾಗಿ ಪಂದ್ಯ ಕೆಲ ಹೊತ್ತು ತಡವಾಗಿ ಆರಂಭಗೊಂಡಿದ್ದರೂ ತಂಡಕ್ಕೆ ಆರಂಭಿಕರಾದ ರೋಹಿತ್ - ರಾಹುಲ್ ಬದ್ರ ಬುನಾದಿ ಹಾಕಿದರು. ಈ ಜೋಡಿ ಮೊದಲ ವಿಕೆಟ್ನಷ್ಟಕ್ಕೆ 120+ರನ್ಗಳ ಜೊತೆಯಾಟವಾಡಿದೆ. ಈ ಮೂಲಕ ಹೊಸದೊಂದು ದಾಖಲೆ ಬರೆದಿದ್ದಾರೆ.
ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ಟೀಂ ಇಂಡಿಯಾದ ಆರಂಭಿಕರಾದ ರೋಹಿತ್(83), ರಾಹುಲ್(35 ಅಜೇಯ) ಉತ್ತಮ ಆಟವಾಡಿದರು. ಜೊತೆಗೆ 120+ ರನ್ಗಳಿಕೆ ಮಾಡಿದರು. ಈ ಮೂಲಕ 2010ರ ನಂತರ ದಕ್ಷಿಣ ಆಫ್ರಿಕಾ, ಇಂಗ್ಲೆಂಡ್, ನ್ಯೂಜಿಲ್ಯಾಂಡ್ ಹಾಗೂ ಆಸ್ಟ್ರೇಲಿಯಾದಲ್ಲಿ (ಸಾಗರೋತ್ತರ ದೇಶ) ಆರಂಭಿಕರಾಗಿ ಗಳಿಕೆ ಮಾಡಿರುವ ಮೊದಲ ಶತಕದಾಟವಾಗಿದೆ. ಈ ಹಿಂದೆ 2010ರ ಡಿಸೆಂಬರ್ ತಿಂಗಳಲ್ಲಿ ಸೆಹ್ವಾಗ್ ಹಾಗೂ ಗಂಭೀರ್ ಜೋಡಿ ಆಫ್ರಿಕಾ ವಿರುದ್ಧ ಸೆಂಚೂರಿಯನ್ನಲ್ಲಿ 137ರನ್ಗಳ ಜೊತೆಯಾಟವಾಡಿತ್ತು. ಇದಾದ ಬಳಿಕ ಯಾವುದೇ ಆರಂಭಿಕ ಜೋಡಿ ಶತಕದಾಟ ಆಡಿರಲಿಲ್ಲ.
ಇಂದಿನ ಪಂದ್ಯದಲ್ಲಿ ಉತ್ತಮ ಬ್ಯಾಟಿಂಗ್ ಪ್ರದರ್ಶನ ನೀಡಿದ ರೋಹಿತ್ ಶರ್ಮಾ 13ನೇ ಅರ್ಧಶತಕ ಸಿಡಿಸಿ ಮಿಂಚಿದರು. 7 ಇನ್ನಿಂಗ್ಸ್ಗಳ ನಂತರ ಇಂಗ್ಲೆಂಡ್ ವಿರುದ್ಧ ಮೂಡಿ ಬಂದಿರುವ ಅರ್ಧಶತಕ ಇದಾಗಿದೆ. ಇದೇ ಪಂದ್ಯದಲ್ಲಿ ಇಂಗ್ಲೆಂಡ್ ತಂಡದ ಆಲ್ರೌಂಡರ್ ಸ್ಯಾಮ್ ಕರ್ರನ್ ಓವರ್ನಲ್ಲೇ 4 ಬೌಂಡರಿ ಸಿಡಿಸಿ ಗಮನ ಸೆಳೆದರು. ಇದರ ಜೊತೆಗೆ 2021ರಲ್ಲಿ ರೋಹಿತ್ ಶರ್ಮಾ ಟೆಸ್ಟ್ನಲ್ಲಿ 600ರನ್ಗಳಿಕೆ ಮಾಡಿರುವ ಸಾಧನೆ ಸಹ ಮಾಡಿದರು.
ಇದನ್ನೂ ಓದಿರಿ: 51ನೇ ವಯಸ್ಸಿನಲ್ಲೂ ಸಖತ್ ಹಾಟ್.. ಹಾಲಿವುಡ್ ನಟಿಯ ಫಿಟ್ನೆಸ್ ಮಂತ್ರವಿದು!
ರೋಹಿತ್-ರಾಹುಲ್ ಹೆಸರಿನಲ್ಲಿ ವಿಶಿಷ್ಟ ದಾಖಲೆ
ಇಂಗ್ಲೆಂಡ್ ವಿರುದ್ಧದ 2ನೇ ಟೆಸ್ಟ್ ಪಂದ್ಯದಲ್ಲಿ ರೋಹಿತ್-ರಾಹುಲ್ ಜೋಡಿ 20+ ಓವರ್ಗಳ ಬ್ಯಾಟ್ ಮಾಡಿದರು. ಈ ವರ್ಷದ 9 ಇನ್ನಿಂಗ್ಸ್ಗಳ ಪೈಕಿ 5ನೇ ಸಲ ಭಾರತೀಯ ಆರಂಭಿಕ ಜೋಡಿ 20+ ಓವರ್ಗಳ ಬ್ಯಾಟಿಂಗ್ ಮಾಡಿದೆ. 2011ರ ಡಿಸೆಂಬರ್ನಿಂದ 2020ರವರೆಗೆ ಯಾವುದೇ ಆರಂಭಿಕ ಜೋಡಿ 20+ ಓವರ್ ಬ್ಯಾಟಿಂಗ್ ಮಾಡಿರಲಿಲ್ಲ.
2 ರನ್ಗಳಿಂದ ದಾಖಲೆ ತಪ್ಪಿಸಿಕೊಂಡ ರಾಹುಲ್-ರೋಹಿತ್ ಜೋಡಿ
ಆಸ್ಟ್ರೇಲಿಯಾ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಮೊದಲ ವಿಕೆಟ್ನಷ್ಟಕ್ಕೆ ರಾಹುಲ್-ರೋಹಿತ್ ಜೋಡಿ 126ರನ್ಗಳಿಕೆ ಮಾಡಿತು. ಇಂಗ್ಲೆಂಡ್ನಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ನಂತರ ಗಳಿಕೆ ಮಾಡಿರುವ ಎರಡನೇ ಗರಿಷ್ಠ ರನ್ ಇದಾಗಿದೆ. ಈ ಹಿಂದೆ ಆಸ್ಟ್ರೇಲಿಯಾದ ಮೈಕೆಲ್ ಸ್ಲೇಟರ್ ಮತ್ತು ಮಾರ್ಕ್ ಟೇಲರ್ 1993 ರ ಓಲ್ಡ್ ಟ್ರಾಫರ್ಡ್ ಟೆಸ್ಟ್ನಲ್ಲಿ 128ರನ್ಗಳ ಜೊತೆಯಾಟ ಆಡಿದ್ದರು.
