ಮುಂಬೈ : ಬಿಸಿಸಿಐ ಕೊಹ್ಲಿ - ರೋಹಿತ್ ಅಂತಹ ಸ್ಟಾರ್ ಆಟಗಾರರು ಇಂಗ್ಲೆಂಡ್ನಲ್ಲಿರುವ ವೇಳೆ ಶ್ರೀಲಂಕಾ ವಿರುದ್ಧ ನಡೆಯುವ ಸೀಮಿತ ಓವರ್ಗಳ ಸರಣಿಯ ವೇಳಾಪಟ್ಟಿಯನ್ನು ಪ್ರಕಟಿಸಿದೆ.
ಶ್ರೀಲಂಕಾ ಕ್ರಿಕೆಟ್ ಮಂಡಳಿ ಬಿಸಿಸಿಐ ಮುಂದೆ ಪ್ರಸ್ತಾಪಿಸಿರುವಂತೆ ಮೊದಲು 3 ಪಂದ್ಯಗಳ ಏಕದಿನ ಸರಣಿ ಮತ್ತು ನಂತರ ಟಿ-20 ಪಂದ್ಯಗಳು ನಡಯಲಿವೆ ಎಂದು ಕ್ರಿಕೆಟ್ ವೆಬ್ಸೈಟ್ ಒಂದು ವರದಿ ಮಾಡಿದೆ.
ಮೂರು ಏಕದಿನ ಪಂದ್ಯಗಳು ಜುಲೈ 13, 16, 19ರಂದು ನಡೆಯಲಿವೆ. ನಂತರ 22 ರಿಂದ ಟಿ-20 ಪಂದ್ಯಗಳು ನಡೆಯಲಿವೆ ಎಂದು ತಿಳಿದು ಬಂದಿದೆ.
ವರದಿಯ ಪ್ರಕಾರ, ಭಾರತ ವೈಟ್ಬಾಲ್ ತಂಡ ಜುಲೈ 5ಕ್ಕೆ ಶ್ರೀಲಂಕಾಗೆ ತೆರಳಲಿದ್ದು, ಜುಲೈ 28ಕ್ಕೆ ತವರಿಗೆ ಮರಳಲಿದೆ. ಶ್ರೀಲಂಕಾದಿಂದ ಮರಳಿದ ನಂತರ 8 ದಿನಗಳ ಕಾಲ 2 ವಿಭಾಗದಲ್ಲಿ ಕ್ವಾರಂಟೈನ್ಗೆ ಒಳಗಾಗಲಿದೆ ಎಂದು ತಿಳಿದು ಬಂದಿದೆ.
ಇದನ್ನು ಓದಿ:ಭಾರತದ ಹೆಸರಲ್ಲೇ ಎರಡು ಕ್ರಿಕೆಟ್ ತಂಡ: ಒಂದು ಇಂಗ್ಲೆಂಡ್ನಲ್ಲಿ, ಮತ್ತೊಂದು ಶ್ರೀಲಂಕಾದಲ್ಲಿ!
ಮೊದಲು ಸೆಟ್ನಲ್ಲಿ ಮೂರು ದಿನಗಳ ಒಂದು ರೂಮಿನಲ್ಲಿ ಕಠಿಣ ಕ್ವಾರಂಟೈನ್ ಮತ್ತು ಉಳಿದ 5 ದಿನಗಳು ಅವರಿಗೆ ಪ್ರೋಟೋಕಾಲ್ಗಳ ಅನ್ವಯ ತರಬೇತಿ ಮಾಡುವ ಸ್ಥಳ ಮತ್ತು ಹೋಟೆಲ್ನಲ್ಲಿ ಕಳೆಯಲು ಅವಕಾಶ ನೀಡಲಾಗಿದೆ.
ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಮತ್ತು ಇಂಗ್ಲೆಂಡ್ ಸರಣಿಗೆ ತೆರಳುವ ಯಾವುದೇ ಆಟಗಾರರು ಶ್ರೀಲಂಕಾ ವಿರುದ್ಧದ ಸರಣಿಯ ಭಾಗವಾಗುವುದಿಲ್ಲ. ಈ ತಂಡದಲ್ಲಿ ಸಂಪೂರ್ಣ ವಿಭಿನ್ನವಾಗಿರಲಿದ್ದು, ಎಲ್ಲರೂ ವೈಟ್ ಬಾಲ್ ಸ್ಪೆಷಲಿಸ್ಟ್ಗಳೇ ಇರಲಿದ್ದಾರೆ.
ಇದನ್ನು ಓದಿ: ಜುಲೈನಲ್ಲಿ ಭಾರತ ತಂಡದಿಂದ ಲಂಕಾ ಪ್ರವಾಸ, ಸದ್ಯಕ್ಕೆ ಐಪಿಎಲ್ ಅಸಾಧ್ಯ ಎಂದ ದಾದಾ
