'ಭಾರತ-ಪಾಕ್​​​ ನಡುವಿನ ದ್ವಿಪಕ್ಷೀಯ ಕ್ರಿಕೆಟ್​ ಸರಣಿ ಸದ್ಯಕ್ಕೆ ಅಸಾಧ್ಯ'

ಉಭಯ ದೇಶಗಳ ನಡುವಿನ ಕ್ರಿಕೆಟ್​​ ರಾಜಕೀಯದಲ್ಲಿ ಸಿಲುಕಿಕೊಂಡಿರುವ ಕಾರಣ ಸದ್ಯದ ಪರಿಸ್ಥಿತಿಯಲ್ಲಿ ಭಾರತ-ಪಾಕಿಸ್ತಾನ ದ್ವಿಪಕ್ಷೀಯ ಕ್ರಿಕೆಟ್ ಸರಣಿ ಅಸಾಧ್ಯ ಎಂದು ರಮೀಜ್​ ರಾಜ್​ ತಿಳಿಸಿದ್ದಾರೆ.

ಇಸ್ಲಾಮಾಬಾದ್​(ಪಾಕಿಸ್ತಾನ): ಭಾರತ-ಪಾಕಿಸ್ತಾನ ತಂಡಗಳ ನಡುವೆ ಸದ್ಯದ ಪರಿಸ್ಥಿತಿಯಲ್ಲಿ ಕ್ರಿಕೆಟ್​ ಸರಣಿ ಆಯೋಜನೆ ಅಸಾಧ್ಯ. ಇದಕ್ಕೆ ಸಂಬಂಧಿಸಿದಂತೆ ನಾವು ಯಾವುದೇ ರೀತಿಯ ಅವಸರದ ನಿರ್ಧಾರ ಕೈಗೊಳ್ಳುವುದಿಲ್ಲ ಎಂದು ಪಾಕಿಸ್ತಾನ ಕ್ರಿಕೆಟ್​ ಬೋರ್ಡ್​​(PCB)ಗೆ ಹೊಸದಾಗಿ ಆಯ್ಕೆಯಾಗಿರುವ ರಮೀಜ್​ ರಾಜ್​ ತಿಳಿಸಿದ್ದಾರೆ.

• Newly elected PCB Chairman Mr Ramiz Raja, press conference at NHPC, Lahore https://t.co/RkZTK3XmBp

  — Pakistan Cricket (@TheRealPCB) September 13, 2021 " class="align-text-top noRightClick twitterSection" data="

  Newly elected PCB Chairman Mr Ramiz Raja, press conference at NHPC, Lahore https://t.co/RkZTK3XmBp

  — Pakistan Cricket (@TheRealPCB) September 13, 2021

  ">

  Newly elected PCB Chairman Mr Ramiz Raja, press conference at NHPC, Lahore https://t.co/RkZTK3XmBp

  — Pakistan Cricket (@TheRealPCB) September 13, 2021

ಪಿಸಿಬಿಯ ಹೊಸ ಅಧ್ಯಕ್ಷರಾಗಿ ಪದಗ್ರಹಣ ಮಾಡಿದ ಬಳಿಕ ಸುದ್ದಿಗಾರರೊಂದಿಗೆ ಮಾತನಾಡಿರುವ ಅವರು, ಉಭಯ ದೇಶಗಳ ನಡುವಿನ ಕ್ರಿಕೆಟ್​ ಸರಣಿ ರಾಜಕೀಯದಲ್ಲಿ ಸಿಲುಕಿಕೊಂಡಿದೆ. ಹೀಗಾಗಿ ಸದ್ಯದ ಪರಿಸ್ಥಿತಿಯಲ್ಲಿ ಕ್ರಿಕೆಟ್​ ಪುನಾರಂಭ ಅಸಾಧ್ಯ. ದೇಶಿ ಕ್ರಿಕೆಟ್​ ಬಗ್ಗೆ ಹೆಚ್ಚಿನ ಗಮನ ಹರಿಸಲಾಗುವುದು ಎಂದರು.

ಪಾಕಿಸ್ತಾನ ಕ್ರಿಕೆಟ್​ ಮಂಡಳಿ ಅಧ್ಯಕ್ಷ ಹುದ್ದೆ ನಿಭಾಯಿಸುವುದು ಸವಾಲಿನ ಕೆಲಸ. ಕ್ರಿಕೆಟ್ ಮಂಡಳಿಯ ಅಭಿವೃದ್ಧಿಗೋಸ್ಕರ ಕೆಲಸ ಮಾಡುವುದಾಗಿ ರಮೀಜ್‌ ರಾಜಾ ತಿಳಿಸಿದರು. ಡಿಆರ್​​ಎಸ್​​ ನಿರ್ಧಾರದಲ್ಲಿ ಕೆಲವೊಂದು ಗೊಂದಲಗಳಿವೆ. ಈ ವಿಷಯದ ಬಗ್ಗೆ ಮುಂಬರುವ ಪಾಕ್​​-ನ್ಯೂಜಿಲ್ಯಾಂಡ್​ ಕ್ರಿಕೆಟ್ ಸರಣಿ ವೇಳೆ ಪರಿಶೀಲನೆ ನಡೆಸಲಾಗುವುದು ಎಂದು ಅವರು ತಿಳಿಸಿದರು.

ವಿಶ್ವಕಪ್​ನಲ್ಲಿ ಇಂಡೋ-ಪಾಕ್​ ಪಂದ್ಯದ ಬಗ್ಗೆ ಪ್ರತಿಕ್ರಿಯೆ:

ಪಾಕಿಸ್ತಾನ ತಂಡದ ಪ್ಲೇಯರ್ಸ್​ಗೆ ಶೇ. 100ರಷ್ಟು ಶ್ರಮ ಹಾಕುವಂತೆ ತಿಳಿಸಲಾಗಿದ್ದು, ಉತ್ತಮ ಪ್ರದರ್ಶನ ನೀಡಿದಾಗ ಫಲಿತಾಂಶ ಕೂಡ ಆಶಾದಾಯಕವಾಗಿರುತ್ತದೆ ಎಂದರು. ವಿಶ್ವಕಪ್​​ನಲ್ಲಿ ಭಾರತ-ಪಾಕಿಸ್ತಾನ ಅಕ್ಟೋಬರ್​ 24ರಂದು ಮುಖಾಮುಖಿಯಾಗಲಿವೆ.

ಪಾಕಿಸ್ತಾನ ಟೆಸ್ಟ್​ ತಂಡದ 18ನೇ ಹಾಗೂ ಏಕದಿನದಲ್ಲಿ 12ನೇ ಕ್ಯಾಪ್ಟನ್​​ ಆಗಿದ್ದ ರಮೀಜ್​ ರಾಜಾ 255 ಅಂತಾರಾಷ್ಟ್ರೀಯ ಪಂದ್ಯಗಳನ್ನಾಡಿದ್ದು, 8,674ರನ್​ಗಳಿಕೆ ಮಾಡಿದ್ದಾರೆ.