ವಿಂಡೀಸ್ ವಿರುದ್ಧ 3ನೇ ಟಿ20 ಪಂದ್ಯ ಗೆದ್ದ ಭಾರತ; ನಾಯಕನಾಗಿ ಸತತ 3ನೇ ಸರಣಿ ವೈಟ್​ವಾಶ್​ ಸಾಧಿಸಿದ ರೋಹಿತ್

ಸೂರ್ಯಕುಮಾರ್ ಯಾದವ್​ ಬ್ಯಾಟಿಂಗ್ , ವೆಂಕಟೇಶ್ ಅಯ್ಯರ್​ ಅವರ ಆಲ್​ರೌಂಡರ್​ ಪ್ರದರ್ಶನ ಮತ್ತು ಹರ್ಷಲ್ ಪಟೇಲ್​ ಅವರ ಅಮೋಘ ಬೌಲಿಂಗ್ ನೆರೆವಿನಿಂದ ಭಾರತ ತಂಡ 3ನೇ ಟಿ20 ಪಂದ್ಯ ಗೆದ್ದು ಟಿ20 ಸರಣಿಯನ್ನು ವೈಟ್​ವಾಶ್​ ಮಾಡಿದೆ.

ಕೋಲ್ಕತ್ತಾ: ಸೂರ್ಯಕುಮಾರ್ ಯಾದವ್​ ಅಬ್ಬರದ ಬ್ಯಾಟಿಂಗ್ ಮತ್ತು ಸಂಘಟಿತ ಬೌಲಿಂಗ್ ನೆರವಿನಿಂದ ಭಾರತ ತಂಡ ವಿಂಡೀಸ್​ ವಿರುದ್ಧ 3ನೇ ಟಿ20 ಪಂದ್ಯವನ್ನು 17 ರನ್​ಗಳಿಂದ ಗೆದ್ದು ಟಿ20 ಸರಣಿಯನ್ನೂ 3-0ಯಲ್ಲಿ ವಶಪಡಿಸಿಕೊಂಡಿದೆ.

ಭಾನುವಾರ ಈಡನ್​ ಗಾರ್ಡನ್​​ನಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ನೀಡಿದ್ದ186 ರನ್​ಗಳ ಗುರಿ ಬೆನ್ನಟ್ಟಿದ ವಿಂಡೀಸ್​ ಪಡೆ 20 ಓವರ್​ಗಳಲ್ಲಿ 9 ವಿಕೆಟ್​ ನಷ್ಟಕ್ಕೆ 169 ರನ್​ಗಳನ್ನಷ್ಟೇ ಶಕ್ತವಾಗಿ 17 ರನ್​ಗಳ ಸೋಲು ಕಂಡಿತು. ಆರಂಭಿಕರಾಗಿ ಕಣಕ್ಕಿಳಿದಿದ್ದ ಕೈಲ್ ಮೇಯರ್ಸ್​(6) ಮತ್ತು ಶಾಯ್ ಹೋಪ್​(8) ತಂಡದ ಮೊತ್ತ 26 ರನ್​ಗಳಾಗುವಷ್ಟರಲ್ಲಿ ಚಾಹರ್​ಗೆ ವಿಕೆಟ್​ ಒಪ್ಪಿಸಿದರು.

ನಂತರ 3ನೇ ವಿಕೆಟ್​ ಒಂದಾದ ವಿಕೆಟ್ ಕೀಪರ್​ ನಿಕೋಲಸ್​ ಪೂರನ್ ಮತ್ತು ಪೊವೆಲ್​ 47 ರನ್​ಗಳ ಜೊತೆಯಾಟ ನೀಡಿ ವಿಂಡೀಸ್​ ತಂಡಕ್ಕೆ ಚೇತರಿಕೆ ನೀಡಿದರು. 14 ಎಸೆತಗಳಲ್ಲಿ ತಲಾ 2 ಬೌಂಡರಿ ಮತ್ತು ಸಿಕ್ಸರ್​ಗಳೊಂದಿಗೆ 25 ರನ್​ಗಳಿಸಿ ಅಪಾಯಕಾರಿಯಾಗುತ್ತಿದ್ದ ಪೊವೆಲ್​ರನ್ನು ಹರ್ಷಲ್ ಪಟೇಲ್​ ತಮ್ಮ ಮೊದಲ ಓವರ್​ನಲ್ಲೇ ಪೆವಿಲಿಯನ್​ಗಟ್ಟಿದರು. ನಂತರ ಬಂದ ನಾಯಕ ಪೊಲಾರ್ಡ್​( 5), ಹೋಲ್ಡರ್(2) ರನ್ನು ವೆಂಕಟೇಶ್​ ಅಯ್ಯರ್​ ಬಲಿ ಪಡೆದರೆ, ಚೇಸ್​ 12 ರನ್​ಗಳಿಸಿ ಪಟೇಲ್​ಗೆ 2ನೇ ಬಲಿಯಾದರು.

ಆದರೆ ಸೋಲೊಪ್ಪಿಕೊಳ್ಳದ ಏಕಾಂಗಿಯಾಗಿ ಹೋರಾಟ ನಡೆಸಿದ ಪೂರನ್​​ 47 ಎಸೆತಗಳಲ್ಲಿ 8 ಬೌಂಡರಿ, 1 ಸಿಕ್ಸರ್​ ಸಹಿತ 61 ರನ್​ಗಳಿಸಿದ್ದ ವೇಳೆ ಠಾಕೂರ್​ ಬೌಲಿಂಗ್​ನಲ್ಲಿ ದೊಡ್ಡ ಹೊಡೆತಕ್ಕೆ ಕೈ ಹಾಕಿ ವಿಕೆಟ್​ ಕೀಪರ್​ ಇಶಾನ್ ಹಿಡಿದ ಅದ್ಭುತ ಕ್ಯಾಚ್​ಗೆ ಬಲಿಯಾದರು. ಕೊನೆಯಲ್ಲಿ ರೊಮಾರಿಯೊ ಶೆಫರ್ಡ್​ 21 ಎಸೆತಗಳಲ್ಲಿ 1 ಬೌಂಡರಿ 3 ಸಿಕ್ಸರ್​ಗಳ ಸಹಿತ 29 ರನ್​ಗಳಿಸಿದರಾದರೂ, ಅವರ ಪ್ರಯತ್ನ ತಂಡವನ್ನು ಗೆಲುವಿನ ಗಡಿ ದಾಡಿಸುವುದಕ್ಕೆ ವಿಫಲವಾಯಿತು.

• That's that from the final T20I as #TeamIndia win by 17 runs to complete a 3-0 clean sweep in the series.
  
  Scorecard - https://t.co/2nbPwNh8dw #INDvWI @Paytm pic.twitter.com/u5z5CzD44b

  — BCCI (@BCCI) February 20, 2022 " class="align-text-top noRightClick twitterSection" data="

  That's that from the final T20I as #TeamIndia win by 17 runs to complete a 3-0 clean sweep in the series.
  
  Scorecard - https://t.co/2nbPwNh8dw #INDvWI @Paytm pic.twitter.com/u5z5CzD44b

  — BCCI (@BCCI) February 20, 2022

  ">

  That's that from the final T20I as #TeamIndia win by 17 runs to complete a 3-0 clean sweep in the series.
  
  Scorecard - https://t.co/2nbPwNh8dw #INDvWI @Paytm pic.twitter.com/u5z5CzD44b

  — BCCI (@BCCI) February 20, 2022

ಅದ್ಭುತ ಬೌಲಿಂಗ್ ಪ್ರದರ್ಶನ ತೋರಿದ ಹರ್ಷಲ್ ಪಟೇಲ್ 4 ಓವರ್​ಗಳಲ್ಲಿ 22 ರನ್​ ನೀಡಿ 3 ವಿಕೆಟ್ ಪಡೆದು ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು. ಇವರಿಗೆ ಸಾಥ್​ ನೀಡಿದ ದೀಪಕ್​ ಚಾಹರ್​ 15ಕ್ಕೆ 2, ವೆಂಕಟೇಶ್​ ಅಯ್ಯರ್​ 23ಕ್ಕೆ 2 ವಿಕೆಟ್​ ಮತ್ತು ಶಾರ್ದೂಲ್ ಠಾಕೂರ್​ 33ಕ್ಕೆ 2 ವಿಕೆಟ್ ಪಡೆದು ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.

ಇದಕ್ಕೂ ಮೊದಲು ಬ್ಯಾಟಿಂಗ್ ಮಾಡಿದ್ದ ಭಾರತ ತಂಡ ನಿರೀಕ್ಷಿತ ಆರಂಭ ಪಡೆಯದಿದ್ದರೂ ಸೂರ್ಯಕುಮಾರ್ ಯಾದವ್ ಮತ್ತು ವೆಂಕಟೇಶ್ ಅಯ್ಯರ್​ ಅವರ 91 ರನ್​ಗಳ ಜೊತೆಯಾಟದ ನೆರವಿನಿಂದ ಸ್ಪರ್ಧಾತ್ಮಕ ಮೊತ್ತಕ್ಕೆ ಕಾರಣರಾದರು.​ ಯಾದವ್​ 31 ಎಸೆತಗಳಲ್ಲಿ 1 ಬೌಂಡರಿ ಮತ್ತು 7 ಸಿಕ್ಸರ್​ಗಳ ಸಹಿತ 65 ರನ್​ಗಳಿಸಿದರೆ, ಇವರಿಗೆ ಸಾಥ್ ನೀಡಿದ ವೆಂಕಟೇಶ್ ಅಯ್ಯರ್​ 19 ಎಸೆತಗಳಲ್ಲಿ ಅಜೇಯ 35 ರನ್​ಗಳಿಸಿದರು.

ಸರಣಿಯಲ್ಲಿ 3ನೇ ಬಾರಿ ಇನ್ನಿಂಗ್ಸ್ ಆರಂಭಿಸಿದ ಇಶಾನ್ ಕಿಶನ್​ 31 ಎಸೆತಗಳಲ್ಲಿ 34 ರನ್​ ಮತ್ತು ಸರಣಿಯಲ್ಲಿ ಮೊದಲ ಅವಕಾಶ ಪಡೆದಿದ್ದ ರುತುರಾಜ್ 4 ರನ್​ಗಳಿಗೆ ವಿಕೆಟ್ ಒಪ್ಪಿಸಿದರು. 3ನೇ ಕ್ರಮಾಂಕಕ್ಕೆ ಬಡ್ತಿಪಡೆದು ಬಂದ ಶ್ರೇಯಸ್​ ಅಯ್ಯರ್​ 16 ಎಸೆತಗಳಲ್ಲಿ 25, 4ನೇ ಕ್ರಮಾಂಕಕ್ಕೆ ಹಿಂಬಡ್ತಿ ಪಡೆದಿದ್ದ ರೋಹಿತ್ ಶರ್ಮಾ 15 ಎಸೆತಗಳಲ್ಲಿ 7 ರನ್​ಗಳಿಸಿ ಔಟಾದರು.

ವಿಂಡೀಸ್ ಪರ ಜೇಸನ್​ ಹೋಲ್ಡರ್​, ರಾಸ್ಟನ್ ಚೇಸ್​, ಡೊಮೆನಿಕ್ ಡ್ರೇಕ್ಸ್​ ಹೇಡನ್​ ವಾಲ್ಶ್​ ಮತ್ತು ರೊಮಾರಿಯೋ ಶೆಫರ್ಡ್​ ತಲಾ ಒಂದು ವಿಕೆಟ್ ಪಡೆದರು.

ಇದನ್ನೂ ಓದಿ:ಯಶ್ ಧುಲ್ ಅವಳಿ ಶತಕ: ಭಾರತಕ್ಕಾಗಿ ಆಡಲು ಯುವ ಬ್ಯಾಟರ್​ ಸಿದ್ಧ ಎಂದ ಡೆಲ್ಲಿ ಕೋಚ್