ICC Raking: ಅಗ್ರ ಸ್ಥಾನದಲ್ಲೇ ಮುಂದುವರಿದ ಅಶ್ವಿನ್​, ಬ್ಯಾಟಿಂಗ್​ ಶ್ರೇಯಾಂಕದಲ್ಲಿ ಉತ್ತುಂಗಕ್ಕೇರಿದ ಗಾಯಾಳು ವಿಲಿಯಮ್ಸನ್​

ಟೆಸ್ಟ್​ ಪಂದ್ಯಗಳನ್ನು ತುಂಬಾ ಸಮಯದಿಂದ ಆಡದಿದ್ದರೂ ಆರ್​ ಅಶ್ವಿನ್​ ಬೌಲಿಂಗ್​ ಶ್ರೇಯಾಂಕದ ಅಗ್ರ ಸ್ಥಾನದಲ್ಲೇ ಮುಂದುವರೆದಿದ್ದಾರೆ. ಡಬ್ಲ್ಯೂಟಿಸಿ ಫೈನಲ್​ನಲ್ಲಿ ಭಾರತ ಆಸ್ಟ್ರೇಲಿಯಾದ ವಿರುದ್ಧ ಸೋಲು ಕಂಡರೂ ಟೆಸ್ಟ್​ ಟೀಮ್​ ರ‍್ಯಾಂಕಿಂಗ್​ನಲ್ಲಿ ಕುಸಿತ ಕಂಡಿಲ್ಲ.

ದುಬೈ: ಟೀಂ ಇಂಡಿಯಾ ಮತ್ತು ಆಫ್ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ ಅವರು ಇತ್ತೀಚಿನ ಐಸಿಸಿ ಟೆಸ್ಟ್ ರ‍್ಯಾಂಕಿಂಗ್‌ನ ಬೌಲಿಂಗ್​ ಶ್ರೇಯಾಂಕದಲ್ಲಿ ನಂಬರ್ ಒನ್ ಸ್ಥಾನವನ್ನು ಉಳಿದುಕೊಂಡಿದ್ದಾರೆ. ನ್ಯೂಜಿಲ್ಯಾಂಡ್​ ನಾಯಕ ಕೇನ್ ವಿಲಿಯಮ್ಸನ್ ಇಂಗ್ಲೆಂಡ್​ನ ಜೋ ರೂಟ್ ಅವರನ್ನು ಕೆಳಕ್ಕೆ ತಳ್ಳಿ ಬ್ಯಾಟಿಂಗ್​ನಲ್ಲಿ ಅಗ್ರ ಸ್ಥಾನವನ್ನು ಅಲಂಕರಿಸಿದ್ದಾರೆ. ಕಳೆದ ತಿಂಗಳು ನಡೆದ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್‌ನಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಭಾರತ ಸೋಲು ಕಂಡರೂ ಟೆಸ್ಟ್​​​ ಟೀಮ್​ ರ‍್ಯಾಂಕಿಂಗ್​ನಲ್ಲಿ ಒಂದನೇ ಸ್ಥಾನದಲ್ಲೇ ಮುಂದುವರೆದಿದೆ.

• An entertaining #Ashes Test at Lord’s led to major changes at the top of the @MRFWorldwide ICC Men’s Test Batting Rankings 👀#ICCRankings | Details 👇https://t.co/zI3BcvjVnJ

  — ICC (@ICC) July 5, 2023 " class="align-text-top noRightClick twitterSection" data="

  An entertaining #Ashes Test at Lord’s led to major changes at the top of the @MRFWorldwide ICC Men’s Test Batting Rankings 👀#ICCRankings | Details 👇https://t.co/zI3BcvjVnJ

  — ICC (@ICC) July 5, 2023

  ">

  An entertaining #Ashes Test at Lord’s led to major changes at the top of the @MRFWorldwide ICC Men’s Test Batting Rankings 👀#ICCRankings | Details 👇https://t.co/zI3BcvjVnJ

  — ICC (@ICC) July 5, 2023

ಅಶ್ವಿನ್​ ಕೆಂಪು ಬಾಲ್​ ಕ್ರಿಕೆಟ್​ ಆಡದೇ ಬಹಳ ಸಮಯವಾಗಿದೆ. ಇತ್ತೀಚೆಗೆ ಭಾರತ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ ಫೈನಲ್​ ಆಡಿದರೂ ಅಶ್ವಿನ್​ಗೆ ತಂಡದಲ್ಲಿ ಸ್ಥಾನ ಸಿಕ್ಕಿರಲಿಲ್ಲ. ಹೀಗಿದ್ದರೂ ಆಸ್ಟ್ರೇಲಿಯಾದ ಬೌಲರ್​ಗಳು ಅಶ್ವಿನ್​ ಅವರನ್ನು ಹಿಂದಿಕ್ಕಿರುವಲ್ಲಿ ವಿಫಲರಾಗಿದ್ದಾರೆ. ಅಶ್ವಿನ್ ಬೌಲರ್‌ಗಳಲ್ಲಿ ತಮ್ಮ ವಿಶ್ವದ ನಂಬರ್ 1 ಪಟ್ಟವನ್ನು 860 ಅಂಕಗಳಿಂದ ಉಳಿಸಿಕೊಂಡಿದ್ದಾರೆ. ಆಸ್ಟ್ರೇಲಿಯಾದ ನಾಯಕ ಪ್ಯಾಟ್ ಕಮ್ಮಿನ್ಸ್ ಅವರು 826 ಅಂಕ ಪಡೆದುಕೊಂಡಿದ್ದು, ಎರಡು ಸ್ಥಾನಗಳ ಏರಿಕೆ ಕಂಡು ದ್ವಿತೀಯ ಶ್ರೇಯಾಂಕವನ್ನು ಅಲಂಕರಿಸಿದ್ದಾರೆ.

434 ಅಂಕಗಳೊಂದಿಗೆ ಆಲ್‌ರೌಂಡರ್‌ಗಳ ಪಟ್ಟಿಯಲ್ಲಿ ರವೀಂದ್ರ ಜಡೇಜಾ ಅಗ್ರಸ್ಥಾನದಲ್ಲಿ ಸ್ಥಿರವಾಗಿದ್ದಾರೆ. ಅಶ್ವಿನ್ ಎರಡನೇ ಸ್ಥಾನದಲ್ಲಿ ಮುಂದುವರಿದರೆ, ಅಕ್ಷರ್ ಪಟೇಲ್ ಆಲ್ ರೌಂಡರ್ ಗಳಲ್ಲಿ ಐದನೇ ಸ್ಥಾನಕ್ಕೆ ಕುಸಿದಿದ್ದಾರೆ. ಕಳೆದ ವರ್ಷ ಡಿಸೆಂಬರ್‌ನಲ್ಲಿ ಸಂಭವಿಸಿದ ಕಾರು ಅಪಘಾತದ ನಂತರ ಆಟದಿಂದ ಹೊರಗುಳಿದಿರುವ ರಿಷಭ್​ ಪಂತ್ ಬ್ಯಾಟಿಂಗ್​ ಶ್ರೇಯಾಂಕದಲ್ಲಿ 10 ನೇ ಸ್ಥಾನದಲ್ಲಿ ಇದ್ದಾರೆ. ಭಾರತದ ನಾಯಕ ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿ ಕ್ರಮವಾಗಿ 12 ಮತ್ತು 14 ನೇ ಸ್ಥಾನಗಳನ್ನು ಆಕ್ರಮಿಸಿಕೊಂಡಿದ್ದಾರೆ.

ಶುಭಮನ್ ಗಿಲ್ ಏಕದಿನ ಶ್ರೇಯಾಂಕದಲ್ಲಿ ಐದನೇ ಸ್ಥಾನದಲ್ಲಿದ್ದರೆ, ಕೊಹ್ಲಿ (ಎಂಟನೇ) ಮತ್ತು ರೋಹಿತ್ (10 ನೇ) ಅಗ್ರ 10 ರಲ್ಲಿರುವ ಇತರ ಇಬ್ಬರು ಭಾರತೀಯ ಬ್ಯಾಟರ್‌ಗಳಾಗಿದ್ದಾರೆ. ಮೊಹಮ್ಮದ್ ಸಿರಾಜ್ ಬೌಲಿಂಗ್ ಪಟ್ಟಿಯಲ್ಲಿ ಅಗ್ರ 10 ರಲ್ಲಿರುವ ಏಕೈಕ ಭಾರತೀಯರಾಗಿದ್ದಾರೆ.

ಸ್ಮಿತ್​ ಮೀರಿಸಿ ಅಗ್ರಸ್ಥಾನಕ್ಕೆರಿದ ಕೇನ್​ ವಿಲಿಯಮ್ಸನ್: ಪ್ರಸ್ತುತ ನಡೆಯುತ್ತಿರುವ ಆ್ಯಶಸ್​ ಸರಣಿಯ ಮೊದಲ ಟೆಸ್ಟ್​ನಲ್ಲಿ 100 ಮತ್ತು 40 ಪ್ಲೆಸ್​ ರನ್​ ಗಳಿಸಿದ ಜೋ ರೂಟ್​​ ಅಗ್ರಸ್ಥಾನದಿಂದ ಐದನೇ ಸ್ಥಾನಕ್ಕೆ ಕುಸಿತ ಕಂಡಿದ್ದಾರೆ. ಎರಡನೇ ಸ್ಥಾನದಲ್ಲಿದ್ದ ಕೇನ್​ ವಿಲಿಯಮ್ಸನ್​ ಅಗ್ರ ಪಟ್ಟವನ್ನು ಅಲಂಕರಿಸಿದ್ದಾರೆ. ನಾಲ್ಕನೇ ಸ್ಥಾನದಲ್ಲಿದ್ದ ಸ್ಟೀವ್​ ಸ್ಮಿತ್​ ನಾಲ್ಕು ಸ್ಥಾನಗಳ ಏರಿಕೆ ಕಂಡು ಎರಡನೇ ಶ್ರೇಯಾಂಕವನ್ನು ಅಲಂಕರಿಸಿದ್ದಾರೆ.

ವಿಲಿಯಮ್ಸನ್‌ ಆರನೇ ಬಾರಿಗೆ ಅಗ್ರ ಸ್ಥಾನವನ್ನು ಅಂಕರಿಸುತ್ತಿದ್ದಾರೆ. 2015 ರಲ್ಲಿ ಅವರು ಮೊದಲ ಬಾರಿಗೆ ಪ್ರಥಮ ಶ್ರೇಯಾಂಕಿತರಾಗಿದ್ದರು. 2021 ಆಗಸ್ಟ್​​ನಲ್ಲಿ ಕೊನೆಯದಾಗಿ ಅಗ್ರ ಪಟ್ಟದಲ್ಲಿದ್ದರು. ಲಾರ್ಡ್ಸ್ ಟೆಸ್ಟ್​ನ ಮೊದಲ ಇನ್ನಿಂಗ್ಸ್​​ನ ಶತಕದಿಂದಾಗಿ ಸ್ಮಿತ್​ ನಾಲ್ಕು ಸ್ಥಾನದ ಏರಿಕೆ ಕಂಡಿದ್ದಾರೆ.

ಇದನ್ನೂ ಓದಿ: Men's Emerging Asia Cup 2023: ಯಶ್ ಧುಲ್ ನಾಯಕತ್ವದಲ್ಲಿ ಉದಯೋನ್ಮುಖ ಏಷ್ಯಾ ಕಪ್ ತಂಡ.. ಐಪಿಎಲ್ ಪ್ರತಿಭೆಗಳಿಗೆ ಮಣೆ​