ನವದೆಹಲಿ: ಇಂಡಿಯನ್ ಪ್ರೀಮಿಯರ್ ಲೀಗ್ನ ಕಾರ್ನಿವಲ್ಗೆ ಕೆಲವೇ ದಿನಗಳಿದ್ದು, ಆಟಗಾರರು ಈಗಲೇ ತಯಾರಾಗುತ್ತಿದ್ದಾರೆ. ಲೀಗ್ನ ಕಾವು ದಿನೇ ದಿನೇ ಏರುತ್ತಿದ್ದು, ಒಂದಲ್ಲಾ ಒಂದು ಸುದ್ದಿ ಬರುತ್ತಲಿದೆ. ಐಪಿಎಲ್ಗೂ ಮುನ್ನ ಚೊಚ್ಚಲ ಸೀಸನ್ ಡಬ್ಯ್ಲುಪಿಎಲ್ ಆರಂಭವಾಗಲಿದ್ದು, ಮಹಿಳಾ ಟಿ20 ವಿಶ್ವಕಪ್ ನಂತರ ಈ ಚುಟುಕು ಸಮರ ಆರಂಭವಾಗಲಿದೆ.
ಗಾಯದ ಸಮಸ್ಯೆಯಿಂದ ಎರಡು ಪ್ರವಾಸದಲ್ಲಿ ಟೀಂ ಇಂಡಿಯಾದಿಂದ ಹೊರಗಿದ್ದ, ಭಾರತೀಯ ವೇಗದ ಬೌಲರ್ ದೀಪಕ್ ಚಹಾರ್ ಅವರು ಸಂಪೂರ್ಣವಾಗಿ ಫಿಟ್ ಆಗಿದ್ದಾರೆ. ಮಾರ್ಚ್ 31 ರಿಂದ ಪ್ರಾರಂಭವಾಗುವ ಇಂಡಿಯನ್ ಪ್ರೀಮಿಯರ್ ಲೀಗ್ನ ಮೂಲಕ ಪೀಲ್ಡ್ಗೆ ಇಳಿಯಲಿದ್ದಾರೆ. ಈ ಬಗ್ಗೆ ಸ್ವತಃ ದೀಪಕ್ ಚಹಾರ್ ಹೇಳಿಕೊಂಡಿದ್ದಾರೆ.
30 ವರ್ಷ ವಯಸ್ಸಿನ ವೇಗದ ಬೌಲರ್ ಒತ್ತಡದಿಂದ ಮತ್ತು ಗ್ರೇಡ್ III ತೊಡೆಯ ಗಾಯದಿಂದ ಚೇತರಿಸಿಕೊಳ್ಳಲು ಹೆಚ್ಚಿನ ಸಮಯ ತೆಗೆದುಕೊಂಡರು. ಚಹಾರ್ ಕೊನೆಯ ಬಾರಿಗೆ ಬಾಂಗ್ಲಾದೇಶದಲ್ಲಿ ನಡೆದ ಎರಡನೇ ಏಕದಿನ ಪಂದ್ಯದಲ್ಲಿ ಭಾರತಕ್ಕಾಗಿ ಆಡಿದರು. ಅಲ್ಲಿ ಅವರು ಕೇವಲ ಮೂರು ಓವರ್‌ಗಳನ್ನು ಬೌಲ್ ಮಾಡಿ ಗಾಯಕ್ಕೆ ತುತ್ತಾದರು. 2022 ರಲ್ಲಿ ಚಹಾರ್ ಭಾರತಕ್ಕಾಗಿ ಕೇವಲ 15 ಪಂದ್ಯಗಳನ್ನು ಮಾತ್ರ ಆಡಿದ್ದಾರೆ. ಗಾಯದ ಕಾರಣ ಟಿ20 ವಿಶ್ವಕಪ್‌ನಿಂದ ಹೊರಗುಳಿದಿದ್ದರು.
ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿಯಲ್ಲಿ (ಎನ್‌ಸಿಎ) ಪುನರ್ವಸತಿ ನಂತರ ಚಹಾರ್ ಅವರು ಐಪಿಎಲ್ಗೆ ತಯಾರಿ ನಡೆಸುತ್ತಿದ್ದಾರೆ. ಐಪಿಎಲ್ನಲ್ಲಿ ಚಹಾರ್ಚೆನ್ನೈ ಸೂಪರ್ ಕಿಂಗ್ಸ್ಗಾಗಿ ಆಡಲಿದ್ದಾರೆ. ಕಳೆದ ಎರಡು-ಮೂರು ತಿಂಗಳಿಂದ ನಾನು ಫಿಟ್‌ನೆಸ್‌ಗಾಗಿ ಶ್ರಮಿಸುತ್ತಿದ್ದೇನೆ, ನಾನು ಸಂಪೂರ್ಣವಾಗಿ ಫಿಟ್ ಆಗಿದ್ದೇನೆ ಮತ್ತು ಐಪಿಎಲ್ಗೆ ಉತ್ತಮ ತಯಾರಿ ನಡೆಸುತ್ತಿದ್ದೇನೆ ಎಂದು ಚಹಾರ್ ಹೇಳಿದರು.
ನನಗೆ ಎರಡು ದೊಡ್ಡ ಗಾಯಗಳಾಗಿದ್ದವು. ವೇಗದ ಬೌಲಿಂಗ್ ಮಾಡುವಾಗ ಕಾಲುಗಳಿಗೆ ಹೆಚ್ಚಿನ ಒತ್ತಡ ಬೀಳುವುದರಿಂದ ಒತ್ತಡ ಮುರಿತ ಉಂಟಾಗಿತ್ತು. ಹಾಗೇ ಗ್ರೇಡ್ III ತೊಡೆಯ ಗಾಯವು ಆಗಿತ್ತು ಹೀಗಾಗಿ ಚೇತರಿಕೆಗೆ ಹೆಚ್ಚಿನ ಸಮಯ ತೆಗೆದು ಕೊಳ್ಳಬೇಕಾಯಿತು. ಟಿ20 ವಿಶ್ವಕಪ್ ಆಡಬೇಕೆನ್ನುವ ಆಸೆ ಇತ್ತು. ಆದರೆ ಗಾಯದ ಸಮಸ್ಯೆಯಿಂದ ತಂಡದಲ್ಲಿ ಭಾಗವಾಗಲು ಸಾಧ್ಯವಾಗಲಿಲ್ಲ. ಮುಂದೆ ಭಾರತದಲ್ಲಿ ನಡೆಯಲಿರುವ ಏಕ ದಿನ ವಿಶ್ವಕಪ್ನಲ್ಲಿ ಆಡುವ ಗುರಿಹೊಂದಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ.
“ಪುರುಷರ ಐಪಿಎಲ್ ವಿಶ್ವ ಕ್ರಿಕೆಟ್ನಲ್ಲಿ ಬಹಳಷ್ಟು ಬದಲಾವಣೆಗಳನ್ನು ಮಾಡಿತು. ಸಾಕಷ್ಟು ಜನರಿಗೆ ಅಂತರಾಷ್ಟ್ರೀಯ ತಂಡದಲ್ಲಿ ಆಡಲು ಅವಕಾಶ ಮಾಡಿಕೊಟ್ಟಿತು. ಮಹಿಳಾ ಪ್ರೀಮಿಯರ್ ಲೀಗ್‌ನಲ್ಲೂ ಅದೇ ಸಂಭವಿಸುತ್ತದೆ. ಮಹಿಳಾ ಕ್ರಿಕೆಟ್ ತುಂಬಾ ವೇಗವಾಗಿ ಬೆಳೆಯುತ್ತದೆ. ಏಕೆಂದರೆ ಅವರು ತಮ್ಮ ವೃತ್ತಿಜೀವನದ ಆರಂಭದಲ್ಲಿ ಅಂತಾರಾಷ್ಟ್ರೀಯ ಆಟಗಾರರನ್ನು ಎದುರಿಸುತ್ತಾರೆ. ಮಹಿಳಾ ಆಟಗಾರ್ತಿಯರಿಗೆ ಹೆಚ್ಚು ಸಂಪಾದನೆಯ ಅವಕಾಶವನ್ನು ಈ ಲೀಗ್ ತೆರೆದಿಟ್ಟಿದೆ. ಮಹಿಳಾ ಕ್ರಿಕೆಟ್ಗೆ ಹೆಚ್ಚಿನ ಪ್ರಮುಖ್ಯತೆ ಈ ಪಂದ್ಯಗಳಿಂದ ದೊರಕುವ ಸಾಧ್ಯತೆ ಇದೆ" ಎಂದು ಚಹಾರ್ ಹೇಳಿದರು.
ಐಪಿಎಲ್ಗೆ ಗಾಯದ ಬರೆ: ಗಾಯದ ಸಮಸ್ಯೆ ಐಪಿಎಲ್ ತಂಡಗಳಿಗೆ ಕಾಡುವ ಸಾಧ್ಯತೆ ಹೆಚ್ಚಿದೆ. ಮುಂಬೈ ಇಂಡಿಯನ್ಸ್ನ ಸ್ಟಾರ್ ಪ್ಲೇಯರ್ ಬೂಮ್ರಾ ಇನ್ನು ಎನ್ಸಿಎಯಲ್ಲಿ ಇದ್ದಾರೆ. ಆರ್ಸಿಬಿಯ ಮ್ಯಾಕ್ಸ್ ವೆಲ್ಗೆ ಗಾಯವಾಗಿದೆ ಎಂಬ ಸುದ್ದಿಯಿಂದ ಅವರೂ ತಂಡದಿಂದ ಹೊರಗುಳಯುವ ಸಾಧ್ಯತೆ ಹೆಚ್ಚಿದೆ. ವಾರ್ನರ್ ಮೊಣಕೈ ಗಾಯಕ್ಕೆ ತುತ್ತಾಗಿದ್ದು, ಚೇತರಿಕೆ ಬಗ್ಗೆ ಇನ್ನಷ್ಟೇ ತಿಳಿಯಬೇಕಿದೆ.
ಇದನ್ನೂ ಓದಿ: ದುಬೈ ಟೂರ್ನಿ: ಸೋಲಿನೊಂದಿಗೆ ವೃತ್ತಿಪರ ಟೆನಿಸ್ಗೆ ಸಾನಿಯಾ ಮಿರ್ಜಾ ಗುಡ್ಬೈ
