WTC 2023: ಅಧಿಕ ರನ್​ ಗಳಿಸಿದ ಬ್ಯಾಟರ್​ ರೂಟ್​, ಭಾರತಕ್ಕೆ ಆಸಿಸ್​ ಸರಣಿ ಅಂತಿಮ ಟೆಸ್ಟ್​ ನಿರ್ಣಾಯಕ

ಜೂನ್ 7ಕ್ಕೆ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ ಫೈನಲ್​ - ಇಂದೋರ್​ನಲ್ಲಿ ಭಾರತವನ್ನು ಮಣಿಸಿ ಫೈನಲ್​ಗೇರಿದ ಆಸಿಸ್​ - ಆಸಿಸ್​ ಎದುರಾಳಿ ಭಾರತ ಆಗುತ್ತಾ ಎಂಬುದಕ್ಕೆ ನಾಲ್ಕನೇ ಪಂದ್ಯ ನಿರ್ಣಾಯಕ

ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನ ಫೈನಲ್​ನಲ್ಲಿ ಭಾರತ ಆಡುತ್ತದೋ ಇಲ್ಲವೂ ಎಂಬುದು ಗೊತ್ತಾಗಲು ಬಾರ್ಡರ್​ ಗವಾಸ್ಕರ್​ ಟ್ರೋಫಿ ನಾಲ್ಕನೇ ಪಂದ್ಯ ನಿರ್ಣಾಯಕ ಆಗಲಿದೆ. ಗುಜರಾತ್​ನಲ್ಲಿ ನಡೆಯುವ ಪಂದ್ಯದಲ್ಲಿ ಗೆದ್ದರೆ ಫೈನಲ್​ ಪ್ರವೇಶ ಪಕ್ಕಾ ಆಗಲಿದೆ. ಇಲ್ಲದಿದ್ದಲ್ಲಿ ನ್ಯೂಜಿಲ್ಯಾಂಡ್​ ​ ಮತ್ತು ಶ್ರೀಲಂಕಾ ನಡುವಣ ಟೆಸ್ಟ್​ ಸರಣಿಯ ಫಲಿತಾಂಶದ ಆಧಾರದಲ್ಲಿ ಭಾರತದ ಫೈನಲ್​ ಆಟ ಗೊತ್ತಾಗಲಿದೆ. ನ್ಯೂಜಿಲ್ಯಾಂಡ್​ ​ 2019-2021 ಮೊದಲ ವಿಶ್ವ ಟೆಸ್ಟ್​​ ಚಾಂಪಿಹಯನ್​ಶಿಪ್​ನ ವಿಜೇತವಾಗಿತ್ತು.

• Joe Root reigns 🔝 of the #WTC23 run-scoring chart 👏 pic.twitter.com/YPc3c1tS4Y

  — ICC (@ICC) March 5, 2023 " class="align-text-top noRightClick twitterSection" data="

  Joe Root reigns 🔝 of the #WTC23 run-scoring chart 👏 pic.twitter.com/YPc3c1tS4Y

  — ICC (@ICC) March 5, 2023

  ">

  Joe Root reigns 🔝 of the #WTC23 run-scoring chart 👏 pic.twitter.com/YPc3c1tS4Y

  — ICC (@ICC) March 5, 2023

ಡಬ್ಲ್ಯುಟಿಸಿ 2021-23ರಲ್ಲಿ ಇಂಗ್ಲೆಂಡ್‌ನ ಜೋ ರೂಟ್ ಇಲ್ಲಿಯವರೆಗೆ ಉತ್ತಮ ಪ್ರದರ್ಶನ ನೀಡಿದ್ದಾರೆ. WTC ರನ್ ಸ್ಕೋರಿಂಗ್ ಚಾರ್ಟ್‌ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದವರಲ್ಲಿ ರೂಟ್ ಮೊದಲ ಸ್ಥಾನ ಗಳಿಸಿದ್ದಾರೆ. 22 ಪಂದ್ಯಗಳನ್ನು ಆಡಿರುವ ಅವರು 1915 ರನ್ ಗಳಿಸಿದ್ದಾರೆ. ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನ ಸೀರೀಸ್​ನಲ್ಲಿ ಅವರ ಗರಿಷ್ಠ ಸ್ಕೋರ್ 180 ಆಗಿದೆ. ರೂಟ್​ ನಂತರ ಪಾಕಿಸ್ತಾನದ ಬಾಬರ್ ಅಜಮ್ 14 ಪಂದ್ಯಗಳಲ್ಲಿ 1527 ರನ್ ಗಳಿಸಿ ಎರಡನೇ ಸ್ಥಾನದಲ್ಲಿದ್ದಾರೆ.

ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನ ಬೌಲಿಂಗ್​ ಗಳಿಕೆಯ ಪಟ್ಟಿಯಲ್ಲಿ ನಾಥನ್ ಲಿಯಾನ್ ನಂಬರ್ ಒನ್ ಸ್ಥಾನದಲ್ಲಿದ್ದಾರೆ. ಆಸ್ಟ್ರೇಲಿಯಾದ ನಾಥನ್ ಲಿಯಾನ್ 2021-23ರ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನಲ್ಲಿ 80 ವಿಕೆಟ್‌ಗಳೊಂದಿಗೆ ಮೊದಲ ಸ್ಥಾನದಲ್ಲಿದ್ದಾರೆ. ಅವರ ನಂತರ ಕಗಿಸೊ ರಬಾಡ 63 ವಿಕೆಟ್‌ಗಳೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ. ಭಾರತದ ಬೌಲರ್ ಆರ್ ಅಶ್ವಿನ್ 54 ವಿಕೆಟ್ ಪಡೆದು ನಾಲ್ಕನೇ ಸ್ಥಾನದಲ್ಲಿದ್ದಾರೆ.

ಜೋ ರೂಟ್ ಅವರ ಕ್ರಿಕೆಟ್ ವೃತ್ತಿಜೀವನ ಇಂಗ್ಲೆಂಡ್‌ನ ಈ ಡ್ಯಾಶಿಂಗ್ ಬ್ಯಾಟ್ಸ್‌ಮನ್ 13 ಡಿಸೆಂಬರ್ 2012 ರಂದು ಟೆಸ್ಟ್‌ಗೆ ಪದಾರ್ಪಣೆ ಮಾಡಿದರು. ಮೊದಲ ಪಂದ್ಯ ಭಾರತದ ವಿರುದ್ಧವೇ ಆಡಿದ್ದರು. ಇಲ್ಲಿಯವರೆಗೆ 129 ಟೆಸ್ಟ್‌ಗಳಲ್ಲಿ 237 ಇನ್ನಿಂಗ್ಸ್​ ಆಡಿರುವ ಅವರು 10,948 ರನ್ ಗಳಿಸಿದ್ದಾರೆ. ಇದರಲ್ಲಿ 5 ದ್ವಿಶತಕ ಮತ್ತು 29 ಶತಕಗಳಿವೆ. ಅವರ ಗರಿಷ್ಠ ಸ್ಕೋರ್ 254 ಆಗಿದೆ. ಜೋ ರೂಟ್​ 158 ಏಕದಿನ ಪಂದ್ಯಗಳಲ್ಲಿ 6,207 ರನ್ ಗಳಿಸಿದ್ದಾರೆ. ರೂಟ್​ 32 ಟಿ20 ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ 893 ರನ್ ಗಳಿಸಿದ್ದಾರೆ.

ಭಾರತ ಎದುರಿನ ಕೊನೆಯ ಟೆಸ್ಟ್​ಗೆ ಕಮಿನ್ಸ್​ ಗೈರು: ತಾಯಿಯ ಅನಾರೋಗ್ಯದ ಕಾರಣ ಸ್ವದೇಶಕ್ಕೆ ಮರಳಿರುವ ಕಮಿನ್ಸ್​​ ಮೂರನೇ ಪಂದ್ಯಕ್ಕೆ ಮರಳಿರಲಿಲ್ಲ. ಅವರ ಬದಲಾಗಿ ಸ್ಟಾಡ್​-ಇನ್​ ನಾಯಕ ಸ್ಮಿತ್​ ತಂಡವನ್ನು ಮುನ್ನಡೆಸಿದ್ದರು. ನಾಲ್ಕನೇ ಪಂದ್ಯಕ್ಕೂ ಸ್ಮಿತ್​ ಅವರ ಮುಂದಾಳತ್ವದಲ್ಲಿ ಆಸಿಸ್​ ಪಡೆ ಪಂದ್ಯ ಆಡಲಿದೆ.

ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಪಂದ್ಯಗಳು:
ದಕ್ಷಿಣ ಆಫ್ರಿಕಾ ವಿರುದ್ಧ ವೆಸ್ಟ್ ಇಂಡೀಸ್, ಜೋಹಾನ್ಸ್‌ಬರ್ಗ್, ದಕ್ಷಿಣ ಆಫ್ರಿಕಾ ಮಾರ್ಚ್ 8-12
ನ್ಯೂಜಿಲ್ಯಾಂಡ್​​ ವಿರುದ್ಧ ಶ್ರೀಲಂಕಾ, ಕ್ರೈಸ್ಟ್‌ಚರ್ಚ್, ನ್ಯೂಜಿಲ್ಯಾಂಡ್​​ ಮಾರ್ಚ್ 9-13
ಭಾರತ ವಿರುದ್ಧ ಆಸ್ಟ್ರೇಲಿಯಾ, ಅಹಮದಾಬಾದ್, ಭಾರತ ಮಾರ್ಚ್ 9-13
ನ್ಯೂಜಿಲ್ಯಾಂಡ್​ ವಿರುದ್ಧ ಶ್ರೀಲಂಕಾ, ವೆಲ್ಲಿಂಗ್ಟನ್ , ನ್ಯೂಜಿಲ್ಯಾಂಡ್​​ ಮಾರ್ಚ್ 17-21

ಇದನ್ನೂ ಓದಿ: ನಾಲ್ಕನೇ ಟೆಸ್ಟ್​ಗೂ ಸ್ಮಿತ್​ ನಾಯಕತ್ವ ಮುಂದುವರಿಕೆ: ಏಕದಿನ ಸರಣಿಗೂ ಕಮಿನ್ಸ್​ ಡೌಟ್​​